spot_img
Homeອຸບັດເຫດແລະປາກົດການຫຍໍ້ທໍ້ປກສ ແຂວງສະຫວັນນະເຂດ ຈັບຜູ້ຄ້າຂາຍຢາເສບຕິດຕົວອັນຕະລາຍ!

ປກສ ແຂວງສະຫວັນນະເຂດ ຈັບຜູ້ຄ້າຂາຍຢາເສບຕິດຕົວອັນຕະລາຍ!

Published on

thief

ເມື່ອທ້າຍອາທິດຜ່ານມາ, ເຈົ້າໜ້າທີ່ສະກັດກັ້ນ ແລະ ຕ້ານຢາເສບຕິດ ແຂວງສະຫວັນນະເຂດ, ໄດ້ຈັບຕົວຜູ້ຄ້າຂາຍຢາເສບຕິດຕົວອັນຕະລາຍຄື ທ້າວ ຄຳສິງ ວິໄລວົງ ອາຍຸ 40 ປີ ຢູ່ບ້ານນາກອຍ ແລະ ນາງ ຄຳຫລ້າ ອາຍຸ 40 ປີ ຢູ່ບ້ານໂພນງອຍ ເມືອງອາດສະພັງທອງ ແຂວງດັ່ວກ່າວ ພ້ອມຂອງກາງຢາບ້າ 5 ພັນເມັດ, ຈຶ່ງໄດ້ຢຶດໄວ້ເປັນຫລັກຖານໃນການດຳເນີນຄະດີຕາມລະບຽບກົດໝາຍ.

ເຈົ້າໜ້າທີ່ ໃຫ້ຮູ້ວ່າ: ພວກກ່ຽວແມ່ນເປົ້າໝາຍຕິດຕາມຂອງ ເຈົ້າໜ້າທີ່ມາ ດົນແລ້ວ, ພາຍຫລັງມີພົນລະເມືອງດີແຈ້ງໃຫ້ຊາບວ່າທັງສອງມີ ການເຄື່ອນ ໄຫວຄ້າຂາຍຢາເສບຕິດໃຫ້ໄວໜຸ່ມໃນເຂດເມືອງອາດສະພັງທອງ ແລະ ເມືອງ​ໃກ້ຄຽງ, ຈຶ່ງໄດ້ຈັດກຳລັງຕິດຕາມ ແລະ ຈັບທ້າວ ຄຳສິງ ໄດ້ໃນຂະນະເອົາຢາບ້າໄປສົ່ງໃຫ້ລູກຄ້າຈຳນວນ 2 ພັນເມັດ, ຫລັງຈາກນັ້ນໄດ້ນຳຕົວມາສືບສວນ-ສອບສວນຂະຫຍາຍຜົນຜູ້ກ່ຽວຈຶ່ງໄດ້ຊັກທອດວ່າ ຢາບ້າທັງໝົດແມ່ນຊື້ມານຳນາງຄຳຫລ້າ ຢູ່ບ້ານໂພນງອຍ ເຈົ້າໜ້າທີ່ຈຶ່ງໄດ້ນຳກຳລັງເຂົ້າຈັບຕົວ ແລະ ກວດຄົ້ນພາຍໃນເຮືອນພົບຢາບ້າຢູ່ຫ້ອງ ນອນຈຳນວນ 3 ພັນເມັດ, ພ້ອມເງິນ 34 ພັນບາດ (ສະກຸນເງິນໄທ) ແລະ 5 ລ້ານກວ່າກີບ, ຈຶ່ງໄດ້ຍຶດໄວ້ ເປັນຫລັກຖານເພື່ອດຳເນີນຄະດີຕາມລະບຽບກົດໝາຍ.

 

ຂອບໃຈຂ່າວຈາກ:

ລພນ

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...