ຂປລ. ຕາມ​ຂ່າວ​ຕ່າງປະ​ເທດ, ທ່ານ ນັສ ນູຈູເລີຍ ຜູ້ອຳນວຍ​ໃຫຍ່ ຮັບຜິດຊອບ​ ດ້ານການພັດທະນາ​ສົ່ງ​ອອກ ຂອງກະຊວງ​ການ​ຄ້າ ອິນ​ໂດ​ເນ​ເຊຍ ໃຫ້​ຮູ້​ວ່າ: ປະເທດນີ້ ​ໄດ້​ກາຍ​ເປັນ​ຜູ້​ສະໜອງ​ ສາລ່າ​ຍ​​ແຫ່ງໃຫຍ່​ສຸດ​ ຂອງ​ໂລກ ແລະ ສາມາດກວມ​ເອົາ ​ສ່ວນ​ແບ່ງ​​ຕະຫລາດ 26,5% ຖັດມາແມ່ນ ຊີ​ເລ ​17%, ສ.​ເກົາຫລີ 16%, ຈີ​ນ 8% ​ແລະ ຟິລິບ​ປິນ​ 6% ຂອງຍອດຈຳນວນ ຄວາມຕ້ອງການ ໃນທ່ົວໂລກ.

ປັດຈຸບັນ, ອິນ​ໂດ​ເນ​ເຊຍ ພວມ​ສືບ​ຕໍ່ ​ສະໜັບສະໜູນ ການ​ກໍ່ສ້າງ ບັນດາ​ພື້ນຖານ ການ​ຜະລິດ​ ສາ​ລ່າຍ ​ແລະ​ ​ ປະຕິບັດ​ ແຜ​ນພັດທະນາ ​ຂະ​ແໜງ​ສາ​ຫລ່າຍ ​​ເພື່ອ​ສ້າງ​ ລະບົບ​ຕ່ອງ​ໂສ້​ ມູນ​ຄ່າ​ ຈາກ​ຊາວ​ກະສິກອນ ​ເຖິງ​ ຜູ້​ບໍລິ​​ໂພ​ກ, ພ້ອມກັນນັ້ນ ຍັງເພີ່ມທະວີ ຮ່ວມມື ກັບ ບັນດາປະເທດ ໃນພາກພື້ນ ເພື່ອຊຸກຍູ້ ຂະແໜງການ ຜະລິດໃຫ້ມີ ທ່າແຮງເພີ່ມຂຶ້ນ, ໃນນັ້ນລວມມີ ການຮ່ວມມື ລະຫວ່າງ ສະມາຄົມ ສາຫລ່າຍ ອິນໂດເນເຊຍ(Arli) ກັບ ສະມາຄົມ ອຸດສາຫະກຳ ສາຫລ່າຍ ຟິລິບປີນ (SIAP).

ຂອບໃຈຂ່າວຈາກ: