ເຈົ້າໜ້າທີ່ ປກສ ແຂວງຄຳມ່ວນ ລາຍງານວ່າ: ພາຍຫລັງໄດ້ຮັບແຈ້ງຈາກພົນລະເມືອງດີວ່າມີການເຄື່ອນ ໄຫວຊື້ຂາຍຢາເສບຕິດຢູ່ເຂດບ້ານຫ້ວຍນາງລີ້ ເມືອງທ່າແຂກຈຶ່ງໄດ້ນຳກຳລັງລົງຕິດຕາມເປົ້າໝາຍ ແລະ ສາມາດຈັບຜູ້ຕ້ອງຫາໄດ້ຄື: ທ້າວ ຄອງສະໄໝ (ນ້ອຍ) ອາຍຸ 31 ປີ ແລະ ທ້າວ ຈີນດາ (ເຕື່ອຍ) ອາຍຸ 20 ປີທັງສອງຢູ່ບ້ານຫ້ວຍນາງລີ້ ພ້ອມຂອງກາງຢາບ້າເກືອບ 6 ພັນເມັດ, ລົດຈັກສອງຄັນ ແລະ ໂທລະສັບມືຖືຈຳນວນ 3 ເຄື່ອງ, ຈຶ່ງໄດ້ຍຶດໄວ້ເປັນຫລັກຖານໃນການດຳເນີນຄະດີ.
ຜ່ານການສືບສວນ-ສອບສວນພວກກ່ຽວຮັບສາລະພາບວ່າ: ຢາເສບຕິດທັງໝົດແມ່ນຊື້ມານຳເຄືອຂ່າຍຄ້າຢາເສບຕິດລາຍໃຫຍ່ຢູ່ບ້ານປຸ່ງ ເມືອງຫີນບູນ ແຂວງຄຳມ່ວນ ເພື່ອຈະເອົາໄປສົ່ງໃຫ້ລູກຄ້າຢູ່ເຂດບ້ານຈອມແກ້ວ ເມືອງທ່າແຂກ ແຕ່ຖືກເຈົ້າໜ້າທີ່ຈັບຕົວໄດ້ກ່ອນ ແລະ ປັດຈຸບັນຄະດີຢາເສບຕິດລາຍນີ້, ພວມຢູ່ໃນຂັ້ນຕອນການສືບສວນຂະຫຍາຍຜົນຫາຜູ້ຮ່ວມຂະບວນຕື່ມອີກເພື່ອນຳຕົວມາດຳເນີນຕາມລະບຽບກົດໝາຍ.
ເຈົ້າໜ້າທີ່ໃຫ້ຮູ້ຕື່ມວ່າ: ຜູ້ຕ້ອງຫາທັງສອງແມ່ນເຄີຍຕ້ອງໂທດມາແລ້ວໜຶ່ງຄັ້ງເປັນເວລາໜຶ່ງປີຍ້ອນເສບ ແລະ ຄ້າຂາຍຢາເສບຕິດ.
ຂອບໃຈຂ່າວຈາກ:
