spot_img
Homeຂ່າວການພັດທະນາສື່ອອນລາຍພວມມີອິດທິພົນໃນສັງຄົມ ຜູ້ເສບສື່ຕ້ອງຮູ້ຈັກໄຈ້ແຍກ!

ສື່ອອນລາຍພວມມີອິດທິພົນໃນສັງຄົມ ຜູ້ເສບສື່ຕ້ອງຮູ້ຈັກໄຈ້ແຍກ!

Published on

facebook

ວິວັດທະນາການຂອງສັງຄົມໄດ້ມີການພັດທະນາໄປຢ່າງກ້າວກະໂດດ, ໂດຍສະ ເພາະພາຍຫລັງກ້າວເຂົ້າສູ່ສັດຕະ ວັດໃໝ່ທີ 21 ມານີ້, ໃນນັ້ນຂົງເຂດ ວຽກງານສື່ ສານມວນຊົນຂໍ້ມູນຂ່າວສານແມ່ນມີການພັດທະນາວ່ອງ ໄວທີ່ສຸດຈົນສາມາດ ເຮັດໃຫ້ພວກເຮົາຮັບຮູ້ການເຄື່ອນໄຫວປ່ຽນແປງຂອງສັງຄົມໄດ້ຕະຫລອດເວລາ ທັງໃນປັດຈຸບັນ ແລະ ອະນາຄົດ. ໃນຕົວຈິງ ແລ້ວ“ ສື່ ” ແມ່ນເຄື່ອງມືທີ່ສະທ້ອນ ໃຫ້ເຫັນພາບການເຄື່ອນໄຫວຕົວຈິງຂອງສັງຄົມ ແລະ ມີອິດທິພົນຕໍ່ສັງຄົມບໍ່ໜ້ອຍ, ປະ ເທດລາວເຮົາ, ກໍຄືກັບຫລາຍໆປະເທດໃນໂລກທີ່ໃຫ້ຄວາມສຳຄັນໃນການນຳ ໃຊ້ສື່ມວນຊົນເປັນເຄື່ອງມືໃນ ການໂຄສະນາ ເຜີຍແຜ່ແນວທາງນະໂຍບາຍຂອງພັກ,ລະບຽບກົດໝາຍຂອງລັດ ແລະ ການ ເຄື່ອນໄຫວດ້ານຕ່າງໆຂອງສັງຄົມ ແລະ ປັດຈຸບັນນີ້, ການພັດທະນາຂອງສື່ສັງຄົມອອນລາຍເຊັ່ນ: ເຟສບຸກ, ອິນເຕິເນັດ, ຢູທຸບ, ທະວິດເຕີ ແລະ ອື່ນໆ, ພວມກາຍເປັນ ເຕັກໂນໂລຊີທີ່ທັນສະໄໝເຂົ້າມາມີບົດບາດສຳຄັນຕໍ່ການດຳລົງຊີວິດຂອງຄົນ ເພື່ອໃຫ້ເຂົ້າເຖິງແຫລ່ງຂໍ້ມູນຂ່າວສານຢ່າງງ່າຍດາຍ, ບໍ່ວ່າຈະຢູ່ມູມໃດຂອງໂລກແມ່ນສາມາດຕິດຕໍ່ສື່ສານ,ແລກປ່ຽນ ຂໍ້ມູນຂ່າວສານເຊິ່ງກັນ ແລະ ກັນຢ່າງວ່ອງໄວພຽງ ແຕ່ເຊື່ອມຕໍ່ລະບົບອີນເຕີເນັດກໍສາມາດສ້າງສັງຄົມໃໝ່ຂື້ນມາໃນໂລກອອນລາຍໄດ້,ແຕ່ສິ່ງດັ່ງກ່າວນີ້ມັນມີທັງດ້ານບວກ ແລະ ດ້ານລົບຂອງມັນຄື:ການນຳສະເໜີເຫດການວຽກດີຄົນເດັ່ນ, ການລາຍງານປາກົດການຫຍໍ້ທໍ້ໃນສັງຄົມ, ເປັນເວທີສະແດງ ຄວາມຄິດເຫັນຕໍ່ການບໍລິຫານ, ການຄຸ້ມຄອງນັບທັງພາກລັດ ແລະ ເອກະຊົນເພື່ອໃຫ້ມີການປັບປຸງວຽກງານ ຫລື ການບໍລິ ການດີຂຶ້ນ, ດັ່ງຕົວຢ່າງເກີດຂຶ້ນເມື່ອບໍ່ດົນນີ້, ມີຜູ້ຍິງຄົນໜຶ່ງໄດ້ນຳສະເໜີວີດີໂອຄວາມຄິດເຫັນຂອງຕົນຕໍ່ຂອດການບໍລິການ ຂອງແພດໝໍຈຳນວນໜຶ່ງຢູ່ໂຮງໝໍຂອງລັດບາງແຫ່ງວ່າບໍ່ທັນເອົາໃຈໃສ່ຕໍ່ການເບິ່ງແຍງຄົນເຈັບດີເທົ່າທີ່ຄວນ, ໂດຍສະເພາະ ຄົນເຈັບທີ່ທຸກຍາກແມ່ນບໍ່ຄ່ອຍມີແພດໝໍສົນໃຈ,ແຕ່ຄົນເຈັບທີ່ອ້າວມີຖານະດີແດ່ກໍແມ່ນຍາດກັນເບິ່ງ, ຕໍ່ກັບວີດີໂອດັ່ງກ່າວໄດ້ ເຮັດໃຫ້້ພາກສ່ວນກ່ຽວຂ້ອງກໍໄດ້ອອກມາຊີ້ແຈງ ແລະ ຍອມຮັບການ ປັບປຸງ ແລະ ຕ້ອງໄດ້ແນະນຳໃຫ້ບັນດາໂຮງໝໍຕິດເລກ ໝາຍໂທລະສັບຂອງໜ່ວຍງານຮັບຜິດຊອບ, ສຳລັບໃຫ້ຍາດພີ່ນ້ອງຄົນເຈັບໂທແຈ້ງຖ້າພົບກໍລະນີບໍລິການບໍ່ດີຂອງແພດໝໍ ດັ່ງນີ້ເປັນຕົ້ນ ແລະ ຄຽງຄູ່ກັບດ້ານດີທີ່ກ່າວມານັ້ນ, ການໃຊ້ສື່ອອນລາຍທີ່ຂາດການຢັບຢັ່ງສັ່ງໃຈ, ຂາດການພິຈາລະນາ ຢ່າງຖີ່ຖ້ວນຮອບຄອບ ແລະ ຂາດຈັນຍາບັນ ເຊັ່ນ: ມີການເອົາຮູບພາບທີ່ບໍ່ເໝາະສົມ, ລາມົກອານາຈານ, ບໍເຄົາລົບຕໍ່ສິດທິ ຂອງຜູ້ເສຍຫາຍ, ບຸກຄົນອື່ນ ແລະ ມີການສະແດງຄວາມຄິດເຫັນທີ່ບໍ່ສ້າງສັນໃສ່ຮ້າຍປ້າຍສີຜູ້ອື່ນ ແລະ ສົ່ງຜົນເສຍຫາຍ ຫລາຍຢ່າງຕາມມາ, ບາງຄັ້ງອາດກາຍເປັນການສ້າງຂໍ້ຄັດແຍງທີ່ຮ້າຍແຮງແກ່ສັງຄົມຂຶ້ນເລື້ອຍໆຄື: ເມື່ອບໍ່ດົນນີ້, ມີສື່ມວນ ຊົນຢູ່ປະເທດໃກ້ຄຽງໄດ້ໃຫ້ທັດສະນະວ່າ: ປັດຈຸບັນ, ສື່ສັງຄົມອອນລາຍ, ມັນໄດ້ທຳລາຍສິ່ງທີ່ປິດກັ້ນ ແລະ ຂໍ້ຈຳກັດຂອງ ການສື່ສານໃນຫລາຍປະເທດ, ຂະນະດຽວກັນມັນໄດ້ສ້າງຮູບແບບໃໝ່ໃນການນຳສະເໜີຂ່າວທີ່ປ່ຽນແປງຈາກອະດິດ ເຊັ່ນ: ໃນອະດີດເມື່ອມີເຫດການເກີດຂຶ້ນຕ້ອງລໍຖ້າໃຫ້ນັກຂ່າວເປັນຜູ້ນຳສະເໜີຂ່າວຜ່ານສື່ຕ່າງໆ, ແຕ່ປັດຈຸບັນທຸກຄົນແມ່ນສາມາດ ລາຍງານເຫດການທີ່ເກີດຂຶ້ນກັບທີ່ຜ່ານລະບົບອອນລາຍຂອງຕົນທັນທີ, ເຊິ່ງບາງຄັ້ງຜູ້ທີ່ໃຊ້ສື່ອອນລາຍນັ້ນຍັງບໍ່ຮູ້ວ່າສິ່ງທີ່ ຕົນນຳສະເໜີນັ້ນມີຄວາມເປັນຈິງຊຳໃດ?ອາດກໍໃຫ້ເກີດສິ່ງທີ່ຜິດພາດກໍເປັນໄດ້.

ດັ່ງນັ້ນ, ຜູ້ບໍລິໂພກສື່ອອນລາຍກໍຕ້ອງຮູ້ຈັກເບິ່ງ, ຕ້ອງຈຳແນກອັນໃດຖືກ, ອັນໃດຜິດ, ອັນໃດດີ ຫລື ບໍ່ດີເຫລົ່ານີ້ເປັນຕົ້ນ ແລະ ຂະນະດຽວກັນຜູ້ນຳໃຊ້ສື່ດັ່ງກ່າວກໍຕ້ອງມີຈັນຍາບັນ ແລະ ເພີ່ມຄວາມຮັບພິຊອບຂອງຕົນຕໍ່ສິ່ງທີ່ໄດ້ກະທຳໃຫ້ມີຜົນປະ ໂຫຍດຕໍ່ຊາດ ແລະ ສັງຄົມແມ່ນຈະເປັນການດີສຸດເພື່ອພວກເຮົາໄດ້ຢູ່ຮ່ວມກັນດ້ວຍຄວາມຜາສຸກ.

 

ແຫລ່ງຂ່າວ: ລາວພັດທະນາ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...