ພໍ່ລູກອ່ອນຊາວອູແກຣນ ຕື່ນເຕັ້ນຢາກເຫັນໜ້າລູກເກີດໃໝ່ ແຕ່ຖືກໂຮງໝໍຫ້າມຢ້ຽມ ຈິ່ງຈ້າງລົດເຄນຍົກຂຶ້ນໄປສ່ອງເບິ່ງໜ້າລູກທາງປ່ອງຢ້ຽມຂອງໂຮງໝໍ ກ່ອນທີ່ຈະຖືກເຈົ້າໜ້າທີ່ໄລ່ລົງມາ.
ສຳນັກຂ່າວຕ່າງປະເທດ ລາຍງານໃນວັນທີ 22 ມິຖຸນາຜ່ານມານີ້ວ່າ ພໍ່ລູກອ່ອນລາຍດັ່ງກ່າວແມ່ນເປັນຊາວອູແກຣນ ເຊິ່ງບໍ່ມີການເປີດເຜີຍເຖິງຊື່ຂອງລາວແຕ່ຢ່າງໃດ ລາວໄດ້ຕັດສິນໃຈຈ້າງລົດເຄນເຂົ້າມາໃນເດີ່ນໂຮງໝໍແຫ່ງໜຶ່ງ ເພື່ອຍົກລາວຂຶ້ນໄປຮຽງປ່ອງຢ້ຽມຊັ້ນສອງຂອງໂຮງໝໍ ສຳລັບຈອບເບິ່ງໜ້າລູກຂອງລາວທີ່ຫາກໍເກີດໃໝ່ ຍ້ອນໂຮງໝໍຫ້າມບໍ່ໃຫ້ພໍ່ເຂົ້າໄປພາຍໃຕຕຶກ ຈົນກ່ວາຈະໄດ້ຮັບອະນຸຍາດ ເນື່ອງຈາກເປັນປະເພນີຂອງຊາວອູແກຣນທີ່ສືບທອດກັນມາ ເພາະເຊື່ອວ່າຈະເຮັດໃຫ້ເກີດໂຊກຮ້າຍ ແລະ ບໍ່ເປັນທີ່ຍອມຮັບຂອງສັງຄົມ.
ແນວໃດກໍຕາມ ພາຍຫລັງພາບດັ່ງກ່າວນີ້ໄດ້ຖືກເຜີຍແຜ່ ກໍໄດ້ສ້າງຄວາມປິຕິຊື່ນຊົມຈາກຄົນທັງໂລກ ຕໍ່ກັບຄວາມພະຍາຍາມຂອງລາວໃນຄັ້ງນີ້ ເຖິງແມ່ນວ່າລາວຈະໄດ້ເຫັນໜ້າລູກພຽງບໍ່ພໍເທົ່າໃດນາທີເທົ່ານັ້ນກໍຕາມ.
ທັງນີ້ ລາວໄດ້ເອົາດອກໄມ້ຍື່ນມອບໃຫ້ເມຍຂອງລາວພ້ອມ ກ່ອນທີ່ຈະຖືກເຈົ້າໜ້າທີ່ຂອງໂຮງໝໍ ສັ່ງໃຫ້ລົງມາ.
