ສຳນັກຂ່າວຕ່າງປະເທດ ລາຍງານໃນວັນທີ 18 ສິງຫາຜ່ານມານີ້ວ່າ ອິນໂດເນເຊຍໄດ້ດຳເນີນມາດຕະການປາບປາມເຮືອຕ່າງປະເທດ ທີ່ລັກລອບເຂົ້າມາຫາປາໂດຍບໍ່ໄດ້ຮັບອະນຸຍາດ ພາຍໃນເຂດນ່ານນ້ຳຂອງຕົນ ດ້ວຍການທຳລາຍເຮືອທີ່ຍຶດໄດ້ ຈຳນວນ 34 ລຳ ໃນມື້ວານນີ້ (18 ສິງຫາ) ຊຶ່ງໃນນັ້ນແມ່ນປະກອບມີືທັງເຮືອຈາກໄທ, ຫວຽດນາມ, ຟິລິບປິນ ແລະ ມາເລເຊຍ ຖືກຍິງທຳລາຍ ຫລື ປ່ອຍໃຫ້ຈົມລົງໃນທະເລຕາມຈຸດຕ່າງໆ ອັນເປັນການປະຕິບັດຕາມນະໂຍບາຍຂອງ ປະທານາທິບໍດີ ໂຈໂຄ ວິໂດໂດ ຂອງອິນໂດເນເຊຍເອງ ໂດຍທ່ານໄດ້ບອກວ່າ ເຮືອປະມົງເຖື່ອນຕ່າງໆເຫລົ່ານີ້ ໄດ້ເຮັດໃຫ້ປະເທດອິນໂດເນເຊຍ ຕ້ອງສູນເສຍລາຍໄດ້ນັບຕື້ໂດລາໃນແຕ່ລະປີ.