ການອົມນ້ຳມັນຢູ່ປາກຫລືທີ່ເອີ້ນວ່າ Oil Pulling ເປັນກົນລະຍຸດແຫ່ງການປິ່ນປົວແບບອາຍຸນເວດຂອງອິນເດຍທີ່ມີອາຍຸກວ່າ 2, 000 ປີ ທີ່ນຳກັບມາໃຊ້ໃໝ່ໂດຍ ໝໍ ເອຟ. ຄາລາດ (Mr.F Karach)ໝໍຊາວອິນເດຍ ຄາລາດ ອ້າງວ່າການອົມນ້ຳມັນຢູ່ປາກບໍ່ພຽງແຕ່ເປັນການລ້າງສານພິດໃນຮ່າງກາຍແລະບັນເທົາຫລືປິ່ນປົວອາການເຈັບປ່ວຍໃຫ້ຫາຍໄດ້ເທົ່ານັ້ນຍັງສາມາດຄືນສຸຂະພາບທີ່ດີໃຫ້ກັບຜູ້ທີ່ປະຕິບັດໄດ້ນໍາອີກ
ເລີ່ມຕົ້ນງ່າຍໆດ້ວຍໂຕເອງກຽມໃຈແລະຮ່າງກາຍໃຫ້ພ້ອມມີຄວາມຮູ້ສຶກມ່ວນຊື່ນທີ່ຈະເຮັດຈາກນັ້ນເທນ້ຳມັນພືດແບບບີບເຢັນຫລືຫີບເຢັນປະມານ1ບ່ວງປ້ອນເຂົ້າປາກ ປິດປາກໃຫ້ສະນິດຈາກນັ້ນຄວນອົມນ້ຳມັນໃຫ້ຜ່ານທຸກຊອກທຸກມຸມຂອງແຂ້ວ,ລິ້ນແລະເຫງືອກເຮັດຊ້ຳໆຢູ່ແບບນີ້ໂດຍໃຊ້ເວລາດົນປະມານ20ນາທີຖ້າຮູ້ສຶກວ່າດົນແນະນຳໃຫ້ຫາຫຍັງເຮັດໄປນໍາການໃຊ້ເວລາດົນຂະໜາດນີ້ເພື່ອໃຫ້ແນ່ໃຈໄດ້ວ່າ:ເຊື້ອພະຍາດຕ່າງໆ ທີ່ຖືກນ້ຳມັນດູດໄວ້ຈະບໍ່ຫວນກັບມາອີກນັ້ນເອງຖ້າໃຊ້ເວລາຫນ້ອຍກວ່ານີ້ຫລືໃຊ້ເວລາພຽງແຕ່10ນາທີພະຍາດຮ້າຍຕ່າງໆອາດຫວນກັບມາອີກຄັ້ງໜຶ່ງ
ໄລຍະເວລາ20ນາທີລະຫວ່າງອົມນ້ຳມັນເກີດຫຍັງຂຶ້ນພາຍໃນປາກແນ່
ຂັ້ນຕອນນີ້ຖືວ່າສຳຄັນທີ່ສຸດເພາະນ້ຳມັນຈະປະສົມກົມກືນກັບນ້ຳລາຍເປັນການກະຕຸ້ນເອັມໄຊໃຫ້ດູດສານພິດອອກຈາກກະແສເລືອດຂໍ້ຄວນລະວັງຄື:ຢ່າກືນນ້ຳມັນລົງໄປເປັນອັນຂາດຈົ່ງຈື່ໄວ້ວ່າ:ນ້ຳມັນເຕັມໄປດ້ວຍສານພິດຫລັງຈາກເວລາຜ່ານໄປໄດ້ໄລຍະໜຶ່ງ ຈະຮູ້ສຶກວ່າ:ນ້ຳມັນຄາຍຄວາມໜຽວລົງແລະສີຂອງນ້ຳມັນຈະປ່ຽນເປັນສີຂາວຄືນ້ຳນົມ ແຕ່ຖ້ານ້ຳມັນຍັງມີສີເຫລືອງຄືເກົ່າຢູ່ນັ້ນໝາຍຄວາມວ່າປະຕິບັດການເທື່ອນີ້ຍັງບໍ່ດົນພໍ ຫລືອາດໃຊ້ນ້ຳມັນຫລາຍເກີນໄປຊຶ່ງເຈົ້າຕ້ອງເຮັດເຊັ່ນເກົ່າຕໍ່ໄປຈົນຄົບເວລາທີ່ກຳນົດ
