ສັນຍະກຳໜ້າເອິກ ກັບເລື່ອງຄວນຮູ້ກ່ອນຄິດຈະເຮັດ ຫາກໃຜມີແຜນຈະເສີມເຕົ້າລະຮີບຮູ້ຂໍ້ມູນເຫລົ່ານີ້ໄວ້ກ່ອນດີກວ່າ?
ເອີ້ນໄດ້ວ່າການສັນຍະກຳໜ້າອົກ ເປັນສິ່ງທີ່ຜູ້ຍິງຫລາຍຄົນໃຝ່ຝັນຢາກຈະເຮັດກັນຫລາຍ ເພາະເຖິງແນວໃດການມີໜ້າເອິກທີ່ໃຫຍ່ ກໍເຮັດໃຫ້ໃສ່ເສື້ອຜ້າງາມກວ່າຫລືຊ່ວຍໃຫ້ມີສະເໜ່ ດຶງດູດໄດ້ຫລາຍກວ່າ ແຕ່ດ໋ຽວກ່ອນ? ການເຮັດສັນຍະກຳໜ້າເອິກກໍຖືວ່າເປັນເລື່ອງໃຫຍ່ທີ່ຕ້ອງໃຊ້ການຕັດສິນໃຈຫລາຍ ມື້ນີ້ລາວໂພສກໍເລີຍນຳເລື່ອງຄວນຮູ້ກ່ຽວກັບການສັນຍະກຳໜ້າເອິກຈາກມາຝາກກ່ອນເຮັດສາວໆຈະໄດ້ຮູ້ຈັກກັບມັນຫລາຍຂຶ້ນ
ການເຮັດສັນລະຍະກຳໜ້າເອິກເປັນການສັນຍະກຳທີ່ໄດ້ຮັບຄວາມນິຍົມຫລາຍທີ່ສຸດ ແລະການເສີມໜ້າເອິກດ້ວຍການໃຊ້ຊິລິໂຄນຄັ້ງທຳອິດຖືກເຮັດຂຶ້ນທີ່ລັດເທັກຊັດ ສ່ວນສິ່ງທີ່ໃຊ້ເສີມໜ້າເອິກສ່ວນໃຫຍ່ໃນສະຫລັດອະເໝລິກາຈະເປັນສານໂພລີເມີສັງເຄາະຊົງກົມທີ່ມີຊື່ເອີ້ນວ່າ ອິລາດໂຕເມີລ໌ ແຕ່ຫລັງຈາກນັ້ນໃນປີ 1992 ຊິລິໂຄນຕົວນີ້ກໍຖືກຫ້າມໃຊ້ໄປ ເພາະຢ້ານວ່າມັນຈະແຕກເຮັດໃຫ້ເນື້ອຈີກ
ຈົນກະທັ້ງມາເຖິງປີ 2006 ການເສີມໜ້າເອົກກໍຖືກເຮັດດ້ວຍການໃຊ້ຖົງນ້ຳເກືອແລະກໍໄດ້ຮັບຄວາມນິຍົມຫລາຍ ສ່ວນວິທີການເສີມໜ້າເອິກກໍມີທັງການສອດໃສ່ວັດດຸເສີມເຕົ້າໄວ້ທີ່ກ້ອງເນື້ອເຍື່ອເຕົ້ານົມ ຫລືກ້ອງກ້າມເນື້ອໜ້າເອິກຂະໜາດໃຫຍ່ ຫລືບ່ອນກ້ອງກ້າມເນື້ອໜ້າອົກທັງໝົດ ແລະການສອດໃສ່ຈະເຮັດໂດຍຜ່າອ້ອມຮອບ ວົງນົມ ຫລືບ່ອນຂີ້ແຮ້ກ່ອນ ແລ້ວຄ່ອຍສອດໃສ່ເຂົ້າໄປ
ເມື່ອສອດໃສ່ເຂົ້າໄປພໍເຂົ້າທີ່ເຂົ້າທາງແລ້ວກໍຈະຫຍິບປິດແຜໃຫ້ຮຽບຮ້ອຍ ແລະເຖິງວ່າຈະເກີດຄວາມຜິດພາດຫລັງການເຮັດສັນຍະກຳໜ້າອົກຂຶ້ນທຸກປີ ທັງວັດດຸເສີມເຕົ້າແຕກ, ເກີດຮອຍແຜເປັນ ຫລືນ້ຳເກືອໃນຖົງຊຶມເຂົ້າຮ່າງກາຍ ແຕ່ກໍເປັນທີ່ໜ້າແປກທີ່ຕົວເລກການເຮັດສັນຍະກຳໜ້າເອິກກໍຍັງເພີ່ມຂຶ້ນເລື່ອຍໆ ຢ່າງຕໍ່ເນື່ອງ
