ນັກຮົບກຸ່ມໂບໂກຮາລາມ ບຸກຂ້າຊາວບ້ານຢ່າງໜ້ອຍ 43 ຄົນ ຢູ່ເມືອງກູບິໂອ ລັດບໍໂນ ທາງພາກຕາເວັນອອກສຽງເໜືອຂອງປະເທດໄນຈີເຣຍ ແບບບໍ່ເລືອກໜ້າ.
ສຳນັກຂ່າວຕ່າງປະທດ ລາຍງານໃນວັນທີ 27 ພຶດສະພານີວ່າ ເຫດການດັ່ງກ່າວເກີດຂຶ້ນ ໃນມື້ວັນທີ 23 ພຶດສະພາຜ່ານມານີ້ ໂດຍມີກອງກຳລັງໂບໂກຮາລາມ ຈຳນວນປະມານ 50 ຄົນ ມາເປັນຂະບວນລົດ ກ່ອນຈະບຸກໂຈມຕີເມືອງກູບິໂອ ໃຊ້ເວລາຢ່າງໜ້ອຍ 5 ຊົວໂມງ ແລ້ວທຳການກວາດຍິງ ແລະ ຂູ່ຂ້າທຸກຄົນ ຈາກນັ້ນກໍໄດ້ຈູດເຜົາບ້ານເຮືອນຫລາຍຫລັງ ເຜົາລົດຈັກ ແລະ ຈັບເອົາຊາວບ້ານໄປເຜົາທັງເປັນ ໂດຍມີຊາວບ້ານຖືກຂ້າໄປທັງໝົດ 43 ຄົນ ໃນນັ້ນແມ່ນລວມມີເດັກນ້ອຍຢູ່ນຳ 2 ຄົນ.