ໃນຂະນະທີ່ກຳລັງອົມນ້ຳມັນກົ້ວປາກຢູ່ນັ້ນຖ້າຮູ້ສຶກວ່າ:ນ້ຳລາຍເຕັມປາກຫລືບໍ່ມັກຢາກບ້ວນຖິ້ມເຈົ້າກໍສາມາດເຮັດໄດ້ດ້ວຍການບ້ວນຖິ້ມທັງໝົດຈາກນັ້ນກໍເອົານ້ຳມັນເທົ່າຈຳນວນເດີມແລ້ວອົມກົ້ວໃໝ່ອີກເທື່ອໜຶ່ງຫລືບໍ່ກໍອາດບ້ວນຖິ້ມໄປສ່ວນຫນຶ່ງຫລືບາງຄົນອາດຈະບ້ວນຖິ້ມໜຶ່ງຫລືສອງເທື່ອຈົນກວ່າຈະຄົບ20ນາທີຊຶ່ງກໍ່ວ່າໃຊ້ໄດ້ຄືກັນ
ໄລຍະເວລາທີ່ດີທີ່ສຸດໃນການອົມນ້ຳມັນກົ້ວປາກຄື:ຕອນເຊົ້າກ່ອນທີ່ຈະກິນອາຫານເຊົ້າ ຊຶ່ງກໍຄືໄລຍະເວລາທີ່ທ້ອງວ່າງນັ້ນແຫລະ
ປະໂຫຍດຂອງການອົມນ້ຳມັນກົ້ວປາກ
ເບື້ອງຕົ້ນເລີຍຄືສຸຂະພາບຮ່າງກາຍໂດຍລວມດີຂຶ້ນຕາມມາດ້ວຍສຸຂະພາບທາງຊ່ອງປາກແຂ້ວຈະຂາວຂຶ້ນແລະແໜ້ນຂຶ້ນເຫງືອກແຂງແຮງກະຊັບຂຶ້ນບາງຄົົນທີ່ມີເຫງືອກສີດຳຄ້ຳຈະຄ່ອຍໆປ່ຽນເປັນສີິບົວຫລາຍຂຶ້ນຕາມລຳດັບອາການສຽວແຂ້ວຈະຫລຸດລົງລົມຫາຍໃຈສະອາດຂຶ້ນບາງຄົົນທີ່ສູບບຢາກໍຈະມີກິ່ນປາກຫນ້ອຍລົງອາການຮ້ອນໃນແລະບາດແຜໃນປາກທີ່ເຄີຍເປັນໆຫາຍໆຈະຫ່າງຫາຍໄປຈາກຊີວິດ
ສາວໆຫລືໜຸ່ມໆທີ່ໃສ່ໃຈເບິ່ງແຍງຮູບຮ່າງແລະສຸຂະພາບນັ້ນໜ້າຈະໄດ້ອານິສົງໄປເຕັມໆ ເພາະຫລາຍຄົນມີອາການໜ້າໃສເດັກນ້ອຍລົງ,ໜ້າແລະບໍລິເວນກ້ອງຂອບຕາທີ່ເຄີຍ ໝອງຄ້ຳຈະເບິ່ງສົດໃສຂຶ້ນຜິວໜ້າແລະຜິວກາຍນວນນຽນແລະເປັ່ງປັ່ງຂຶ້ນເສັ້ນຜົມທີ່ເຄີຍແຫ້ງຈະກັບນຸ້ມເປັນເງົາງາມຂຶ້ນສ່ວນຮາກຜົມຈະແໜ້ນຂຶ້ນສົ່ງຜົນໃຫ້ຜົມຫລົ່ນຫນ້ອຍລົງ ສ່ວນຜູ້ທີ່ມີນ້ຳໜັກເກີນມາດຕະຖານກໍສາມາດຫລຸດນ້ຳໜັກລົງໄດ້ພຽງແຕ່15ມື້ກໍເຫັນຜົນແລ້ວລວມເຖິງກິ່ນໂຕຫນ້ອຍລົງຢ່າງເຫັນໄດ້ແຈ້ງຮີມສົບທີ່ເຄີຍແຕກແຫ້ງກໍກັບມານຸ້ມຊຸ່ມຊື່ນກວ່າເກົ່າ