ຄວາມ​ຄຽດບໍ່​ເຂົ້າ​ໃຜ​ອອກ​ໃຜແລະ​ເກີດ​ຂຶ້ນ​ໄດ້​ຕະຫລອດ​ເວລາໂດຍ​ສະເພາະ​ໄລຍະ​ສອບເສັງຊຶ່ງ​ເປັນ​ໄລຍະ​ເຄັ່ງ​ຄຽດ​ກັບ​ການ​ອ່ານ​ຫນັງສື​ກຽມ​ໂຕ​ສອບເສັງ​ຂອງ​ນັກ​ສຶກ​ສາ​ຈຳນວນ​ບໍ່​ຫນ້ອຍແລະ​ກາຍ​ເປັນ​ປະ​ເດັນ​ບັນຫາ​ທີ່​ທາ​ງສະຫະພັນ​ນັກ​ສຶກ​ສາ​ຂອງ​ມະຫາ​ວິທະຍາ​ໄລ​ເຊນ​ຊັນແລງ​ຄາ​ເຊຍທີ່​ອັງ​ກິດຄິດ​ຫາ​ທາງ​ອອກ​ດ້ວຍ​ການ​ຈັດ​ໂຄງ​ການ​ຊື່​ວ່າ Stressed Out Studentsຫລື​ເອີ້ນວ່າ​ຫຍໍ້​ວ່າ​ເອດ​ໂອ​ເອດ(SOS)ເພື່ອ​ຊ່ວຍ​ນັກ​ສຶກ​ສາ​ຜ່ອນຄາຍ​ໃນ​ໄລຍະ​ສອບເສັງດ້ວຍ​ການ​ເປີດ​ຫ້ອງ​ພິເສດ​ໃຫ້​ນັກ​ສຶກ​ສາ​ເຂົ້າ​ມາກອດ    ​ໝາຫລິ້ນ​ກັບ​ໝາເພື່ອຜ່ອນຄວາມຄຽດ​

ທັງ​ນີ້ຈາກ​ຂ່າວ​ເລົ່າ​ວ່າ​ສະ​ຫະພັນ​ນັກ​ສຶກ​ສາ​ໄດ້​ຕິດ​ຕໍ່​ຂໍ​ໝາ​ຈາກ​ອົງກອນ​ການ​ກຸ​ສົນ​ຊື່​ວ່າ ເດິໄກດອກໃຫ້​ຈັດ​ສົ່ງ​ໝາ​ມາ​ທີ່​ມະຫາ​ວິທະຍາ​ໄລ​ໃນ​ວັນທີ່ 7 ພຶດສະພາພາຍໃຕ້​ເງື່ອນ​ໄຂ​ວ່າ​ນັກ​ສຶກ​ສາ​ທີ່​ຕ້ອງ​ການ​ເຂົ້າໄປ​ຫລິ້ນ​ກັບ​ໝາຕ້ອງ​ບໍລິຈາກ​ເງິນ​ໃຫ້​ກັບ​ເດິໄກດອກຄົນ​ລະ 1.5 ປອນຫລື​ປະມານ 18 ພັນກີບ

ແລະເພື່ອ​ເປັນ​ການ​ປ້ອງ​ກັນ​ບໍ່​ໃຫ້​ໝາ​ຄຽດທາ​ງອົງ​ກອນ​ໄກດອກກໍ​ກຳນົດ​ເວລາ​ໃຫ້​ໝາ​ຫລິ້ນ​ກັບ​ນັກ​ສຶກ​ສາ3ຊົ່ວ​ໂມງແລ້ວ​ກໍ​ຕ້ອງ​ຢຸດ​ພັກຊຶ່ງ​ຂ່າວ​ເລົ່າ​ວ່າ​ງານ​ນີ້​ມີ​ນັກ​ສຶກ​ສາ​ຈອງ​ຄິວ​ກັນ​ຍາວ​ເລີຍ