ແຜ່ນມາສ໌ ຊ່ວຍບຳລຸງຜິວງ່າຍໆທີ່ຮອດຮິດທີ່ສຸດໃນເກົາຫລີ ລວມທັງໃນບ້ານເຮົານຳເພາະມື້ໃດທີ່ເໜື່ອຍລ້າແລະແສນຈະຂີ້ຄ້ານ ກໍພຽງຈັບແຜ່ນມາສ໌ເຢັນໆອອກມາຈາກຕູ້ເຢັນແລ້ວນຳມາມາສ໌ໃຫ້ສານບຳລຸງໃນແຜ່ນມາສ໌ຊຶມລົງສູ່ຜິວໄປເລື່ອຍໆງ່າຍໆ ເທົ່ານີ້ກໍຈະໄດ້ຜິວງາມໃສ ແຜ່ນມາກຍັງມີຫລາຍແບບໃຫ້ເລືອກ
–ແຜ່ນມາສ໌ໜ້າ ແບບສາວເກົາຫລີມີຫລາຍແບບຫລາຍສູດໃຫ້ເລືອກໃຊ້ ຈົນບາງທີຈົນເລືອກບໍ່ຖືກແຕ່ແຜ່ນມາສ໌ກຂອງເກົາຫລີສ່ວນໃຫຍ່ຈະປະສົມສານບຳລຸງຜິວຈາກທຳມະຊາດ ຢ່າງສະມຸນໄພໂສມ ຂອງເກົາຫລີ ແລະ ພືດຊະນິດອື່ນອີກຫລວງຫລາຍທີ່ມີປະໂຫຍດຕໍ່ຜິວ ເວລາວາງແຜ່ນມາສ໌ລົງໄປເທິງໜ້າແລ້ວ ໃຫ້ປະໄວ້ປະມານ5-10 ນາທີຈາກນັ້ນເມື່ອນຳແຜ່ນມາສ໌ອອກແລ້ວຢ່າຟ້າວລ້າງໜ້າທັນທີແຕ່ໃຫ້ນວດຜິວໜ້າເບົາໆ ເພື່ອໃຫ້ສານບຳລຸງທີ່ຢູ່ເທິງໃບໜ້າໃຫ້ຊຶມຊາບລົງສູ່ຜິວໃຫ້ໝົດຈະເຮັດ 2 ຄັ້ງຕໍ່ອາທິດ ຫລື ມື້ເວັ້ນມື້ກໍໄດ້
-ແຜ່ນມາສ໌ກ້ອງຕາ ຄົນເຮັດວຽກໜັກຈົນນອນດຶກ ຈົນກ້ອງຕາຄ້ຳເປັນໝີແພນດ້າ ກໍຄວນບຳລຸງຮອບດວງຕາດ້ວຍແຜ່ນມາສ໌ ແຕ່ບໍ່ຕ້ອງສົງໄສວ່າຈະເອົາມາສ໌ໜ້າມາມາສ໌ກກ້ອງຕາໄດ້ແນວໃດ ເພາະດ໋ຽວນີ້ມີແຜ່ນມາສ໌ສຳຫຣັບກ້ອງຕາ ທີ່ມີຄວາມໂຄ້ງຮັບກັບຮູບດວງຕາມາຂາຍໂດຍສະເພາະ ລອງເລືອກມາໃຊ້ເພື່ອປັບໃຫ້ຜິວຮອບດວງຕາສົດໃສຂາດຄວາມໝອງຄ້ຳກັນ
-ແຜ່ນມາສ໌ປາກ ຫາກຕ້ອງການມີຮີມສົບນຸ່ມຊຸ່ມຊື້ນໜ້າສຳພັດ ພຽງທາລິບບາລ໌ມບຳລຸງຢ່າງດຽວຄົງບໍ່ພໍ ແຕ່ຄວນໃຊ້ແຜ່ນມາສ໌ສຳຫລັບປາກໂດຍສະເພາະ ມາສ໌ປາກປະໄວ້ປະມານ 15-20 ນາທີພຽງເທົ່ານີ້ຄວາມແຫ້ງກ້ານຂອງຮິມສົບທີ່ມີກໍຈະໝົດໄປ ກັບກາຍເປັນໄດ້ຮິມສົບປາກຊຸ່ມຊື້ນມາແທນ
-ແຜ່ນມາສ໌ບຳລຸງເລັບ ເຖິງວ່າເລັບຈະເປັນສ່ວນທີ່ຄົນພາຍນອກບໍ່ໄດ້ສັງເກດເທົ່າໃດ ແຕ່ເລັບທີ່ແຫ້ງບໍ່ໄດ້ຮັບການບຳລຸງກໍອາດເຮັດໃຫ້ຄົນອື່ນຄິດວ່າເຈົ້າເຖົ້າກວ່າໄວໄດ້ ທາງທີ່ດີມາມາສ໌ບຳລຸງເລັບແບບສາວເກົາຫລີກັນ ໂດຍມາສ໌ເຫລັບຈະມາໃນແບບຄ້າຍຖົງມື ໃຫ້ເຈົ້າສອດນິ້ວເຂົ້າໄປໄດ້ເລີຍແລ້ວປະເອົາໄວ້ ສານບຳລຸງຈະຊ່ວຍໃຫ້ເລັບທີ່ແຫ້ງກັບຊຸ່ມຊື້ນໃນພິບຕາ ຫາກຂີ້ຄ້ານພົກພາຄີມທາມືໃຫ້ຫຍຸ້ງຍາກກໍໃຊ້ວິທີນີ້ຄັກຫລາຍ
-ແຜ່ນມາສ໌ອົບດວງຕາ ເມື່ອອາຍຸເພີ່ມຫລາຍຂຶ້ນ ຜູ້ຍິງຫລາຍຄົນອາດກັງວົນວ່າຈະເກີດຣິ້ວຮອຍຮອບດວງຕາກັນແລ້ວ ສະນັ້ນເພື່ອປ້ອງກັນບໍ່ໃຫ້ຮິ້ວຮອຍເຫລົ່ານັ້ນ ໃຫ້ມາສ໌ອົບດວງຕາທີ່ມີປະສິດທິພາບໃນການຕໍ່ຕ້ານອະນຸມູນອິດສະຫລະມາມາສ໌ ຈະຊ່ວຍເຮັດໃຫ້ດວງຕາຂອງຊຸ່ມຊື້ນສົດໃສຂາດຣິ້ວຮອຍຫລາຍ ບໍ່ແປກໃຈເລີຍທີ່ສາວເກົາຫລີຫລາຍຄົນເບິ່ງໜ້າອ່ອນກວ່າໄວ ເພາະກ້ອງຕາພວກເຂົາບໍ່ມີຣິ້ວຮອຍນີ້ເອງ