spot_img
Homeຂ່າວພາຍ​ໃນຍົກລະດັບວຽກງານກວດກາເຕັກນິກ ໃຫ້ແກ່ຕຳຫຼວດຈະລາຈອນທົ່ວປະເທດ

ຍົກລະດັບວຽກງານກວດກາເຕັກນິກ ໃຫ້ແກ່ຕຳຫຼວດຈະລາຈອນທົ່ວປະເທດ

Published on

ຍົກລະດັບວຽກງານກວດກາເຕັກນິກ ໃຫ້ແກ່ຕຳຫຼວດຈະລາຈອນທົ່ວປະເທດ

ໃນ​ລະຫວ່າງ​ວັນ​ທີ 6-8 ສິງຫາ 2013 ກົມ​ຕຳຫຼວດ​ຈະລາຈອນ ໄດ້​ຈັດ​ຊຸດ​ເຝິກອົບຮົມ​ເຕັກນິກ​ການ​ກວດກາ ມາດຕະຖານ​ຄວາມ​ປອດ​ໄພ​ຂອງ​ຍານພາຫະນະ​ຕາມ​ທ້ອງ​ຖະໜົນ ໃຫ້​ຕຳຫຼວດ​ຈະລາຈອນ​ທົ່ວ​ປະເທດ ໃຫ້​ກຽດ​ເປັນ​ປະທານ​ເປີດ​ຊຸດ​ເຝິກອົບຮົມ​ດັ່ງກ່າວ ມີ​ທ່ານ ພັນ​ໂທ ຄຳ​ຖະຫວາຍ ເພັດ​ອຸໄທ ຫົວໜ້າ​ກົມ​ຕຳຫຼວດ​ຈະລາຈອນ ກະຊວງ​ປ້ອງ​ກັນ​ຄວາມ​ສະຫງົບ ທ່ານ ບົວ​ເພັດ ໄຊ​ຍະ​ສານ ຮອງ​ຫົວໜ້າ​ກົມ​ຂົນສົ່ງ ກະຊວງ​ໂຍທາ​ທິ​ການ ແລະ ຂົນສົ່ງ ເຊິ່ງ​ມີ​ຜູ້​ຊ່ຽວຊານ​ໂຄງການ​ຄວາມ​ປອດ​ໄພ​ທາງ​ຖະໜົນ ບັນດາ​ນັກ​ສຳ​ມະ​ນາ​ກອນ​ທີ່​ມາ​ຈາກ​ກົມ​ຕຳຫຼວດ​ຈະລາຈອນ ພະ​ແນກ​ຕຳຫຼວດ​ຈະລາຈອນ ນະຄອນຫຼວງ​ວຽງ​ຈັນ ແລະ ບັນດາ​ແຂວງ​ທົ່ວ​ປະເທດ.

ການ​ຈັດ​ເຝິກອົບຮົມ​ໃນ​ຄັ້ງ​ນີ້ ແມ່ນ​ເພື່ອ​ໃຫ້​ບັນດາ​ນັກ​ສຳ​ມະ​ນາ​ກອນ ໄດ້​ກາຍເປັນ​ນັກ​ກວດກາ ກາຍເປັນ​ຄູ​ເຝິກ​ໃນ​ອະນາຄົດ ແລະ ສາມາດ​ຖ່າຍ​ທອດ​ໃຫ້​ໝູ່ຄູ່ ເພື່ອນ​ຮ່ວມ​ງານ ແລະ ຕຳຫຼວດ​ລຸ້ນ​ນ້ອງ​ໃນ​ອະນາຄົດ​ໄດ້ ນອກຈາກ​ນີ້ ບັນດາ​ນັກ​ສຳ​ມະ​ນາ​ກອນ ຕ້ອງ​ໄດ້​ເພີ່ມ​ທະວີ​ການ​ຕັ້ງ​ຈຸດ​ກວດກາ​ສະພາບ​ເຕັກນິກ​ຂອງ​ລົດ​ທຸກ​ຄັນ ທີ່​ແລ່ນ​ບົນ​ທ້ອງ​ຖະໜົນ​ໃຫ້​ໄດ້​ຫຼາຍ​ເທົ່າ​ທີ່​ຈະ​ຫຼາຍ​ໄດ້ ປົກກະຕິ​ລົດ​ທຸກ​ຄັນ​ຕ້ອງ​ໄດ້​ຮັບ​ການ​ກວດກາ​ຢູ່​ສູນ​ກວດກາ​ເຕັກນິກ​ທຸກໆ 6-12 ເດືອນ ແລ້ວແຕ່​ກໍລະນີ.

