spot_img
Homeຂ່າວການສຶກສາເປີດຕົວລາຍການໂທລະພາບສຳລັບເດັກກ່ອນໄວຮຽນ ບ້ານຂອງຂ້ອຍ

ເປີດຕົວລາຍການໂທລະພາບສຳລັບເດັກກ່ອນໄວຮຽນ ບ້ານຂອງຂ້ອຍ

Published on

tue10sep3

ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ  ສົມທົບກະຊວງສຶກສາທິການ  ແລະ ກີລາ ໂດຍການສະຫນັບ ສະຫນູນຈາກ ອົງການອຸຍນີ ເຊັບ ປະຈຳ ສປປ ລາວ ໄດ້ ຈັດພິທີເປີດຕົວລາຍການໂທ ລະພາບສຳລັບເດັກກ່ອນໄວ ຮຽນ ທີ່ມີຊື່ລາຍການວ່າ “ບ້ານຂອງຂ້ອຍ” ໃນວັນທີ 9 ກັນຍາ 2013 ທີ່ໂຮງແຮມ ດອນຈັນພາເລດ.
ໂດຍການເປັນປະທານຂອງ ທ່ານ ສະຫວັນຄອນ ຣາຊະ ມູນຕຣີ, ລັດຖະມົນຕີຊ່ວຍວ່າ ການກະຊວງຖະແຫຼ່ງຂ່າວ, ວັດທະນະທຳ ແລະ ທ່ອງທ່ຽວ ແລະທ່ານ ທິມ ເຊັບເຕີ, ຜູ້ຕາງ ໜ້າອົງການອຸຍນີເຊັບ ປະຈຳ ສປປ ລາວ, ມີບັນດາຜູ້ຕາງ ໜ້າຈາກກະຊວງ ແລະ ພາກ ສ່ວນຕ່າງໆ, ພ້ອມດ້ວຍຫຼານ ນ້ອຍຈາກໂຮງຮຽນປະຖົມ-ອະນຸບານຈາກນະຄອນຫຼວງ ວຽງຈັນ ເຂົ້າຮ່ວມ.
ທ່ານ ສະຫວັນຄອນ ຣາຊະ ມົນຕີ ໄດ້ກ່າວວ່າ: ວັດຖຸປະ ສົງຂອງລາຍການໂທລະພາບ ສຳລັບເດັກກ່ອນໄວຮຽນແມ່ນ ເພື່ອໃຫ້ຄວາມຮູ້ພື້ນຖານ ແລະ ທັກສະໃຫ້ແກ່ເດັກເພື່ອ ກຽມຄວາມພ້ອມໃນການເຂົ້າ ໂຮງຮຽນ ແລະ ການດຳລົງຊີ ວິດປະຈຳວັນ, ລາຍການໂທ ລະພາບ “ບ້ານຂອງຂ້ອຍ” ແມ່ນສ່ວນໜຶ່ງຂອງບັນດາຍຸດ ທະສາດຄວາມພະຍາຍາມ ໃນການພັດທະນາເດັກກ່ອນ ໄວຮຽນ ໃນທົ່ວປະເທດເຮົາ. ລາຍການໂທລະພາບຊຸດນີ້ມີ 15 ຫົວຂໍ້ແຕກຕ່າງກັນ ແລະ ມີຄວາມຍາວຫົວຂໍ້ລະ 15 ນາ ທີ.​ແຕ່ລະຫົວຂໍ້ແມ່ນຈະໃຫ້ ຄວາມຮູ້ຕໍ່ເດັກໃນການພັດ ທະນາທາງດ້ານຮ່າງກາຍ, ຄວາມຄິດ, ດ້ານສັງຄົມ ແລະ ດ້ານອາລົມຈິດ. ແນວຄິດຕົ້ນ ຕໍຂອງລາຍການແມ່ນຕ້ອງ ໃຫ້ມີຕົວແທນ ແລະ ມີສ່ວນ ຮ່ວມໃນການຜະລິດຈາກເດັກ ທຸກຄົນ, ຍິງ,​ ຊາຍ, ເດັກຊົນ ເຜົ່າ ແລະ ເດັກພິການ.
ທ່ານຍັງໄດ້ກ່າວອີກວ່າ: ໃນ ຊຸມປີຜ່ານມາ ສື່ມວນຊົນລາວ ໄດ້ມີການຂະຫຍາຍຕົວທາງ ດ້ານປະລິມານ ແລະ ຄຸນນະ ພາບ, ປະຊາຊົນກໍ່ສາມາດ ເບິ່ງໂທລະພາບຂອງລາວ ແລະ ຕ່າງປະເທດໄດ້ຫຼາຍ ຂຶ້ນ. “ບ້ານຂອງຂ້ອຍ” ແມ່ນ ລາຍການໂທລະພາບສຳລັບ ເດັກກ່ອນໄວຮຽນຕົວຢ່າງທີ່ດີ ສຳລັບຜູ້ທີ່ຢາກຜະລິດສື່ສຳ ລັບເດັບ ແລະ ໄວໜຸ່ມ ໃນປະ ເທດເພື່ອສົ່ງເສີມວັດທະນະ ທຳລາວ, ໃຫ້ຄວາມຮູ້ ແລະ ຄວາມມ່ວນຊື່ນແກ່ເດັກ.
ລາຍການນີ້ຈະເລີ່ມອອກ ອາກາດແຕ່ວັນທີ 15 ກັນຍາ 2013​ ນີ້, ທາງໂທລະພາບ ແຫ່ງຊາດລາວ ຊ່ອງ 3 ຕອນ ເຊົ້າເວລາ 06:45-07:00 ໂມງ ແລະ ໂທລະພາບ ລາວ ສະຕາ ຕອນເຊົ້າເວລາ 07:45-08:00 ໂມງ.

ທີ່ມາhttp://www.kongthap.gov.la

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...