ສຳນັກຂ່າວຕ່າງປະເທດ ລາຍງານໃນວັນທີ 26 ມິຖຸນານີ້ ໂດຍອ້າງບົດວິເຄາະສະບັບລ່າສຸດຂອງ ອີໂຄໂນມິສຕ໌ ອິນເທລິເຈັນ ຢູນິດ (Economist Intelligence Unit) ຫລື EIU ເຊິ່ງເປັນສື່ດັງດ້ານການວິເຄາະເສດຖະກິດ ຕັ້ງຢູ່ນະຄອນຫລວງລອນດອນ ປະເທດອັງກິດ ໄດ້ຄາດການວ່າ ປະເທດສາທາລະນະລັດປະຊາຊົນຈີນ ຈະໃຊ້ເວລາພຽງ 11 ປີເທົ່ານັ້ນ ຫລື ພາຍໃນປີ 2026 ນີ້ ກໍຈະສາມາດກ້າວແຊງໜ້າສະຫະລັດອາເມຣິກາ ຂຶ້ນເປັນດິນແດນທີ່ມີຂະໜາດຂອງເສດຖະກິດໃຫຍ່ທີ່ສຸດຂອງໂລກໄດ້ ແລະ ຫລັງຈາກນັ້ນ ພາຍໃນປີ 2050 ເສດຖະກິດຂອງຈີນ ກໍຈະເຕີບໂຕມີມູນຄ່າສູງສຸດເຖິງ 105 ລ້ານລ້ານໂດລາສະຫະລັດ ເຊິ່ງທຽບຍອດການເຕີບໂຕສູງກ່ວາເສດຖະກິດຂອງສະຫະລັດອາເມຣິກາເຖິງ 1.5 ເທົ່າ ໂດຍສະຫະລັດອາເມຣິກາເອງ ຈະຢູ່ທີ່ລະດັບ 71 ລ້ານລ້ານໂດລາເທົ່ານັ້ນ.