ແອັບເປີ້ນເປັນຫມາກໄມ້ທີ່ແຊບທີ່ກິນໄດ້ທຸກໄວແລະເປັນຫມາກໄມ້ທີ່ມີປະໂຫຍດອັດ ແໜ້ນໄປດ້ວຍຄຸນຄ່າທາງໂພສະນາການຫລວງຫລາຍແຕ່ຮູ້ຫລືບໍ່ວ່າແອັບເປີ້ນມີຫລາກຫລາຍສີໃຫ້ເຮົາໄດ້ເລືອກຊື້ຫາໄວ້ກິນແລະແຕ່ລະສີນັ້ນລ້ວນມີປະໂຫຍດທີ່ແຕກຕ່າງກັນອອກໄປອີກຫລວງຫລາຍ
ມື້ນີ້ຈຶ່ງນຳຂໍ້ມູນດີໆກ່ຽວກັບປະໂຫຍດຂອງແອັບເປີ້ນແຕ່ລະສີມາຝາກຊຶ່ງຮັບຮອງໄດ້ວ່າເຈະມັກແອັບເປີ້ນຫລາຍກວ່າເກົ່າແຖມຍົກໃຫ້ເປັນຫມາກໄມ້ໃນດວງໃຈເລີຍກໍ່ວ່າໄດ້
ແອັບເປີ້ນສີແດງ
ແອັບເປີ້ນສີແດງເຂັ້ມເປັນແອັບເປີ້ນສາຍພັນທີ່ມີສານຕ້ານອານຸມູນອິດສະຫລະຫລາຍທີ່ສຸດໂດຍສານຕ້ານອານຸມູນອິດສະຫລະທີ່ຢູ່ໃນຜິວແອັບເປີ້ນສີແດງມີລິດໃນການຕ້ານອານຸມູນອິດສະຫລະຫລາຍທຽບເທົ່າກັບວິຕາມິນຊີເຖິງ1, 500ມິນລິກຣາມຊຶ່ງຕ້ານອານຸມູນອິດສະຫລະເຫລົ່ານີ້ຈະໄປເຮັດຫນ້າທີ່ຂັດຂວາງການເຕີບໂຕຂອງຈຸລັງມະເຮັງໃນຮ່າງກາຍລວມທັງມີປະໂຫຍດຕໍ່ສຸຂະພາບຫົວໃຈນອກຈາກນີ້ຍັງຊ່ວຍປ້ອງກັນການເກີດພະຍາດຄວາມຈໍາເຊື່ອມໄດ້ແລະຍັງຊ່ວຍປ້ອງກັນບໍ່ໃຫ້ຜິວພັນເກີດຮ່ອງຮອຍແຫ່ງໄວ
ແອັບເປີ້ນສີຂຽວ
ແອັບເປີ້ນສີຂຽວຂຶ້ນຊື່ວ່າເປັນຫມາກໄມ້ສຳລັບການຫລຸດນ້ຳໜັກເພາະລົດຊາດຂອງແອັບເປີ້ນຂຽວທີ່ແຕກຕ່າງແລະມີນ້ຳຕານນ້ອຍນອກຈາກນີ້ເປືອກຂຽວໆຂອງແອບເປີ້ນຂຽວກໍຍັງອັດແໜ້ນໄປດ້ວຍປະໂຫຍດຫລວງຫລາຍບໍ່ວ່າຈະເປັນໃຍອາຫານທີ່ມີສູງຊ່ວຍໃນລະບົບຂັບຖ່າຍລະດັບສານຕ້ານອານຸມູນອິດສະຫລະທີ່ສູງລວມທັງຍັງຊ່ວຍຫລຸດຄວາມຢາກອາຫານໄດ້ນໍາອີກ
ແອັບເປີ້ນສີເຫລືອງ
ແອັບເປີ້ນຊະນິດນີ້ເຮົາອາດຈະບໍ່ຄ່ອຍໄດ້ພົບເຫັນກັນເລື້ອຍໆແຕ່ປະໂຫຍດຂອງແອັບເປີ້ນສາຍພັນນີ້ນັ້ນມີຫລວງຫລາຍບໍ່ວ່າຈະປະໂຫຍດໃນເລື່ອງການບຳລຸງປິ່ນປົວດວງຕາ ຫລືຊ່ວຍເສີມສ້າງພູມຄຸ້ມກັນໃຫ້ແຂງແຮງບໍ່ພຽງເທົ່ານັ້ນແອັບເປີ້ນສີເຫລືອງຍັງຊ່ວຍລ້າງສານພິດທີ່ສະສົມໃນຕັບອອກຈາກຮ່າງກາຍ
ແອັບເປີ້ນສີບົວ
ແອັບເປີ້ນທີ່ສີບົວແດງມີປະລິມານວິຕາມິນຊີຫລາຍເຖິງ1ໃນ4ຂອງປະລິມານຂອງວິຕາມິນຊີທີ່ຄວນໄດ້ຮັບຕໍ່ມື້ຊຶ່ງວິຕາມິນຊີນີ້ກໍມີລິດເປັນສານຕ້ານອານຸມູນອິດສະຫລະຊ່ວຍເຮັດໃຫ້ຝາຂອງຫລອດເລືອດຝອຍແຂງແຮງຫລາຍຂຶ້ນແຖມຍັງຫລຸດອາການເລືອດອອກຕາມເຟນແຂ້ວໄດ້ດີນໍາອີກ