ການສຳພາດນີ້ແມ່ນ ເປັນການນຳສະເໜີບັນຍາກາດ ໃນໂຮງຮຽນເມື່ອມີຂ່າວລືວ່າຂໍ້ສອບຮົ່ວ ເພື່ອຢາກໃຫ້ຜູ້ອ່ານຜູ້ຊົມ ໄດ້ຮູ້ທຸກແງ່ມຸມຂອງຂ່າວ ເຊິ່ງຄວາມຈິງແທ້ໆ ນັ້ນມັນບໍ່ຄືທີ່ສັງຄົມເຂົ້າໃຈກໍໄດ້. ມັນອາດຈະເປັນໄປໄດ້ວ່າ ຂ່າວລືວ່າຂໍ້ສອບຮົ່ວນັ້ນ ຄົງຈະເປັນການເຂົ້າໃຈຜິດກໍໄດ້ ເພາະກ່ອນຈະຮອດມື້ເສັງ ຫຼືໃນໄລຍະຄົ້ນຄວ້າບົດຮຽນ ແຕ່ລະໂຮງຮຽນຈະອອກຂໍ້ສອບພາງ ຫຼືຂໍ້ສອບທົດລອງເພື່ອໃຫ້ນັກຮຽນ ໄດ້ໄປຄົ້ນຄວ້າ ເຊິ່ງມີໂອກາດທີ່ຂໍ້ສອບພາງ (ຂໍ້ສອບເພື່ອຄົ້ນຄວ້າ) ມີບາງຂໍ້ ຫຼືຫຼາຍຂໍ້ກົງກັນກັບ ຂໍ້ສອບຈາກສູນກາງ.
