spot_img
Homeຊີວິດແລະຄວາມຮັກຄວາມຫວັງສຸດທ້າຍທີ່ເຫຼືອຢູ່

ຄວາມຫວັງສຸດທ້າຍທີ່ເຫຼືອຢູ່

Published on

maxresdefault

ມີທຽນຢູ່ 4 ເຫຼັ້ມ ເຊິ່ງກຳລັງຈະມອດລົງ ບັນຍາກາດໃນຫ້ອງງຽບຈົນໄດ້ຍິນສຽງ ທຽນທັງ 4 ເຫຼັ້ມ ລົມກັນ

ທຽນເຫຼັ້ມທີ 1ເອີ່ຍປາກຂຶ້ນວ່າ ໂລກເຮົາເອົາແຕ່ຕໍ່ສູ້ຍາດແຍ້ງແຂ່ງຂັນ ຊິງດີຊິງເດັ່ນກັນ ມະນຸດຄິດແຕ່ຈະບຽດບຽນກັນ ບໍ່ມີໃຜຄິດຈະປົກປ້ອງຂ້ອຍເລີຍ ໃນຖານະທີ່ຂ້ອຍເປັນທຽນແຫ່ງສັນຕິພາບ ຂ້ອຍຄົງຕ້ອງຈາກໄປແລ້ວ ແລ້ວທຽນເຫຼັ້ມທີ 1 ກໍດັບມອດລົງ.

ທຽນເຫຼັ້ມທີ 2 ເອີ່ຍປາກຂຶ້ນວ່າ ສ່ວນຂ້ອຍຄືທຽນແຫ່ງຄວາມເຊື່ອ ຂ້ອຍຄົງໝົດປະໂຫຍດທີ່ຈະສ່ອງ ແສງສະຫວ່າງຕໍ່ໄປແລ້ວ ຄົນບໍ່ມີຄວາມເຊື່ອໃຈກັນເລີຍ ຈາກນັ້ນສາຍລົມອັນແຜ່ວເບົາກໍພັດທຽນ ເຫຼັ້ມທີ 2 ດັບມອດລົງ.

ທຽນເຫຼັ້ມທີ 3 ເອີ່ຍປາກຂຶ້ນວ່າ ສ່ວນຂ້ອຍຄືທຽນແຫ່ງຄວາມສຸກ ແຕ່ທຸກມື້ນີ້ ຜູ້ຄົນພັດເອົາຂ້ອຍອອກຈາກໃຈ ບໍ່ມີຄວາມຮັກອັນບໍລິສຸດມອບໃຫ້ກັນ ມີແຕ່ຄວາມເຫັນແກ່ໂຕ ບໍ່ມີໃຜເຂົ້າໃຈຄວາມສຳຄັນຂອງຂ້ອຍ ຂ້ອຍບໍ່ມີກຳລັງພໍທີ່ຈະສ່ອງສະຫວ່າງອອີກຕໍ່ໄປແລ້ວ ລາກ່ອນ ແລ້ວທຽນເຫຼັ້ມທີ 3 ກໍມອດລົງ.

ທຽນເຫຼັ້ມທີ 4 ບໍ່ທັນໄດ້ເອີ່ຍປາກຂຶ້ນ ກໍມີເດັກນ້ອຍເປີດປະຕູເຂົ້າມາໃນຫ້ອງ ເມື່ອເຫັນທຽນທັງ 3 ເຫຼັ້ມມອດລົງ ເດັກນ້ອຍກໍຮ້ອງໄຫ້ເສຍໃຈ ທຽນເຫຼັ້ມທີ 4 ເລີຍເວົ້າຂຶ້ນວ່າ “ຢ່າເສຍໃຈໄປເລີຍ ຂ້ອຍຄືທຽນແຫ່ງຄວາມຫວັງ ແລະຂ້ອຍຍັງສ່ອງສະຫວ່າງຢູ່ ຈັບຂ້ອຍແລ້ວໄປໄຕ້ທຽນທັງ 3 ເຫຼັ້ມແມ໋ະ !”

