ຜູ້ຍິງມີຄວາມເຂົ້າໃຈຜິດກ່ຽວກັບການເຮັດຄວາມສະອາດຈຸດລັລ ມັກຈະລ້າງເຮັດຄວາມສະອາດຈຸດຊ່ອນເລ້ນແລະສວນລ້າງຊ່ອງຄອດໄປພ້ອມກັນດ້ວຍນ້ຳຢາກຳຈັດກິ່ນ ເພາະເຂົ້າໃຈຜິດຄິດວ່າຊ່ວຍເຮັດໃຫ້ຊ່ອງຄອດແລະຈຸດລັບສະອາດລ້ຳເລິກຫລາຍຂຶ້ນແຕ່ທ່ານຜູ້ຍິງທັງຫລາຍຮູ້ກັນຫລືບໍ່ ການສວນລ້າງຊ່ອງຄອດຫລືໃຊ້ນ້ຳຢາອະນາໄມລ້າງເປັນປະຈຳ ຍິ່ງເຮັດໃຫ້ມີກິ່ນຮຸນແຮງຫລາຍຂຶ້ນ
ຂໍ້ມູນທາງການແພດ ລະບຸວ່າບໍ່ມີຄວາມຈຳເປັນເລີຍໃນຜູ້ຍິງທີ່ມີສຸຂະພາບຂອງຈຸດລັບປົກກະຕິທົ່ວໄປຕ້ອງກໍ່ການສວນລ້າງຊ່ອງຄອດເພາະກົນໄກທຳມະຊາດຂອງຮ່າງກາຍມີການເບິ່ງແຍງຈຸດລັບຂອງເຮົາໂດຍອັດໂນມັດດີຢູ່ແລ້ວ ຮອລ໌ໂມນເປັນຕົວຄວບຄຸມໃຫ້ມີການຂັບນ້ຳເມືອກຂອງເຊວເຍື່ອບຸຊ່ອງຄອດອອກມາເປັນຕົກຂາວ (ໝາຍເຖິງຕົກຂາວປົກກະຕິ)ຊຶ່ງພາຍໃນພາວະປົກກະຕິຊ່ອງຄອດຈະມີແບກທີເລຍຊະນິດທີ່ເປັນປະໂຫຍດຊື່ Lactobacilli bacteria ປຽບຄືກັບຍາຮັກສາເບິ່ງແຍງຄວາມປອດໄພຄອຍຖ້າສ້າງຄວາມເປັນກົດໃນຊ່ອງຄອດເພື່ອປົກປ້ອງເຊື້ອພະຍາດແປກປອມທີ່ເລັດລອດເຂົ້າໄປໃນຊ່ອງຄອດຂອງເຮົາ ຫາກເຈົ້າຜູ້ຍິງລ້າງເລື້ອຍເກີນໄປແລະໃຊ້ນ້ຳຢາຮຸນແຮງເຊື້ອLactobacilli bacteria ກໍຈະລຸດຈຳນວນລົງ ເຮັດໃຫ້ເກີດກິ່ນຮຸນແຮງຫລາຍຂຶ້ນຕິດເຊື້ອທາງເພດສຳພັນໄດ້ງ່າຍ ເຊັ່ນ HPVs ອັນເປັນສາເຫດໃຫ້ເກີດມະເຮັງປາກມົດລູກແລະຈາກທີ່ບໍ່ເຄີຍມີຕົກຂາວອາດມີຫລາຍຂຶ້ນ
ການເບິ່ງແຍງຈຸດລັບຢ່າງຖືກຕ້ອງເໝາະສົມ
- 1. ລ້າງສະເພາະສ່ວນນອກດ້ວຍສະບູ່ອ່ອນໆບໍ່ສວນລ້າງເລິກເຂົ້າໄປໃນຊ່ອງຄອດ
- 2. ເຊັດໃຫ້ແຫ້ງ ຫ້າມທາແປ້ງ ຫ້າມສີດນ້ຳຫອມ
- 3. ສວມໃສ່ສະລິບທີ່ລະບາຍອາກາດໄດ້ດີ ປ້ອງກັນຄວາມອັບຊື້ນ ລຸດການເກີດກິ່ນ