ສຳນັກຂ່າວຕ່າງປະເທດ ລາຍງານໃນວັນທີ 10 ກໍລະກົດນີ້ວ່າ ຈາກກໍລະນີທີ່ກົມການຂ່າວແຫ່ງຊາດເກົາຫລີໃຕ້ (NIS) ນຳສະເໜີຂໍ້ມູນ ແລະ ສື່ມວນຊົນຂອງເກົາຫລີໃຕ້ ພາກັນຕີແຜ່ຂ່າວວ່າ ທ່ານ ກິມ ເຈິງ ອືນ ຜູ້ນຳເກົາຫລີເໜືອ ໄດ້ສັ່ງປະຫານຊີວິດເຈົ້າໜ້າທີ່ລັດ ແລະ ນາຍທະຫານລະດັບສູງຕ່າງໆ ລວມກ່ວາ 70 ຄົນ ນັບຕັ້ງແຕ່ປີ 2014 ເປັນຕົ້ນມານັ້ນ, ທາງດ້ານສຳນັກຂ່າວສູນກາງຂອງເກົາຫລີເໜືອ (KCNA) ໄດ້ຖະແຫລງໂຕ້ຕອບກັບຂໍ້ມູນ ແລະ ການນຳສະເໜີຂ່າວຂອງສື່ເກົາຫລີໃຕ້ດັ່ງກ່າວນີ້ວ່າ ເປັນການໃສ່ຮ້າຍປ້າຍສີຜ່ານການໂຄສະນາຊວນເຊື່ອ ທັງທີ່ບໍ່ມີມູນຄວາມຈິງ, ພ້ອມນັ້ນ ຍັງໄດ້ລະບຸອີກວ່າ ສື່ ແລະ ລັດຖະບານເກົາຫລີໃຕ້ສ້າງເລື່ອງຫລອກລວງ ກໍລະນີທີ່ອອກມາເປີດເຜີຍວ່າ ມີທະຫານເກົາຫລີເໜືອ 3 ຄົນ ໂຕນໜີໄປເຂົ້າຮ່ວມກັບຝ່າຍເກົາຫລີໃຕ້ ໃນເດືອນມິຖຸນາຜ່ານມາ.