ການອອກແບບເຮືອນໃນປະຈຸບັນອາດຈະບໍ່ໄດ້ໝາຍເຖິງສິ່ງປູກສ້າງທີ່ມີຝາ 4 ເບື້ອງ ແລະປົກປິດທາງເທິງດ້ວຍຫລັງຄາເທົ່ານັ້ນເພາະເຊື່ອບໍວ່າມີເຮືອນຫລາຍຫລັງທີ່ບໍ່ມີຄຸນສົມບັດຕາມທີ່ກ່າວມາແຕ່ກໍຍັງສາມາດເອີ້ນໄດ້ວ່າເຮືອນຄືກັນເຖິງແມ່ນວ່າຈະມາພ້ອມກັບຮູບລັກສະນະທີ່ເປັນເອກະລັກແລະແປກປະຫລາດກວ່າເຮືອນທົ່ວໄປແຕ່ກໍບໍ່ໂກ້ບໍ່ແພ້ໃຜເລີຍນະມື້ນີ້ຈຶ່ງຂໍນຳເອົາແບບເຮືອນແປກໆຈາກທົ່ວໂລກ
1.ເຮືອນໃນອາບູດາ,ໄນຈີເລຍທີ່ຖືກສ້າງຂຶ້ນພາຍໃຕ້ຫລັງຄາຮູບເຄື່ອງບິນໂດຍ ເຊດ ແຈມເມນ ເພື່ອອຸທິດໃຫ້ກັບ ລິຊ່າ ເມຍທີ່ມັກການທ່ອງທ່ຽວເປັນຊີວິດຈິດໃຈ
2.ຮິລິໂອໂດມ ເຮືອນໄບໂອໄຄເມຕິກ ຫລືເຮືອນພະລັງງານແສງອາທິດທີ່ຕັ້ງໃກ້ກັບ ເມືອງຊາຊະບູລທາງຕະເວັນອອກຂອງຝຣັ່ງແລະຖືກອອກແບບໃຫ້ຄືກັບໂມງແດດໂດຍມີການສ້າງໃຫ້ສອດຄ່ອງກັບຕຳແໜ່ງຂອງຕາເວັນໃນແຕ່ລະລະດູໂດຍການຮັກສາອຸນຫະພູມຂອງຕົວເຮືອນໃຫ້ເຢັນສະບາຍໃນລະດູຮ້ອນແລະເຮັດໃຫ້ເຮືອນອົບອຸ່ນໃນລະດູໃບໄມ້ຫລົ່ນ,ໃບໄມ້ປົ່ງແລະລະດູໜາວ
3.ຫລິວ ຫລິງເຈົ້າ ອາຍຸ 38 ປີຍ່າງແບກເຮືອນເຮືອນຂອງໂຕເອງໄປຕາມຖະໜົນຂອງເມືອງຫລິວໂຈວໃນຈີນຂອງປີ 2013 ຊຶ່ງເມື່ອ 5 ປີກ່ອນຫລິວຕັດສິນໃຈຍ່າງກັບບ້່ານເກີດໃນເມືອງກວາງສີຈ້ວງຈາກເຊີນເຈີ້ນເປັນໄລຍະທາງປະມານ743ກິໂລແມັດໂດຍເຮືອນທີ່ລາວແບກມາກໍສ້າງຈາກໄມ້ໄຜ່ຖົງຢາງແລະຜ້າປູບ່ອນນອນເທິງຖານກວ້າງ2ແມັດກັບຄວາມສູງອີກ2ແມັດເຄິ່ງໜັກເກືອບ60ກິໂລກຣາມຖ້າສະເລ່ຍແລ້ວລາວຕ້ອງຍ່າງໄກກວ່າ19ກິໂລແມັດຕໍ່ມື້
