ຂຶ້ນຊື່ວ່າເນີຍສາວໆບາງຄົນຕ້ອງບໍ່ເລືອກກິນແນ່ນອນເພາະວ່າຢ້ານຕຸ້ຍແຕ່ສາວໆຮູ້ບໍວ່າມັນມີເນີຍຢູ່ຊະນິດໜຶ່ງທີ່ສາມາດກິນໄດ້ທັງໃຫ້ປະໂຫຍດແລະຊ່ວຍຮັກສາສຸຂະພາບນັ້ນກໍຄືເນີຍຖົ່ວນັ້ນເອງ
ເນີຍຖົ່ວເປັນອາຫານທີ່ອຸດົມໄປດ້ວຍໂປຕີນເວລາທີ່ເຮົາກິນເນີຍຖົ່ວນັ້ນເຮົາຈະຮູ້ສຶກອີ່ມທ້ອງໄດ້ດົນຂຶ້ນເພາະເນີຍຖົ່ວຈະສາມາດຫລຸດຄວາມຢາກອາຫານລົງໄດ້ແທ້ໆແລ້ວເນີຍຖົ່ວອາດຈະເບິ່ງມີແຄລໍລີ່ທີ່ສູງແລະມີໄຂມັນຫລາຍແຕ່ໄຂມັນທີ່ຢູ່ໃນເນີຍຖົ່ວນັ້ນເປັນໄຂມັນດີທີ່ເປັນປະໂຫຍດຕໍ່ຮ່າງກາຍເພາະມັນເປັນໄຂມັນທີ່ບໍ່ອີ່ມໂຕໄຂມັນພວກນີ້ຈະເຂົ້າໄປໃນເສັ້ນເລືອດຂອງເຮົາແລະໄປຈັບກ້ອນໄຂມັນໃນເສັ້ນເລືອດທີ່ຕົກຄ້າງຢູ່ຊຶ່ງເມື່ອເລືອດຂອງເຮົາໄຫລໄດ້ຄ່ອງຂຶ້ນກໍຈະເຮັດໃຫ້ຫລຸດໂອກາດໃນການເປັນພະຍາດໄຂມັນອຸດຕັນໃນເສັ້ນເລືອດຫລຸດໂອກາດໃນການເປັນພະຍາດຄວາມດັນແລະພະຍາດຫົວໃຈໄດ້ນໍາອີກ
ເນີຍຖົ່ວນັ້ນມີປະໂຫຍດຕໍ່ສຸຂະພາບຢ່າງຫລວງຫລາຍເຮົາສາມາດນຳມາກິນເປັນອາຫານເຊົ້າຫລືກິນຫລິ້ນກັບຂະໜົມປັງແຄັກເກີແລ້ວຄຽງຄູ່ໄປກັບການອອກກຳລັງກາຍແຕ່ກໍບໍ່ໄດ້ໝາຍຄວາມວ່າຈະກິນເນີຍຖົ່ວໃນປະລິມານຫລາຍໆໄດ້ທຸກມື້ບໍ່ເຊັ່ນນັ້ນແລ້ວແຜນການຫລຸດຄວາມຕຸ້ຍຕ້ອງກາຍເປັນສູນແນ່ນອນ