ສຳນັກຂ່າວຕ່າງປະເທດ ລາຍງານໃນວັນທີ 14 ກໍລະກົດຜ່ານມານີ້ວ່າ ອົງການການບິນພົນລະເຮືອນຫວຽດນາມ ໄດ້ຕັດສິນໃຈປິດຣັນເວຫລາຍເລກ 25R/07L ຂອງສະໜາມບິນສາກົນ ເຕິ່ນເຊິນເຍິ໊ດ ນະຄອນໂຮ່ຈິມິນ ຫລັງຈາກເກີດເຫດຟ້າຜ່າ ເຮັດໃຫ້ພື້ນຜິວທາງແລ່ນຂຶ້ນລົງຂອງເຮືອບິນເສຍຫາຍເຖິງ 2 ຈຸດ ກວ້າງຈຸດລະປະມານ 10 ຕາແມັດ ເຊິ່ງການປິດເພື່ອສ້ອມແປງ ຈະດຳເນີນໄປຈົນເຖິງວັນທີ 19 ກໍລະກົດນີ້ ເຊິ່ງເຮັດໃຫ້ປັດຈຸບັນສະໜາມບິນເຕິ່ນເຊິນເຍິ໊ດ ນະຄອນໂຮ່ຈິມິນ ສາມາດນຳໃຊ້ຣັນເວເພື່ອແລ່ນຂຶ້ນລົງໄດ້ພຽງ 1 ຣັນເວເທົ່ານັ້ນ.