spot_img
Homeຂ່າວການສຶກສາອຸດົມໄຊຜ່ານກົດລະບຽບກ່ອນການກວດບົດສອບເສັງຈົບຊັ້ນ ມ7 ປະຈໍາສົກຮຽນ 2014-2015 ໂດຍເນັ້ນໃສ່ຄຸນະພາບ ແລະ ຄວາມຢຸດຕິທໍາ

ອຸດົມໄຊຜ່ານກົດລະບຽບກ່ອນການກວດບົດສອບເສັງຈົບຊັ້ນ ມ7 ປະຈໍາສົກຮຽນ 2014-2015 ໂດຍເນັ້ນໃສ່ຄຸນະພາບ ແລະ ຄວາມຢຸດຕິທໍາ

Published on

ພິທີໄດ້ມີຂື້ນໃນຕອນແລງຂອງວັນທີ 1 ກໍລະກົດ 2015 ນີ້, ຢູ່ທີ່ສະໂມສອນຂອງ ພະແນກສຶກສາທິການ ແລະ ກິລາ ແຂວງອຸດົມໄຊ (ສກຂ) ໄດ້ມີກອງປະຊຸມຜ່ານກົດລະບຽບ ແລະ ລາຍຊື່ຂອງອະນຸກຳມະການກວດບົດສອບເສັງຊັ້ນ ມ7 ປະຈໍາສົກຮຽນ 2014-2015 ເປັນປະທານໂດຍທ່ານ ໂອວາດ ຈັນທະວົງ ຄະນະປະຈໍາພັກແຂວງ ຫົວໜ້າ (ສກຂ), ມີທ່ານ ພວງວິໄລ ອິນທະວົງ ຮອງ (ສກຂ), ທ່ານ ນາງ ນີວັນ ໄຊຍະສິດ ຫົວໜ້າຂະແໜງມັດທະຍົມ (ສກຂ) ພ້ອມດ້ວຍພະນັກງານພາຍໃນ (ສກຂ) ແລະ ຄູອາຈານທີ່ມາຈາກຫຼາຍໂຮງຮຽນອ້ອມຂ້າງແຂວງ ເຂົ້າຮ່ວມນໍາ.

ທ່ານ ນາງ ນີວັນ ໄຊຍະສິດ ຫົວໜ້າຂະແໜງມັດທະຍົມ ໄດ້ຜ່ານຂໍ້ຕົກລົງຂອງທ່ານຫົວໜ້າ (ສກຂ) ວ່າດ້ວຍການແຕ່ງຕັ້ງອະນຸກໍາມະການກວດບົດສອບເສັງ ໂດຍແບ່ງອອກເປັນ 8 ຈຸ, ຈຸລະ 8 ທ່ານ ຕາມລາຍວິຊາ ຄືຈຸ ວິຊາ ພາສາລາວ-ວັນນະຄະດີ, ຄະນິດສາດ, ຟິຊິກສາດ, ເຄມີສາດ, ຊີວະສາດ, ປະຫວັດສາດ, ພູມີສາດ ແລະ ວິຊາສຶກສາຜົນລະເມືອງ. ຈາກນັ້ນ ທ່ານ ພວງວິໄລ ອິນທະວົງ ຮອງ (ສກຂ) ກໍໄດ້ສືບຕໍ່ຜ່ານກົດລະບຽບ ການກວດບົດສອບເສັງ ພ້ອມທັງອະທິບາຍໃຫ້ອະນຸກໍາມະການໄດ້ມີຄວາມເຂົ້າໃຈ ຈະແຈ້ງ ເພື່ອແນ່ໃສ່ຄວາມເປັນເອກະພາບ ແລະ ຄວາມເປັນລະບຽບຮຽບຮ້ອຍ ບໍ່ໃຫ້ມີບັນຫາເກີດຂື້ນ ໃນເວລາດໍາເນີນການກວດບົດສອບເສັງ.

ໃນໂອກາດດັ່ງກ່າວ, ທ່ານ ໂອວາດ ຈັນທະວົງ ປະທານກອງປະຊຸມໄດ້ຮຽກຮ້ອງ ແລະ ເນັ້ນໜັກໃຫ້ອະນຸກໍາມະການກວດບົດທຸກທ່ານ ຕ້ອງໄດ້ເອົາໃຈໃສ່ປະຕິບັດໜ້າທີ່ຂອງຕົນດ້ວຍຄວາມຮັບຜິດຊອບສູງ ໂດຍເນັ້ນຄຸນະພາບ ແລະ ຄວາມຢຸດຕິທໍາ ເພື່ອເປັນການປະເມີນເຖິງຄວາມຮັບຮູ້ຂອງບັນດານ້ອງນັກຮຽນ ແລະ ຄຸນະພາບຂອງການຮຽນ-ການສອນ ໃນສົກຮຽນນີ້

ສໍາລັບຈໍານວນນັກຮຽນຂັ້ນ ມ7 ທົ່ວແຂວງໃນສົກຮຽນນີ້ມີທັງໝົດ 2.912 ຄົນ, ຍິງ 1.285 ຄົນ, ແບ່ງອອກເປັນ 9 ສູນ ໃນທົ່ວແຂວງ, ລວມ ມີ 25 ໂຮງຮຽນ, ມີ 136 ຫ້ອງ ປະກອບມີສູນສອບເສັງ: ມສ ແຂວງ, ມສ ເມືອງໄຊ, ມສ ເມືອງຫຼາ, ມສ ນາໝໍ້, ມສ ດອນແອ່ນ , ມສ ເມືອງແບງ, ມສ ເມືອງຮຸນ ແລະ ມສ ປາກແບງ.

11666140_1645148115698362_2181945510701744429_n

11200768_1595207830730038_8735875306385100130_n

11666110_1595207764063378_5499042279004145120_n

 

11692600_1595207837396704_8348013998135471748_n

11694025_1595208067396681_3828700863767153790_n

ບົດຄວາມຫຼ້າສຸດ

ພົບກັບຂໍ້ສະເໜີພິເສດທີ່ສຸດແຫ່ງປີ! ກັບ TOYOTA BIG DEAL

ພົບກັບຂໍ້ສະເໜີພິເສດທີ່ສຸດແຫ່ງປີ! ພຽງແຕ່ທ່ານຈອງລົດພາຍໃນເດືອນມີນາ 2025 ຮັບທັນທີ ຄັນຮົ່ມສຸດພຣີມຽມຈາກ ໂຕໂຢຕ້າ ລາວ. ພ້ອມດຽວກັນນັ້ນ, ຖ້າທ່ານອອກລົດຕັ້ງແຕ່ວັນທີ 1 ມີນາ ຫາ 30 ມິຖຸນາ 2025...

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...