4.ສ່ວນເຮືອນຫລັງນີ້ສ້າງຂຶ້ນເທິງກ້ອນຫີນກາງແມ່ນ້ຳດຣິນາໃກ້ກັບທາງຕະເວັນຕົກຂອງເຊີເບຍໂດຍຊາຍໜຸ່ມກຸ່ມໜຶ່ງທີ່ເຫັນວ່າກ້ອນຫີນກາງແມ່ນ້ຳແບບນີ້ເໝາະແກ່ການສ້າງເຮືອນຫລັງນ້ອຍໆຫລັງໜຶ່ງ
5.ເຮືອນທີ່ອ້ອມຮອບຕົ້ນໄມ້ຫລັງນີ້ຕັ້ງຢູ່ໃນ ເລີ ພອງ ເມດອກ ທາງຕະເວັນຕົກສຽງໃຕ້ຂອງຝຣັ່ງຖືກເຊົ່າໂດຍບໍລິສັດເນທູລ່າ ຄາບານາ ເພື່ອໃຊ້ເປັນສະຖານທີ່ທ່ອງທ່ຽວແນວອານຸລັກທໍາມະຊາດ
6.ເຮືອນໂຊກູເອຢາມອດທາງຕອນກາງຂອງສະເປນສ້າງຈາກຖັງເກັບວາຍເກົ່າຊຶ່ງເປັນທີ່ຢູ່ຂອງແຮງງານຈຳນວນຫລາຍໂດຍປະມານ40ຄົນເປັນຊາວຕວກກີທີ່ເດີນທາງມາຈາກເບົາແກເຣຍເພື່ອຮັບຈ້າງເກັບໝາກລາແຊັງເມື່ອເຖິງລະດູເກັບກ່ຽວປະມານ6ອາທິດພໍຕົກກາງຄືນກໍຈະມີແຮງງານກວ່າ20ຊີວິດເຂົ້າໄປນອນໃນຖັງຄອນກີດຂະໜາດເທົ່າໆກັບລົດໃຫຍ່ເຫລົ່ານີ້ນີ້ເອງ
7.ສ່ວນຄົນງານເຫລົ່ານີ້ກໍກຳລັງຮື້ສວນຫີນສ່ວນໂຕເທິງດາດຟ້າຊັ້ນ 26 ຂອງຕຶກແຫ່ງໜຶ່ງໃນປັກກິ່ງເມື່ອເດືອນສິງຫາ2013ເພາະເປັນການກໍ່ສ້າງທີ່ຜິດກົດຫມາຍເຖິງແມ່ນມັນຈະເຮັດໃຫ້ເປັນເຮືອນທີ່ສວຍງາມໃກ້ຊິດທຳມະຊາດແລະແຕກຕ່າງກວ່າໃຜໆກໍຕາມ ໂດຍໃຊ້ເວລາໃນການຮື້ 15 ມື້
8.ເຮືອນເທິງດາດຟ້າອີກໜຶ່ງຫລັງທີ່ຕ້ອງຮື້ຖິ້ມຫລັງຈາກສ້າງສຳເລັດໄດ້ປະມານ2 ປີ ເຖິງແມ່ນຈະມີການອອກແບບທີ່ແປກຕາແລະໃຊ້ພື້ນທີ່ຈົນຄຸ້ມເພາະລັດຖະບານເຫັນວ່າເຮືອນຫລັງນີ້ບໍ່ໄດ້ກໍ່ສ້າງຕາມຮູບແບບທີ່ຖືກກົດໝາຍ
9.ເຮືອນຂອງເບນິໂຕ ເຮີນັນເດຊ ທີ່ຕັ້ງຢູ່ທາງຕອນເໜືອຂອງເມືອງໂກອາວີລາໃນເມັກຊິໂກຊຶ່ງນັບເປັນເວລາກວ່າ30ປີແລ້ວທີ່ເຮີນັນເດຊແລະຄອບຄົວຢູ່ໃນເຮືອນອິດຊົງປະຫລາດແລະໃຊ້ຫີນຍັກຄວາມສູງເກືອບ40ແມັດແທນຫລັງຄາ
