spot_img
Homeຂ່າວການພັດທະນາລາວ - ຍີ່ປຸ່ນ ແລກປ່ຽນບົດຮຽນ ການພັດທະນາຜະລິດຕະພັນ ເຄື່ອງທີ່ລະນຶກຫັດຖະກໍາ

ລາວ – ຍີ່ປຸ່ນ ແລກປ່ຽນບົດຮຽນ ການພັດທະນາຜະລິດຕະພັນ ເຄື່ອງທີ່ລະນຶກຫັດຖະກໍາ

Published on

laos-japan

ໃນວັນທີ 5 ສິງຫານີ້, ລັດຖະມົນຕີຊ່ວຍວ່າການກະຊວງອຸດສະຫະກໍາ ແລະ ການຄ້າສົມຈິດອິນທະມິດໄດ້ເປັນປະທານກອງປະຊຸຸມສໍາມະນາໃນຫົວຂໍ້ “ເຄື່ອງທີ ່ລະນຶກຫັດຖະກໍາລາວໃໝ່” ເພື່ອເປີດໂອກາດໃຫ້ບັນດາຊ່າງຫັດຖະກໍາລາວ ແລະ ຍີ່ປຸ່ນ, ໄດ້ພົບປະແລກປ່ຽນບົດຮຽນ, ປະສົບການ, ຫົວຄິດປະດິດສ້າງງານສີລະປະ ດ້ວຍສີໄມ້ລາຍມືດ້ານຫັດຖະກໍາເຊິ່ງກັນ ແລະ ກັນ, ແນໃສ່ເພື່ອປັບປຸງໃຫ້​ຜະລິດ​ຕະພັນ​ຫັດຖະກຳ​ຂອງ​ລາວມີ​ເອກະລັກ​ໂດດ​ເດັ່ນ, ສວຍງາມ, ສາມາດດຶງ​ດູດ​ຈິດໃຈ​ແຂກ​ ແລະ ນັກທ່ອງທ່ຽວ, ທັງສາມາດ​ນຳ​ໃຊ້​ໄດ້​ໃນ​ຊີວິດ​ປະຈຳ​ວັນ​ ແລະ ​ເປັນມິດກັບ​ສະພາບ​ແວດ​ລ້ອມ, ມີຄຸນະພາບດີ ແລະ ເປັນທີ່ຕ້ອງການຂອງຕະຫລາດຫັດຖະກໍາພາຍໃນ ແລະ ຕ່າງປະເທດນໍາດ້ວຍ ແລະ ໃນເດືອນຕົ້ນພະຈິກທີ່ຈະເຖິງນີ້ແມ່ນຈະມີງານມະຫາກໍາສີມືຫັດຖະກໍາລາວປະຈໍາປີ 2015 ທີ່ນະຄອນຫລວງວຽງຈັນ, ເຊິ່ງພາຍໃນງານດັ່ງ ກ່າວຈະມີການປະກວດຜະລິດຕະພັນເຄື່ອງທີ່ລະນຶກຈາກຫັດຖະກໍາລາວແລະຜະລິດຕະພັນທີ່ຊະນະເລີດແຕ່ອັນດັບ1- 5 ຈະໄດ້ຮັບສິດໄປທັດສະນະສຶກສາທີ່ປະເທດຍີ່ປຸ່ນ.

ນອກຈາກນີ້, ຍັງຈະເປັນຂອງຝາກຂອງຕ້ອນໃຫ້ແກ່ຄະນະຜູ້ແທນເຂົ້າຮ່ວມກອງປະຊຸມສຸດຍອດອາຊຽນໃນປີ 2016 ທີ່ ສປປ ລາວ ຈະໄດ້ຮັບກຽດເປັນເຈົ້າພາບອີກດ້ວຍ.

ກອງປະຊຸມສໍາມະນາຄັ້ງນີ້, ໄດ້ຮັບການສະໜັບສະໜູນຈາກອົງການສົ່ງເສີມການຄ້າຍີ່ປຸ່ນປະຈໍານະຄອນ ຫລວງວຽງຈັນ (JETRO Vientiane) ຊຶ່ງມີຊາວຊ່າງຫັດຖະກໍາລາວແລະຍີປຸ່ນເຂົ້າຮ່ວມເປັນຈໍານວນຫລາຍ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...