ເມື່ອເດັກນ້ອຍເອົາທຽນແຫ່ງຄວາມຫວັງ ໄປໄຕ້ທຽນທັງ 3 ເຫຼັ້ມ ແລ້ວທຽນແຫ່ງສັນຕິພາບ ທຽນແຫ່ງຄວາມເຊື່ອ ແລະທຽນແຫ່ງຄວາມຮັກກໍຮຸ່ງຂຶ້ນ.

ເພາະຄວາມຫວັງເຮັດໃຫ້ຊີວິດມີຄວາມໝາຍ ເພາະຄວາມຫວັງເຮັດໃຫ້ຄົນທີ່ນອນໂຊ ພິການຍັງສູ້ຊີວິດຕໍ່ ເພາະຄວາມຫວັງ ເຮັດໃຫ້ຄົນທີ່ກຳລັງປະເຊີນກັບສຶນາມິຂອງບັນຫາ ມີກຳລັງໃຈຢືນຢັດ ຍືນຍົງ ໝັ້ນຄົງຢູ່ໄດ້.

ເພາະສະນັ້ນ ເມື່ອໃດກໍຕາມ ທີ່ມີໃຜຈັກຄົນເລົ່າຄວາມຫວັງໃຫ້ເຮົາຟັງ ຂໍໃຫ້ຮູ້ວ່ານັ້ນອາດຈະເປັນດັ່ງ ທຽນເຫຼັ້ມສຸດທ້າຍ ແລະມັນອາດຈະເປັນຄວາມຫວັງ ທີ່ຫຼາຍກວ່າເພື່ອໂຕຂອງເຂົາເອງ.

ໜ້າທີ່ຂອງເຮົາຄື ບໍ່ວ່າເຮົາຈະຊ່ວຍໄດ້ຫຼືບໍ່ໄດ້ກໍຕາມ ຢ່າໄປດັບມອດຄວາມຫວັງ ຫຼືຄວາມຝັນຂອງໃຜ  ກະລຸນາຊ່ວຍກັນຮັກສາຄວາມຫວັງ ຂອງທຸກໆ ຄົນທີ່ຮູ້ຈັກ.

ເພາະນັ້ນອາດຈະເປັນຄວາມຫວັງສຸດທ້າຍ ຂອງໃຜບາງຄົນແລະອີກຫຼາຍໆຄົນ ທີ່ຢູ່ອ້ອມຂ້າງ ຈົ່ງເປັນຄວາມຫວັງແລະກຳລັງໃຈ ແກ່ຄົນທີ່ເຮົາຮັກແລະບຸກຄົນອ້ອມຂ້າງ.

ບົດຄວາມຫຼ້າສຸດ

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...

ຄາດວ່າຈະສຳເລັດໃນຕົ້ນປີ 2026 ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄືບໜ້າແລ້ວ 89.57%

ໂຄງການ ກໍ່ສ້າງໂຮງງານບໍາບັດນໍ້າເປື້ອນ ນວ ລະບົບສະຖານີປ້ຳ ແລະ ສາຍທໍ່ສົ່ງນ້ຳເປື້ຶອນ ຄາດຕົ້ນປີ 2026 ຈະສໍາເລັດ ແລະ ເປີດນໍາໃຊ້ຢ່າງເປັນທາງການ. ໂຄງການ ກໍ່ສ້າງໂຮງງານບໍາບັດນໍ້າເປື້ອນນະຄອນຫຼວງວຽງຈັນ ເປັນໂຄງການໜຶ່ງທີ່ຈະຊ່ວຍໃນການປຸງປັບລະບົບສິ່ງແວດລ້ອມ,ໂດຍສະເພາະແມ່ນ ບັນຫາສິ່ງແວດລ້ອມນໍ້າ,...