ສຳນັກຂ່າວຕ່າງປະເທດ ລາຍງານໃນວັນທີ 10 ສິງຫາຜ່ານມານີ້ວ່າ ທາງການກຳປູເຈຍໄດ້ລະບຸ ໃນໄລຍະ 7 ເດືອນຂອງປີ 2015 ນີ້ ໄດ້ສົ່ງອອກເຂົ້າໄປຕະຫລາດຕ່າງປະເທດແລ້ວ 312,317 ໂຕນ ຊຶ່ງເພີ່ມຂຶ້ນ 53.1% ເມື່ອທຽບກັບໄລຍະດຽວກັນຂອງປີ 2014 ໂດຍມີບໍລິສັດ 72 ແຫ່ງ ທຳການສົ່ງອອກເຂົ້າຂອງກຳປູເຈຍ ໄປຍັງ 53 ປະເທດ ແລະ ເຂດແຄ້ວນໃນທົ່ວໂລກ.
ທັງນີ້ ກຳປູເຈຍຜະລິດເຂົ້າໄດ້ຫລາຍກ່ວາ 9 ລ້ານໂຕນຕໍ່ປີ ແລະ ໃນຈຳນວນດັ່ງກ່າວນີ້ ແມ່ນມີສ່ວນເຫລືອສຳລັບສົ່ງອອກໃນແຕ່ລະປີສູງເຖິງ 3 ລ້ານໂຕນ ໂດຍສະເພາະພາຍໃນປີ 2015 ນີ້ ກຳປູເຈຍໄດ້ຕັ້ງເປົ້າໄວ້ວ່າ ຈະສົ່ງອອກເຂົ້າໃຫ້ບັນລຸ 1 ລ້ານໂຕນ ພາຍໃນທ້າຍປີ 2015 ນີ້.