ສຳນັກຂ່າວຕ່າງປະເທດ ລາຍງານໃນວັນທີ 4 ສິງຫານີ້ວ່າ ເກີດເຫດເຮືອບິນສູ້ຮົບບໍ່ຮູ້ລຸ້ນຂອງກອງທັບລັດທະບານຊີເຣຍ ຕົກກາງຕະຫລາດສົດໃນເມືອງອາຣິຮາ ທາງພາກຕາເວັນຕົກສຽງເໜືອຂອງປະເທດ ໃນຂະນະທີ່ອອກປະຕິບັດການຖິ້ມລະເີບດໂຈມຕີກຸ່ມຕິດອາວຸດ ເປັນເຫດເຮັດໃຫ້ມີພົນລະເມືອງເສຍຊີວິດຢ່າງໜ້ອຍ 31 ຄົນ ແລະ ມີຜູ້ໄດ້ຮັບບາດເຈັບຈຳນວນບໍ່ຕ່ຳກ່ວາ 60 ຄົນ ໂດຍນັກບິນແມ່ນຍັງບໍ່ຮູ້ຊາຕາກຳ.
ຜູ້ເຫັນເຫດການໄດ້ໃຫ້ຮູ້ວ່າ ເຮືອບິນລຳດັ່ງກ່າວໄດ້ບິນຖິ້ມລະເບີດໂຈມຕີໃຈກາງເມືອງອາຣິຮາ ແຕ່ໃນຕອນເຊົ້າຊຶ່ງເປັນໄລຍະທີ່ຊາວຄ້າຂາຍເລີ່ມເປີດຮ້ານ ເຮືອບິນໄດ້ຕົກລົງກາງຕະຫລາດ ໂດຍຍັງບໍ່ຮູ້ສາເຫດ.