ການ​ກວດກາ​ມາດຕະຖານ​ຄວາມ​ປອດ​ໄພ​ຂອງ​ພາຫະນະ​ທີ່​ແລ່ນ​ຕາມ​ທ້ອງ​ຖະໜົນ ມັນ​ເປັນ​ເລື່ອງ​ທີ່​ຈຳເປັນ​ພາວະ​ວິໄສ ແລະ ຫຼີກ​ລ້ຽງ​ບໍ່​ໄດ້ ການ​ກວດກາ​ເຕັກນິກ​ລົດ​ນີ້ ຄວນ​ເລັ່ງ​ໃສ່​ລົດຈັກ​ເປັນຕົ້ນ​ຕໍ ເພາະ​ລົດຈັກ​ມີ​ສ່ວນ​ຮ່ວມ​ສ້າງ​ອຸບັດເຫດ​ຫຼາຍ​ກວ່າ​ໝູ່ ແລະ ມີ​ສັດສ່ວນ​ຈຳນວນ​ລົດ​ກວມ​ເຖິງ 80% ຂອງ​ຈຳນວນ​ພາຫະນະ​ທັງ​ໝົດ ນອກຈາກ​ນີ້ ລົດ​ໃຫຍ່ ແລະ ລົດ​ອື່ນໆ ກໍ​ຕ້ອງ​ໄດ້​ກວດກາ​ເຊັ່ນ​ດຽວ​ກັນ ສະນັ້ນ ກົມ​ຂົນສົ່ງ​ຈຶ່ງ​ໄດ້​ມອບ​ໝາຍ​ໃຫ້​ທ່ານ Mats Arvesten ຊ່ຽວຊານ​ໂຄງການ​ຄວາມ​ປອດ​ໄພ​ທາງ​ຖະໜົນ ແລະ ກົນ​ຈັກ ເປັນ​ຜູ້​ເຝິກອົບຮົມ​ໃຫ້​ແກ່​ນັກ​ສຳ​ມະ​ນາ​ກອນ​ໃນ​ຄັ້ງ​ນີ້.

ທີ່ມາhttp://www.vientianemai.net

ບົດຄວາມຫຼ້າສຸດ

ພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

ອີງຕາມສຳນັກຂ່າວ TNN ລາຍງານໃນວັນທີ 6 ກັນຍາ 2024, ເຈົ້າໜ້າທີ່ຕຳຫຼວດຈັບພໍ່ຂອງເດັກຊາຍອາຍຸ 14 ປີ ທີ່ກໍ່ເຫດການຍິງໃນໂຮງຮຽນທີ່ລັດຈໍເຈຍ ຫຼັງພົບວ່າປືນທີ່ໃຊ້ກໍ່ເຫດເປັນຂອງຂວັນວັນຄິດສະມາສທີ່ພໍ່ຊື້ໃຫ້ເມື່ອປີທີ່ແລ້ວ ແລະ ອີກໜຶ່ງສາເຫດອາດເປັນເພາະບັນຫາຄອບຄົບທີ່ເປັນຕົ້ນຕໍໃນການກໍ່ຄວາມຮຸນແຮງໃນຄັ້ງນີ້ິ. ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງວ່າ: ໄດ້ຈັບຕົວ...

ປະທານປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບວ່າທີ່ ປະທານາທິບໍດີ ສ ອິນໂດເນເຊຍ ຄົນໃໝ່

ໃນຕອນເຊົ້າວັນທີ 6 ກັນຍາ 2024, ທີ່ສະພາແຫ່ງຊາດ ແຫ່ງ ສປປ ລາວ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ...

ແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

ວັນທີ 5 ກັນຍາ 2024 ແຂວງບໍ່ແກ້ວ ໄດ້ຈັດພິທີປະກາດແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງບໍ່ແກ້ວ ໂດຍການເຂົ້າຮ່ວມເປັນປະທານຂອງ ພົນເອກ...

ສະຫຼົດ! ເດັກຊາຍຊາວຈໍເຈຍກາດຍິງໃນໂຮງຮຽນ ເຮັດໃຫ້ມີຄົນເສຍຊີວິດ 4 ຄົນ ແລະ ບາດເຈັບ 9 ຄົນ

ສຳນັກຂ່າວຕ່າງປະເທດລາຍງານໃນວັນທີ 5 ກັນຍາ 2024 ຜ່ານມາ, ເກີດເຫດການສະຫຼົດຂຶ້ນເມື່ອເດັກຊາຍອາຍຸ 14 ປີກາດຍິງທີ່ໂຮງຮຽນມັດທະຍົມປາຍ ອາປາລາຊີ ໃນເມືອງວິນເດີ ລັດຈໍເຈຍ ໃນວັນພຸດ ທີ 4...