ຜະລິດຕະພັນສຳລັບສີຍ້ອມຜົມມີຈຳໜ່າຍໃນຕາມຕະຫລາດຫລາຍປະເພດໄດ້ຮັບຄວາມນິຍົມຢ່າງຫລວງຫລາຍຜູ້ໃຊ້ມັກໃຊ້ຕິດຕໍ່ກັນເປັນເວລາດົນອາດເຮັດໃຫ້ເປັນອັນຕະລາຍຕໍ່ສຸຂະພາບຖ້າຂາດຄວາມລະມັດລະວັງໃນການໃຊ້ດັ່ງນັ້ນຜູ້ບໍລິໂພກຄວນໄດ້ຮັບຄວາມຮູ້ຄວາມເຂົ້າໃຈກ່ຽວກັບຂໍ້ລະວັງໃນການໃຊ້ເພື່ອປ້ອງກັນອັນຕະລາຍທີ່ຈະເກີດຂຶ້ນ
ໃນຜະລິດຕະພັນສີຍ້ອມຜົມປະກອບດ້ວຍສານພາລາຟິນີລິນໄດອະມີນ,ສານເມທິນຟິນີລີນໄດອະມີນ4-ອະມິໂນ-2-ໄຮດລອກຊີໂທລູອີນແລະພາລາອະມີໂນຟີນອນຊຶ່ງເປັນສານກໍ່ມະເຮັງແລະເຮັດໃຫ້ເກີດມະເຮັງໃນໜູທົດລອງໂດຍສີຍ້ອມທີ່ມີທ່ອ່ຽງກໍ່ໃຫ້ເກີດການ ແພ້ໄດ້ຊຶ່ງຜູ້ໃຊ້ຈະມີອາການບວມບໍລິເວນເປືອກຕາ,ໜ້າແລະຮີມສົບ
ໂດຍຂັ້ນອຳທິດຜິວໜັງຈະມີຜື່ນແດງເປັນຕຸ່ມໃສແລະມີນ້ຳເຫລືອງມີອາການຄັນບໍລິເວນຫົວ,ໜ້າ,ແລະຕົ້ນຄໍຖ້າມີອາການແພ້ຫລາຍຂຶ້ນຈະເຮັດໃຫ້ຫາຍໃຈລຳບາກນອກຈາກນີ້ອາດເກີດຮອຍຈ້ຳຂຽວເປັນຜື່ນຈຶ່ງມີຄວາມຈຳເປັນທີ່ຕ້ອງມີການທົດສອບການແພ້ກ່ອນການໃຊ້ທຸກຄັ້ງ
ຖ້າເມື່ອພົບອາການແພ້ຕ້ອງຮີບລ້າງໜັງຫົວແລະເສັ້ນຜົມອອກດ້ວຍນ້ຳສະບູຫລືຢາສະຜົມອ່ອນໆເພື່ອລ້າງຜະລິດຕະພັນສີຍ້ອມຜົມທີ່ຍັງເຫລືອຢູ່ໃຫ້ຫນ້ອຍທີ່ສຸດແລະໃຊ້ສານລະລາຍເຈືອຈາງຂອງດ່າງ1ສ່ວນຕໍ່ນ້ຳ 5, 000 ສ່ວນເພື່ອໃຫ້ຊະລ້າງສານພາລາຟິນິລິນໄດອະມິນໃຫ້ໝົດຈາກເສັ້ນຜົມຫລືພົບເພດເພື່ອມີການປິ່ນປົວຕໍ່ໄປ
ຜູ້ໃຊ້ຕ້ອງອ່ານສະຫລາກແລະປະຕິບັດຕາມຄຳເຕືອນແລະວິທີໃຊ້ຢ່າງເຄັ່ງຄັດໃນຂະນະທີ່ເລືອກຊື້ຕ້ອງສັງເກດສະຫລາກທີ່ມີລາຍລະອຽດຄົບຖ້ວນບໍ່ໃຊ້ຕິດຕໍ່ກັນເປັນໄລຍະເວລາດົນຄວນທົດສອບການແພ້ກ່ອນໃຊ້ໂດຍມີວິທອນທົດສອບງ່າຍໆດັ່ງນີ້
1. ເຮັດຄວາມສະອາດບໍລິເວນຫລັງຫູຫລືບໍລິເວນຂໍ້ພັບແຂນສອກທາງໃນ
2. ໃຊ້ກ້ານສຳລີຈຸ່ມຜະລິດຕະພັນຍ້ອມຜົມທີ່ປະສົມແລ້ວພຽງເລັກນ້ອຍທາທີ່ບໍລິເວນດັ່ງກ່າວໃຫ້ກວ້າງປະມານເຄິ່ງນິ້ວ
3. ຖິ້ມໄວ້ໃຫ້ແຫ້ງໂດຍບໍ່ຕ້ອງລ້າງອອກເປັນເວລາ24ຊົ່ວໂມງຖ້າມີອາການຄັນແລະຜື່ນ ແດງບໍ່ຄວນໃຊ້ຜະລິດຕະພັນ
ຫ້າມໃຊ້ເມື່ອໜັງຫົວມີຮອຍເຫລີ້ນເປັນບາດແຜຫລືພະຍາດຜິວໜັງລວມທັງບໍ່ຄວນເກົາຫົວຢ່າງແຮງຂະນະຍ້ອມສີຜົມເພື່ອປ້ອງກັນບໍ່ໃຫ້ສານເຄມີຖືກດູດຊຶມເຂົ້າສູ່ຮ່າງກາຍບໍ່ປ່ອຍໃຫ້ສີຍ້ອມຜົມຄ້າງເທິງເສັ້ນຜົມຫລືໜັງຫົວດົນກ່ວາຄວາມມຈຳເປັນເພາະອາດເຮັດ ໃຫ້ສານເຄມີຊຶ່ງຜ່ານໜັງຫົວຫລືຜິວໜັງໃກ້ຄຽງເຮັດໃຫ້ເກີດອາການແພ້ໄດ້ແລະຄວນໃສ່ຖົງມືທຸກຄັ້ງ
ເມື່ອໃຊ້ຜະລິດຕະພັນຍ້ອມຜົມສະຜົມໃຫ້ສະອາດຫລັງຈາກໃຊ້ຜະລິດຕະພັນຍ້ອມຜົມແລ້ວແລະຄວນຢຸດໃຊ້ທັນທີເມື່ອເກີດຄວາມຜິດປົກກະຕິຢ່າງຫນ້ອຍເຊັ່ນ:ແສບ,ຮ້ອນແດງ,ຄັນຍຸບຍິບ,ຖ້າເກີດອາການດັ່ງກ່າວໃຫ້ຮີບລ້າງອອກດ້ວຍນ້ຳຖ້າອາການຍັງບໍ່ດີຂຶ້ນ ຄວນຮີບພົບແພດຍິງມີມົດລູກບໍ່ຄວນໃຊ້ຜະລິດຕະພັນສີຍ້ອມຜົມໂດຍເດັດຂາດ