ອົງການອາຫານແລະຢາຂອງສະຫະລັດອາເມລິກາ ປະກາດຍົກເລິກໃຊ້ໄຂມັນຊານໃນອຸດຫະກຳອາຫານທັງໝົດພາຍໃນ 3 ປີ
FDAຫລືອົງການອາຫານແລະຢາຂອງສະຫະລັດໄດ້ມີຄຳປະກາດກ່ຽວກັບການຕັດສິນໃຈ ອອກຄຳສັ່ງໃຫ້ອຸດສະຫະກຳອາຫານໃນສະຫະລັດທັງໝົດຍົກເລີກການໃຊ້ໄຂມັນຊານໃນສູດອາຫານທຸກຊະນິດເນື່ອງຈາກທີ່ຜ່ານມາໄດ້ມີການສຶກສາວິໄຈຜົນເສຍທີ່ຮ້າຍແຮງຕໍ່ສຸຂະພາບຂອງປະຊາຊົນວ່າໄຂມັນຊານກໍ່ໃຫ້ເກີດພະຍາດກໍ່ຄືພະຍາດຫົວໃຈ,ພະຍາດຫລອດເລືອດຫົວໃຈຕີບ,ພະຍາດຄວາມດັນເລືອດສູງ,ພະຍາດໄຂມັນອຸດຕັນໃນເສັ້ນເລືອດເປັນຕົ້ນໂດຍພະຍາດທີ່ກ່າວມາທັງໝົດນີ້ລ້ວນເປັນຜົນງານວິໄຈທີ່ສຶກສາເຖິງຜົນກະທົບທີ່ເກີດຂື້ນຈິງແລ້ວທັງໝົດ
ທີ່ຜ່ານມາບ້ານເຮົາກໍເຄີຍມີການຕື່ນໂຕຂອງໄຂມັນຊານໃນກຸ່ມຂອງຄົນຮັກສຸຂະພາບເຊັ່ນກັນເນື່ອງຈາກໄຂມັນຊານນັ້ນຈັດເປັນກົດໄຂມັນທີ່ເກີດຈາກກະບວນການແປຮູບຂອງກົດໄຂມັນບໍ່ອີ່ມຕົວໃຫ້ກາຍເປັນກົດໄຂມັນອີ່ມຕົວເຊັ່ນ:ນ້ຳມັນພືດເອີ້ນວ່າ:ກະບວນການໄຮໂດນຈີເນຊັນ(Hy drogenat ion)ເຊັ່ນ:ນ້ຳມັນປາມ,ນ້ຳມັນຖົ່ວເຫລືອງຫລືແມ່ນແຕ່ການແປຮູບໃຫ້ມີລັກສະນະເປັນເຄິ່ງຂອງແຂງເຊັ່ນ:ມາລກາລີນຫລືເນີຍທຽມ,ເນີຍຂາວ,ຄີມທຽມ ເປັນຕົ້ນໂດຍວັດຖຸດິບເຫລົ່ານີ້ຈະມີຊື່ເທິງສະຫລາກອາຫານຄື:ກົດໄຂມັນຊະນິດຊານ ຫລື Hydrogenated Oil ຫລື Partially Hydrogenated Oil
ສາເຫດທີ່ມີການນຳໄຂມັນໄປປ່ຽນເປັນໄຂມັນຊານກໍເນື່ອງຈາກໄຂມັນຊານສາມາດເກັບປິ່ນປົວໄວ້ໄດ້ດົນໂດຍບໍ່ເໝັນຫືນ,ບໍ່ເປັນໄຂ,ທົນຄວາມຮ້ອນໄດ້ສູງແລະມີລົດຊາດໃກ້ຄຽງກັບໄຂມັນຈາກສັດແຕ່ຈະມີລາຄາທີ່ຖືກກວ່າບັນດາຜູ້ປະກອບກິດຈະການອາຫານຕ່າງໆ ມັກນິຍົມນຳໄຂມັນຊານມາໃຊ້ປະກອບອາຫານຫລວງຫລາຍເພື່ອປະໂຫຍດໃນການຫລຸດຕົ້ນທຶນການຜະລິດລົງເຊັ່ນ:ກຸ່ມອາຫານຟາດຟູດຊຶ່ງໃຊ້ເປັນນ້ຳມັນສຳລັບຈືນໄກ່,ມັນຝຣັ່ງ ໂດນັດຫລືການນຳມາໃຊ້ໃນການປະກອບກິດຈະການເບເກີລີ,ເຂົ້າໜົມກອບ,ຄີມທຽມ ແລະວິບປິ້ງຄີມເປັນຕົ້ນ
ດັ່ງນັ້ນກໍຈະເຫັນໄດ້ວ່າໃນຊີວິດປະຈຳວັນນັ້ນເຮົາກິນໄຂມັນຊານກັນເຂົ້າໄປໂດຍບໍ່ຮູ້ໂຕ ແລະບໍ່ຮູ້ປະລິມານທີ່ບໍລິໂພກເຂົ້າໄປຕໍ່ມື້ວ່າຫລາຍນ້ອຍພຽງໃດຈຶ່ງເປັນເລື່ອງທີ່ຄວນຫັນມາໃຫ້ຄວາມສົນໃຈໃຫ້ຫລາຍຂຶ້ນດ້ວຍການເລືອກອາຫານທີ່ມີປະໂຫຍດຕໍ່ຮ່າງກາຍ ແລະຜ່ານກຳວິທີໃນການປຸງແຕ່ງໃຫ້ຫນ້ອຍທີ່ສຸດເພື່ອເປັນການເບິ່ງແຍງສຸຂະພາບເບື້ອງຕົ້ນດ້ວຍຕົນເອງ