spot_img
Homeຂ່າວການສຶກສາສຶກສາທິການ ແລະ ກິລາແຂວງອຸດົມໄຊ ຮ່ວມກັບວິທະຍາໄລເສດຖະກິດການເງິນຖາຍຫງວຽນ ສສ ຫວຽດນາມ ເຊັນສັນຍາສ້າງນັກສຶກສາຊັ້ນສູງ

ສຶກສາທິການ ແລະ ກິລາແຂວງອຸດົມໄຊ ຮ່ວມກັບວິທະຍາໄລເສດຖະກິດການເງິນຖາຍຫງວຽນ ສສ ຫວຽດນາມ ເຊັນສັນຍາສ້າງນັກສຶກສາຊັ້ນສູງ

Published on

ຕອນແລງ ຂອງວັນທີ 8 ກໍລະກົດ 2015 ນີ້, ທີ່ສະໂມສອນພະແນກສຶກສາທິການ ແລະ ກິລາແຂວງອຸດົມໄຊ (ສກຂ), ໄດ້ມີພິທີເຊັນສັນຍາເຮັດວຽກ ລະຫວ່າງ ພະແນກສຶກສາທິການ ແລະ ກິລາແຂວງ ກັບ ວິທະຍາໄລເສດກິດ-ການເງິນແຂວງຖາຍຫງວຽນ ສສ ຫວຽດນາມ ກ່ຽວກັບສອງຝ່າຍ ສືບຕໍ່ໂຄງການຮ່ວມມືສ້າງນັກສຶກສາໃຫ້ແກ່ແຂວງອຸດົມໄຊປະຈຳປີ 2015 – 2016.
ເຂົ້າຮ່ວມຕາງໜ້າແຂວງອຸດົມໄຊມີ ທ່ານ ຈິນດາວົງ ສົມສາມາດ ແລະ ທ່ານ ພວງວິໄລ ອິນທະວົງ ຮອງຫົວໜ້າພະແນກສຶກສາທິການ ແລະ ກິລາແຂວງອຸດົມໄຊ ພ້ອມດ້ວຍຫົວໜ້າຂະແໜງພາຍໃນ (ສກຂ) ທີ່ກ່ຽວຂ້ອງ ເຂົ້າຮ່ວມ, ຕາງໜ້າວິທະຍາໄລເສດກິດ-ການເງິນແຂວງຖາຍຫງວຽນມີທ່ານ ດຣ ຟາມຈີເກື່ອງ ຮອງອຳນວຍການວິທະຍາໄລເສດຖະກິດ -ການເງິນ ແຂວງຖາຍຫງວຽນ ພ້ອມດ້ວຍຄະນະເຂົ້າຮ່ວມນໍາ.

ຜ່ານການປຶກສາຫາລືທັງສອງຝ່າຍ ໄດ້ເຫັນດີ ຕົກລົງເປັນເອກະພາບ:

ຝ່າຍວິທະຍາໄລເສດຖະກິດ – ການເງິນ ແຂວງຖາຍຫງວຽນ:
– ໃນສົກຮຽນ 2015 – 2016 ທາງວິທະຍາໄລເສດຖະກິດ – ການເງິນ ແຂວງຖາຍຫງວຽນ ຈະສືບຕໍ່ຮັບນັກສຶກສາແຂວງອຸດົມໄຊ ຈຳນວນ 30 ຄົນ, ເຂົ້າຮຽນໃນລະບົບຊັ້ນສູງ ຫຼັກສູດປົກະຕິ.
– ໃນໄລຍະສຶກສາຢູ່ວິທະຍາໄລເສດຖະກິດ – ການເງິນ ແຂວງຖາຍຫງວຽນນັ້ນ ນັກສຶກສາແຂວງອຸດົມໄຊຈະໄດ້ຮັບປະຕິບັດນະໂຍບາຍ:
• ຍົກເວັ້ນຄ່າຮຽນ 100% ຕະຫຼອດການຮຽນ
• ຍົກເວັ້ນຄ່າພັກເຊົາຫໍພັກຂອງວິທະຍາໄລເສດຖະກິດ – ການເງິນ ແຂວງຖາຍຫງວຽນ
• ສະໜັບສະໜູນ ນັກສຶກສາ ໄປທັດສະນະສຶກສາ, ທ່ອງທ່ຽວ 1 ເທື່ອ/ຊຸດຮຽນ
• ສະໜັບສະໜູນ ຕັດເຄື່ອງນັກສຶກສາ ຕາມຂໍ້ກຳນົດຂອງໂຮງຮຽນ 1 ເທື່ອ/ຊຸດຮຽນ
• ໃຫ້ລາງວັນຊົມເຊີຍຕໍ່ຜູ້ຮຽນດີຮຽນເກັ່ງ ຕາມຂໍ້ກຳນົດ ຂອງກະຊວງສຶກສາ ແລະ ກໍ່ສ້າງຫວຽດນາມ
• ແນະນຳບັນດາມະຫາວິທະຍາໄລຕໍ່ນັກສຶກສາ ຜູ້ທີ່ມີຈຸດປະສົງຢາກເຊື່ອມຕໍ່ປະລິນຍາຕີ
– ລາຍງານຜົນການຮຽນ ແລະ ສະພາບການເຄື່ອນໄຫວ ໃນການປະຕິບັດກົດລະບຽບຂອງນັກສຶກສາແຂວງອຸດົມໄຊ ຕໍ່ ພະແນກສຶກສາທິການ ແລະ ກິລາແຂວງອຸດົມໄຊ ເປັນແຕ່ລະທ້າຍພາກຮຽນ.
ຝ່າຍພະແນກສຶກສາທິການ ແລະ ກິລາແຂວງອຸດົມໄຊ:
– ຄັດເລືອກເອົານັກສຶກສາໄປຮຽນຕາມມາດຖານເງື່ອນໄຂເຊັ່ນ: ຄັດເລືອກນັກຮຽນຕາມມາດຖານເງື່ອນໄຂ, ສຸຂະພາບແຂງແຮງ ແລະ ມີຄຸນສົມ ບັດດີ ຕາມຂໍ້ກຳນົດຂອງກະຊວງສຶກສາ ແລະ ກໍ່ສ້າງ ສສ ຫວຽດນາມ ແລະ ວິທະຍາໄລເສດຖະກິດ – ການເງິນ ແຂວງຖາຍຫງວຽນ
– ແນະນຳໃຫ້ນັກສຶກສາປະກອບເອກະສານຄົບຖ້ວນ 1 ຊຸດ, ( ດ້ວຍສອງພາສາ: ລາວ, ຫວຽດນາມ ຫຼື ອັງກິດ ) ຕາມການຕົກລົງຂອງວິທະຍາໄລເສດຖະກິດ – ການເງິນ ແຂວງຖາຍຫງວຽນ.
– ມອບຂໍ້ຕົກລົງຂອງກະຊວງສຶກສາທິການ ແລະ ກິລາ ແລະ ຂໍ້ຕົກລົງຂອງທ່ານເຈົ້າແຂວງອຸດົມໄຊ ແຫ່ງ ສປປ ລາວ ວ່າດ້ວຍການອະນຸມັດໃຫ້ນັກສຶກສາໄປຮຽນຕ່າງປະເທດ ໃຫ້ແກ່ວິທະຍາໄລເສດຖະກິດ – ການເງິນ ແຂວງຖາຍຫງວຽນ.
– ແຕ່ງຕັ້ງພະນັກງານນຳສົ່ງນັກສຶກສາໄປຮຽນ ທີ່ວິທະຍາໄລເສດຖະກິດ – ການເງິນ ແຂວງຖາຍຫງວຽນ ຕາມການກຳນົດວັນເວລາ ເຊິ່ງເລີ່ມແຕ່ ວັນທີ 5 -10 ກັນຍາ 2015 ຈະມາເຖິງນີ້.
– ແຕ່ງຕັ້ງພະນັກງານຮັບຜິດຊອບ ຕິດຕໍ່ພົວພັນ ກັບ ພະແນກສຶກສາ ແລະ ກໍ່ສ້າງ ສສ ຫວຽດນາມ
ເພື່ອປະສານງານ ແລະ ແກ້ໄຂບັນຫາໃນກໍລະນີເກີດຂຶ້ນແບບກະທັນຫັນ ທີ່ພົວພັນກັບນັກສຶກສາຂອງແຂວງອຸດົມໄຊ
ຝ່າຍນັກສຶກສາແຂວງອຸດົມໄຊ:
– ຕ້ອງຮັບປະກັນເງື່ອນໄຂ ມາດຖານ ຕາມການຄັດເລືອກນັກສຶກສາ ຂອງພະແນກສຶກສາທິການ ແລະ ກິລາ ແຂວງອຸດົມໄຊ.
– ຕ້ອງປະຕິບັດ ກົດລະບຽບຂໍ້ກຳນົດຂອງໂຮງຮຽນ ແລະ ກະຊວງສຶກສາ ແລະ ກໍ່ສ້າງ ວາງອອກຢ່າງເຂັ້ມງວດ.
– ຕ້ອງໄດ້ຈ່າຍເງິນຄ່າບັດປະກັນສຸຂະພາບ ຕາມຂໍ້ກຳນົດຂອງລັດຖະບານ ສສ ຫວຽດນາມ.
– ຕ້ອງໄດ້ເສຍເງິນຄ່ານ້ຳ, ຄ່າໄຟຟ້າ, ຖ້າໃຊ້ເກີນຕາມການກຳນົດຂອງໂຮງຮຽນວາງອອກ.
– ຖ້ານັກສຶກສາເສັງຄືນເທື່ອທີ່ສອງຍັງບໍ່ຜ່ານນັກສຶກສາຜູ້ນັ້ນຕ້ອງໄດ້ຮຽນຄືນ ໃນລາຍວິຊາທີ່ບໍ່ຜ່ານ ແລະ ຜູ້ກ່ຽວຕ້ອງໄດຈ່າຍເງິນ ສຳລັບການຮຽນວິຊານັ້ນ ຕາມຂໍ້ກຳນົດຂອງໂຮງຮຽນ.
– ຕ້ອງຮັບຜິດຊອບ ກຸ້ມຕົນເອງຂອງການໃຊ້ຈ່າຍໃນຊີວິດປະຈຳວັນ.
ເມື່ອຜ່ານບົດບັນທຶກສັນຍາເປັນເອກະພາບກັນແລ້ວທັງສອງຝ່າຍກໍໄດ້ຮ່ວມກັນລົງນາມສັນສັນຍາການຮ່ວມມືກໍ່ສ້າງນັກສຶກສາ, ຝ່າຍລາວຕາງໜ້າເຊັນໂດຍ ທ່ານ ຈິນດາວົງ ສົມສາມາດ ຮອງຫົວໜ້າພະແນກສຶກສາທິການ ແລະ ກິລາແຂວງອຸດົມໄຊ, ຝ່າຍ ສສ ຫວຽດນາມ ເຊັນໂດຍແມ່ນ ທ່ານ ດຣ ຟາມຈີເກື່ອງ ຮອງອຳນວຍການວິທະຍາໄລເສດຖະກິດ – ການເງິນ ແຂວງຖາຍຫງວຽນ .

1506678_1597416630509158_2598993726403693813_n

10410437_1597416700509151_8512170529584207374_n

11659426_1597416573842497_1607015426605625295_n

11692743_1597416657175822_4707153229396349905_n

11703038_1597416647175823_3769901885295800044_n

ບົດຄວາມຫຼ້າສຸດ

ພົບກັບຂໍ້ສະເໜີພິເສດທີ່ສຸດແຫ່ງປີ! ກັບ TOYOTA BIG DEAL

ພົບກັບຂໍ້ສະເໜີພິເສດທີ່ສຸດແຫ່ງປີ! ພຽງແຕ່ທ່ານຈອງລົດພາຍໃນເດືອນມີນາ 2025 ຮັບທັນທີ ຄັນຮົ່ມສຸດພຣີມຽມຈາກ ໂຕໂຢຕ້າ ລາວ. ພ້ອມດຽວກັນນັ້ນ, ຖ້າທ່ານອອກລົດຕັ້ງແຕ່ວັນທີ 1 ມີນາ ຫາ 30 ມິຖຸນາ 2025...

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...