ສຳນັກຂ່າວຕ່າງປະເທດ ລາຍງານໃນວັນທີ 9 ສິງຫານີ້ວ່າ ເກີດເຫດໄຟປ່າໄໝ້ລາມຢູ່ພາກຕາເວັນຕົກສຽງໃຕ້ຂອງປະເທດແອັດສະປາຍ ເຮັດໃຫ້ທາງການຕ້ອງເລັ່ງອົບພະຍົບປະຊາຊົນຫລາຍກ່ວາ 3,000 ຄົນ ໂດຍແປວໄຟໄດ້ເລີ່ມລຸກໄໝ້ຢູ່ບໍລິເວນສາຍພູເຊຍຣາ ເດ ກາຕາ ນັບຕັ້ງແຕ່ວັນທີ 6 ສິງຫາເປັນຕົ້ນມາ ຈົນຮອດປັດຈຸບັນແມ່ນຍັງບໍ່ສາມາດຄວບຄຸມເພີງໄດ້ໄດ້ເທື່ອ.
ທ່ານ ກີເຢໂມ ເກຣນັນເດດ ບາຣາ ຫົວໜ້າອົງການປົກຄອງທ້ອງຖິ່ນແຄ້ວນເອັກເຕຣມາດູຣາໄດ້ລະບຸວ່າ ໄຟປ່າທີ່ໄໝ້ລາມກິນພື້ນທີ່ຫລາຍກ່ວາ 6,500 ເຮັກຕາ ແມ່ນພົບຫລັກຖານວ່າມີການຈູດໄຟໃນປ່າຫລາຍຈຸດ ຊຶ່ງເຊື່ອວ່າໄຟປ່າຄັ້ງນີ້ແມ່ນເກີດຈາກຝີມືຂອງມະນຸດ.