ຂປລ. ຕາມຂ່າວຕ່າງປະເທດ, ໃນວັນທີ 25 ສິງຫາ 2015, ອົງການ ອາຫານ ແຫ່ງຊາດ ຟີລິບປິນ ໄດ້ລົງໄປກວດສອບ ຄຸນນະພາບ ເຂົ້າສານ ທີ່ຈຳໜ່າຍໃນຕະຫລາດທົ່ວໄປ ຫລັງຈາກມີຄຳຮ້ອງ ທຸກ ຈາກປະຊາຊົນວ່າ ມີການຈຳໜ່າຍ ເຂົ້າປອມ ຫລາຍຊະນິດ ຈາກການນຳຕົວຢ່າງ ເຂົ້າໄປທົດລອງ ພົບສານໄດທິລທາເລດ ທີ່ໃຊ້ຜະລິດຢາງ ບໍ່ໄດ້ໃຊ້ຜະລິດ ອາຫານ ຢ່າງແນ່ນອນ. ກ່ອນໜ້ານີ້ ຟີລິບປິນ ຈະບໍ່ອະນຸຍາດ ໃຫ້ນຳເຂົ້າ ເຂົ້າຈາກຈີນ ແຕ່ກໍ່ມີການລັກລອບນຳ ເຂົ້າແບບຜິດກົດໝາຍ ເກີດມີຄວາມສ່ຽງສູງ ຈະເປັນເຂົ້າປອມ. ສຳລັບ ຜູ້ນຳມາຈຳໜ່າຍ ທີຝ່າຝືນ ຈະຖືກດຳເນີນຄະດີ ອາຍາ ແລະ ຖືກປັບໃໝ ເປັນເງິນ ແຕ່ 4.000-8.000 ເປໂຊ ແລະ ຕິດຄຸກເຖິງ 6 ປີ. ເຂົ້າປອມ ເຊື່ອວ່າ ຜະລິດຢູ່ຈີນ ຫລັງຈາກຫຸງສຸກແລ້ວ ເມັດເຂົ້າ ຈະແຂງຫລາຍ ຖ້າຫາກກິນເຂົ້າໄປ ຈະເປັນອັນຕະລາຍ ແລະ ທຳລາຍລະບົບ ຍ່ອຍອາຫານ.
ຂອບໃຈຂ່າວຈາກ:
