ສຳນັກຂ່າວຕ່າງປະເທດ ລາຍງານໃນວັນທີ 25 ມິຖຸນານີ້ວ່າ ຫລັງຈາກປະເຊີນກັບສະພາບອາກາດທີ່ແຫ້ງແລ້ງຈັດ ຢູ່ລັດກາລິຟໍເນຍ ສະຫະລັດອາເມຣິກາ ແມ່ນໄດ້ເຮັດໃຫ້ເກີດມີໄຟປ່າໄໝ້ລາມ ຢູ່ຕາມພູໃນເມືອງຊານຕາ ແຄລິຕາ ລັດກາລິຟໍເນຍ ໂດຍໄຟໄດ້ລຸກໄໝ້ລາມເຂົ້າມາໃນເຂດພື້ນທີ່ຊຸມຊົນທີ່ຢູ່ອາໄສ ຈົນເຮັດໃຫ້ເຈົ້າໜ້າທີ່ທາງການຂອງສະຫະລັດອາເມຣິກາ ເຊິ່ງປະກອບມີເຈົ້າໜ້າທີ່ດັບເພີງ ແລະ ຕຳຫລວດ ໄດ້ລະດົມກຳລັງ ເລັ່ງສີດນ້ຳດັບໄຟ ແລະ ອຳນວຍຄວາມສະດວກໃຫ້ແກ່ປະຊາຊົນ ແລະ ບາງພື້ນທີ່ທາງການຈຳຕ້ອງໄດ້ອົບພະຍົບປະຊາຊົນ ອອກຈາກເຮືອນຊານຂອງຕົນ ໄປຢູ່ເຂດທີ່ປອດໄພກ່ອນ.