spot_img
Homeຂ່າວທ້ອງຖິ່ນແຂວງຫລວງພະບາງ ທຳລາຍສິນຄ້າໝົດອາຍຸການນຳໃຊ້

ແຂວງຫລວງພະບາງ ທຳລາຍສິນຄ້າໝົດອາຍຸການນຳໃຊ້

Published on

DSC_0464 .02.7.15.9

ຂປລ. ວັນທີ 2 ເດືອນນີ້, ດຣບົວຄົງ ນາມມະວົງ ຮອງເຈົ້າແຂວງຫລວງພະາງ, ທ່ານ ສົມພົງ ປຣະດີຈິດ ຫົວໜ້າ ພະແນກອຸດສາຫະກຳ ແລະ ການຄ້າພ້ອມດ້ວຍຜູ້ ຕາງໜ້າຂະ ແໜງການກ່ຽວຂ້ອງ ແລະ ຜູ້ປະກອບ ການທຸລະກິດໄດ້ເຂົ້າຮ່ວມທຳລາຍສິນຄ້າປະເພດຢາສູບນອກລະບົບ ແລະ ສີນຄ້າທີ່ໝົດອາຍຸການນຳໃຊ້ຫລັງເຈົ້າໜ້າທີ່ຂະແໜງ ການຄ້າພາຍໃນສົມທົບ ກັບພະແນກ ຕຳ ຫລວດເສດຖະກິດຂອງແຂວງກວດກາ ແລະ  ຢຶດໄດ້ແຕ່ຕົ້ນເດືອນກຸມພາ ຫາ ທ້າຍເດືອນພຶດສະພາຜ່ານມາ.

ສິນຄ້າທີ່ທຳລາຍສ່ວນຫລາຍແມ່ນຢາສູບນຳເຂົ້າໂດຍບໍ່ເສຍພາສີ ທັງບໍ່ມີຄຳເຕືອນຕໍ່ສຸຂະພາບຢູ່ຮ້ານຂາຍເຄື່ອງຍ່ອຍ 21 ຮ້ານ ແລະ ຍຶດໄດ້ 319 ຕຸດໂດຍມີມູນຄ່າກວ່າ 60 ລ້ານກີບ,  ສ່ວນສິນຄ້າທີ່ ໝົດອາຍຸໄດ້ກວດພົບຢູ່ 25 ຮ້ານ, 13 ລາຍການເຊ່ິງສ່ວນຫລາຍແມ່ນເຄື່ອງດື່ມ, ໝີ່ສຳເລັດຮູບແລະອື່ນໆມູນຄ່າກວ່າ18ລ້ານກີບ. ຮອງເຈົ້າແຂວງຫລວງພະບາງ ໄດ້ສະແດງຄວາມຊົມເຊີຍ ທີ່ພາກສ່ວນກ່ຽວຂ້ອງພ້ອມກັນກວດກາສິນຄ້າເຫລົ່ານີ້ ເຊິ່ງເປັນອີກຜົນງານໜຶ່ງທີ່ປະກອບສ່ວນແກ້ໄຂສະພາບການລັກລອບນຳເຂົົ້າ ແລະ ທີ່ສຳຄັນ ຈະເຮັດໃຫ້ທຸກຄົນຢູ່ແຂວງຂອງຕົນ ຫລີກເວັ້ນການບໍລິໂພກສິນຄ້າທີ່ໝົດອາຍຸນຳໃຊ້.  ແນວໃດກໍດີການຈຳໜ່າຍ ແລະ ນຳເຂົ້າສິນຄ້າຈາກຕ່າງປະເທດຢູ່ປະເທດ ເຮົາຍັງ ສ່ຽງຫລາຍດ້ານໂດຍສະເພາະຕໍ່ສຸຂະພາບຂອງຜູ້ບໍລິໂພກ ເຊ່ິງທຸກຄົນຕ້ອງເປັນເຈົ້າການຕິດຕາມການຈຳໜ່າຍສິນຄ້າ ຢູ່ຮ້ານຂາຍເຄື່ອງຕ່າງໆ ໂດຍໃຫ້ເບ່ິງຢ່າງລະອຽດ ໂດຍສະເພາະອາຍຸ ການ ນຳໃຊ້,  ຂະນະທີ່ພາກສ່ວນກ່ຽວຂ້ອງຕ້ອງໄດ້ສືບຕໍ່ຕິດຕາມ ແລະ ກວດກາໃຫ້ລະອຽດຕື່ມເພື່ອຈຳກັດການຄ້າຂາຍ ສິນຄ້າທີ່ໝົດອາຍຸການນຳໃຊ້ໃຫ້ໝົດໄປ.

 

ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...