10.ເທຍລີ ແອດຕ້າ ໃຊ້ສວນໃນເຮືອນຂອງຕົນເອງເປັນພື້ນທີ່ສຳລັບສ້າງເຮືອນອີ່ເຂ້ໃຫຍ່ເທິງຊາຍຝັ່ງໄອວໍລີໃນແຖວປະເທດທາງຕະເວັນຕົກຂອງອາຟຣິກາເພື່ອສານຕໍ່ຄວາມຕ້ອງການຂອງ ເມົາຊາ ຄາໂລ ຜູ້ອອກແບບແລະເລີ່ມສ້າງເຮືອນຫລັງນີ້ກ່ອນທີ່ລາວຈະຈາກໄປໂດຍແອດຕ້າເປັນຄົນເຮັດໃຫ້ສຳເລັດສົມບູນໃນອີກ 2 ເດືອນຕໍ່ມາ
11.ຊ່ອງນ້ອຍໆກາງຕຶກໃຫຍ່ຂອງ ນະຄອນ ວໍຊໍ ໃນໂປແລນເປັນທີ່ຕັ້ງຂອງເຮືອນສິລະປິນຄົນໜຶ່ງທີ່ຕັ້ງໃຈຈະໃຊ້ສະຖານທີ່ແຫ່ງນີ້ເປັນອະນຸສອນສະຖານໃຫ້ກັບພໍ່ແມ່ຂອງລາວທີ່ຕາຍຈາກໄປໃນໂຮໂລກອສ
12.ສ່ວນແກລີຈາງຜູ້ອອກແບບຊາວຮົງກົງກໍກຳລັງນອນຢູ່ເທິງເປໃນອາພາລເມັ້ນທີ່ມີຄວາມກວ້າງປະມານ 30 ຕາລາງແມັດ ພ້ອມກັບປ່ຽນຝາໃຫ້ກາຍເປັນທີ່ເຊື່ອງສິ່ງຂອງຕ່າງໆທີ່ໃຊ້ໃນຊີວິດປະຈຳວັນ
13.ສຳລັບເຮືອນໃນລັດເຊຍຫລັງນີ້ກໍເປັນທັງທີ່ຢູ່ອາໄສແລະສະຖານທີ່ທ່ອງທ່ຽວໄປພ້ອມໆກັນແລະແນ່ນອນວ່າສິ່ງຂອງພາຍໃນເຮືອນກໍກັບຫົວກັບຫາງຢ່າງທີ່ເຫັນແບບນີ້ນໍາອີກ
14.ພູເຂົາຫີນຊາຍທີ່ຖືກຄົ້ນພົບເມື່ອ35ປີກ່ອນໃກ້ກັບອຸດຍານແຫ່ງຊາດແຄນຍອນແລນ ສະຫະລັດອະເມລິກາກ່ອນທີ່ຈະຖືກສ້າງເປັນຫ້ອງຕ່າງໆພ້ອມກັບບ່ອນເກັບເຄື່ອງ
15.ອ່າງຈາກຸດຊີຂອງເຮືອນທີ່ສ້າງຂຶ້ນຈາກນ້ຳກ້ອນກວ່າ1, 000ກ້ອນໃນປີ 2005 ພ້ອມດ້ວຍເເຄື່ອງໃຊ້ຕ່າງໆເຟີນິເຈີແລະຂອງຕົກແຕ່ງທີ່ສ້າງຂຶ້ນຈາກນ້ຳແຂງທັງໝົດເຊັ່ນດຽວກັນຈັດວ່າເປັນຂອງແຕ່ງເຮືອນທີ່ແຕກຕ່າງແບບໂກ້ໆ
16.ບ້ານໂດມເກືອບ70ຫລັງທີ່ສ້າງຂຶ້ນເພື່ອມອບໃຫ້ແກ່ຜູ້ທີ່ສູນເສຍເຮືອນຈາກເຫດແຜ່ນດິນໄຫວໃນອິນໂດເນເຊຍໃຊ້ເປັນທີ່ຢູ່ອາໄສຈັດເປັນເຮືອນຊົງແປກຕາແຕ່ເຕັມໄປດ້ວຍຄວາມອົບອຸ່ນແລະຄວາມເຫັນເອິກເຫັນໃຈຢູ່ໃນນັ້ນ
