spot_img
Homeຂ່າວເຫດການແຂວງບໍລິຄຳໄຊ ຈັດພິທີມອບ – ຮັບໜ້າທີ່! ” ດຣ. ກອງແກ້ວ ໄຊສົງຄາມ ” ເປັນເຈົ້າແຂວງຜູ້ໃໝ່!

ແຂວງບໍລິຄຳໄຊ ຈັດພິທີມອບ – ຮັບໜ້າທີ່! ” ດຣ. ກອງແກ້ວ ໄຊສົງຄາມ ” ເປັນເຈົ້າແຂວງຜູ້ໃໝ່!

Published on

mop-hup

ພິທີມອບ-ຮັບໜ້າທີ່ເຈົ້າແຂວງບໍລິຄຳໄຊລະຫວ່າງທ່ານ ປ້ານ ນ້ອຍມະນີ ເລຂາ ພັກແຂວງເຈົ້າແຂວງບໍລິຄຳໄຊຜູ້ເກົ່າ ແລະ ທ່ານ ດຣ ກອງແກ້ວ ໄຊສົງຄາມ ເຈົ້າ ແຂວງຜູ້ໃໝ່ ໄດ້ມີຂຶ້ນໃນວັນທີ 28 ພຶດສະພານີ້ ຢູ່ຫ້ອງວ່າການແຂວງບໍລິຄຳໄຊ ໂດຍການໃຫ້ກຽດເຂົ້າຮ່ວມຂອງຮອງນາຍົກລັດຖະມົນຕີ ອາຊາງ ລາວລີ ໂດຍປະ ຕິບັດຕາມລັດຖະດຳລັດຂອງປະທານປະເທດແຫ່ງ ສປປ ລາວ ວ່າດ້ວຍການແ ຕ່ງຕັ້ງເຈົ້າແຂວງບໍລິຄຳໄຊສະບັບເລກທີ 061 ລົງວັນທີ 29 ເມສາ 2015 ສຳລັບ ທ່ານ ປ້ານ ນ້ອຍມະນີ ແມ່ນຈະໄປຮັບໜ້າທີ່ໃໝ່ຢູ່ສູນກາງສະຫະພັນກຳມະບານລາວ.

ໃນໂອກາດນີ້, ທ່ານຮອງນາຍົກລັດຖະມົນຕີ, ກໍໄດ້ໃຫ້ກຽດໂອ້ລົມຊີ້ນຳວ່າ: ການສັບຊ້ອນໜ້າທີ່ຄັ້ງນີ້, ກໍເພື່ອປັບປຸງໂຄງ ຮ່າງການຈັດຕັ້ງດ້ານບຸກຄະລະກອນຂອງພັກ ແລະ ລັດນັບທັງສູນກາງ ແລະ ທ້ອງຖິ່ນໃຫ້ດີຂຶ້ນກວ່າເກົ່າ ແລະ ສິ່ງສຳຄັນແມ່ນ ອີງໃສ່ຄວາມຮຽກຮ້ອງຕ້ອງການຕົວຈິງຂອງໜ້າທີ່ການເມືອງໃນໄລຍະໃໝ່, ສະນັ້ນ ຈຶ່ງຂໍໃຫ້ຜູ້ທີ່ໄດ້ຮັບການແຕ່ງຕັ້ງເປັນເຈົ້າ ແຂວງບໍລິຄຳໄຊໃໝ່ນີ້, ຈົ່ງໄດ້ສືບຕໍ່ເອົາໃຈໃສ່ການຊີ້ນຳ-ນຳພາຄະນະພັກ-ຄະນະນຳຂອງແຂວງຂັ້ນຕ່າງໆດ້ວຍຄວາມຮັບຜິດ ຊອບສູງ, ເພີ່ມທະວີຄວາມເອົາໃຈໃສ່ວຽກງານສຶກສາອົບຮົມການເມືອງແນວຄິດໃຫ້ສະມາຊິກພັກ-ພະນັກ ານໃຫ້ເຊື່ອມຊຶມ ແນວທາງນະໂຍບາຍຂອງພັກຢ່າງໜັກແໜ້ນເຂັ້ມແຂວງເພື່ອພ້ອມກັນພັດທະນາສ້າງສາແຂວງບໍລິຄຳໄຊໃຫ້ມີຄວາມຈະເລີນຮຸ່ງເຮືອງຂຶ້ນເທື່ອລະກ້າວ.

 

ແຫລ່ງຂ່າວ: ລາວພັດທະນາ

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...