ພິທີມອບ-ຮັບປຶ້ມ ລະຫວ່າງມະຫາວິທະຍາໄລເຊອູນ ສ.ເກົາຫຼີ ແລະ ມະຫາວິທະຍາໄລ ວິທະຍາສາດສຸຂະພາບ (ມວສ) ໂດຍໂຄງການ ດຣ. ລີຈົງວຸກ-ໂຊນ ຈັດຂຶ້ນໃນວັນທີ 26 ສິງຫາ 2013 ທີ່ຫ້ອງປະຊຸມຄູ ມວສ ຜູ້ມອບແມ່ນທ່ານນາງ ເອີນເຮຢູນ (Eun Hae Yoon) ຕາງໜ້າໃຫ້ມະຫາວິທະຍາໄລເຊອູນ ຜູ້ຮັບແມ່ນທ່ານ ຮຈ.ດຣ. ວັນລ່ຽມ ບົວຣະວົງ ຮອງອະທິການບໍດີ ມວສ ບັນດາທ່ານຄະນະບໍດີ ຜູ້ອຳນວຍການໂຮງໝໍມະໂຫສົດ ແລະ ພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ປຶ້ມທີ່ນຳມາມອບໃນຄັ້ງນີ້ປະກອບມີ 8 ວິຊາຄື: ເລືອດວິທະຍາ (ກຸມມານເວດ) ພະຍາດວິທະຍາຈຸລະຊີວະວິທະຍາໂອສົດ ວິທະຍາສະລິລະວິທະຍາກາຍະວິພາກສາດ ຕ່ອມຂັບຍ່ອຍໃນວິທະຍາ ການກວດເອໂກເດັກໃນທ້ອງທີ່ຜິດປົກກະຕິ ແຕ່ລະວິຊາຈຳນວນ 500 ຫົວ ແລະ ພົດຈະນານຸກົມພາສາລາວ ເກົາຫຼີ ອັງກິດ ແລະ ພາສາຝຣັ່ງ ຈຳນວນ 416 ຫົວ ລວມມູນຄ່າ 195 ລ້ານກວ່າກີບ ປະມານ 25.000 ໂດລາສະຫະລັດ ປື້ມຈຳນວນດັ່ງກ່າວ ຈະໄດ້ໃຊ້ເຂົ້າໃນການຮຽນ-ການສອນ ການຄົ້ນຄວ້າຮ່ຳຮຽນຂອງບັນດາຄູ-ອາຈານ ແລະ ນັກສຶກສາໃນ ມວສ ໃນການພັດທະນາຍົກລະດັບວິຊາສະເພາະໃຫ້ນັບມື້ນັບສູງຂຶ້ນ.