spot_img
Homeຂ່າວການພັດທະນາຍີ່ປຸ່ນໃຫ້ ລາວຢືມເງິນ 100 ລ້ານໂດລາອາເມລິກາ ສ້າງເດີ່ນຍົນໃຫມ່

ຍີ່ປຸ່ນໃຫ້ ລາວຢືມເງິນ 100 ລ້ານໂດລາອາເມລິກາ ສ້າງເດີ່ນຍົນໃຫມ່

Published on

11351218_915454121840352_6009580693434446501_n
ຍີ່ປຸ່ນປ່ອຍເງິນກູ້ດອກເບ້ຍຕ່ຳໃຫ້ ລາວ ເພື່ອສະຫນັບສະຫນູນການຂະຫຍາຍອາຄານຜູ້ໂດຍສານເດີ່ນຍົນວັດໄຕ ເພາະແຜນການຂະຫຍາຍອາຄານເພື່ອຮອງຮັບຈຳນວນຜູ້ໂດຍສານໃຫ້ໄດ້ 2-3 ລ້ານຄົນໃຫ້ໄດ້ໃນປີຫນ້າ ຫລັງຈາກເປີດສະມາຄົມອາຊຽນ ເພາະປະຈຸບັນຮອງຮັບໄດ້ພຽງ 1 ລ້ານຄົນເທົ່ານັ້ນ
ກະຊວງໂຍທາທິການແລະຂົນສົ່ງຂອງກົມການບິນພົນລະເຮືອນ ສປປລາວ ເປີດເຜີຍວ່າ ລັດຖະບານລາວ ກະກຽມທີ່ຈະເລິ່ມດຳເນີນການກໍ່ສ້າງໃນໂຄງການຂະຫຍາຍຕຶກອາຄານຜູ້ໂດຍສານລະຫວ່າງປະເທດໃຫມ່ ທີ່ເດີ່ນບິນສາກົນວັດໄຕ ນະຄອນຫລວງວຽງຈັນ ໃນໄລຍະຕົ້ນປີຫນ້ານີ້ ໂດຍຈະໄດ້ຮັບການສະຫນັບສະຫນູນທາງການເງິນຈາກລັດຖະບານຍີ່ປຸ່ນ ທີ່ປ່ອຍກູ້ສິນເຊື່ອຕ່ຳ ແລະໄດ້ບໍລິສັດຈາກຍີ່ປຸ່ນມາຄວບຄຸມການກໍ່ສ້າງ ເຊິ່ງຈະໃຫ້ແລ້ວພາຍໃນ 3 ປີ ແລະຈະຕ້ອງໄດ້ມ້າງພື້ນທີ່ຂອງອາຄານຜູ້ໂດຍສານພາຍໃນປະເທດຫລັງເກົ່າແລະກໍ່ສ້າງໃນພຶ້ນທີ່ໃຫມ່ ແລະຈະໃຊ້ພຶ້ນທີ່ດັ່ງກ່າວຂະຫຍາຍອາຄານຜູ້ໂດຍສານສາກົນ ເຊິ່ງການດຳເນີນການຈະເຮັດໃຫ້ແລ້ວໃນເວລາດຽວກັນເລີຍ
ລັດຖະບານລາວ ປະເມີນວ່າ ຕຶກອາຄານສາກົນໃຫມ່ນີ້ຈະຮອງຮັບຜູ້ໂດຍສານຫລາຍຂຶ້ນກວ່າແຕ່ເກົ່າ ຕັ້ງແຕ່ 2 ຫາ 3 ລ້ານຄົນ/ປີ ກົມການບິນພົນລະເຮືອນ ຄາດການວ່າຕຶກອາຄານຜູ້ໂດຍສານປະຈຸບັນນີ້ແມ່ນສາມາດຮອບຮັບໄດ້ທີ່ 1 ລ້ານຄົນ ເຊິ່ງຍັງບໍ່ເຖິງກັບວ່າແອອັດຫລາຍຈົນເກີນໄປ ແຕ່ໃນອະນາຄົດ ເດີ່ນຍົນແຫ່ງນີ້ຈະກາຍເປັນ 1 ໃນເດິ່ນຍົນທີ່ຄັບແຄບທີ່ສຸດ
ແນ່ນອນວ່າການຈະເລີນເຕີບໂຕຂອງເສດຖະກິດໃນພູມມີພາກອາຊຽນີ້ ຈະເຮັດໃຫ້ລາວໄດ້ຮັບຜົນປະໂຫຍດທີ່ສຸດ ແລະເດິ່ນຍົນແຫ່ງນີຈະກາຍເປັນຈຸດທຳອິດທີໄດ້ຮັບປະໂຫຍດຢ່າງມະຫາສານຕໍ່ເສດຖະກິດ ອຸດສາຫະກຳ ແລະການທ່ອງທ່ຽວ
ນອກຈາກນີ້ ລາວຍັງມີແຜນການສ້າງເດີ່ນຍົນແຫ່ງໃຫມ່ຫ່າງໄປທາງທິດໃຕ້ 35 ກິໂລເຊິ່ງຫ່າງຈາກຕົວເມືອງວຽງຈັນໄປທາງໃຕ້ (ເສັ້ນທາງແຫ່ງຊາດ 13 ໃຕ້)ເຊິ່ງໂຄງການຍັງຢູ່ລະຫວ່າງການອະນຸມັດ ແຜນການຄືນທີ່ດິນ ແລະຄວາມເຫມາະສົມ ເຊິ່ງຢ່າງໄວທີ່ສຸດກໍ່ຈະເລິ່ນກໍ່ສ້າງປະມານປີ 2020 ແລະຕ້ອງເວລາກໍ່ສ້າງປະມານ 5 ປີ ເປັນຢ່າງຕໍ່າ ປະຈຸບັນ ລາວເຮົາມີເດີ່ນຍົນ 12 ແຫ່ງ ແລະມີແຕ່ 4 ແຫ່ງເທົ່ານັ້ນທີ່ຮັບເປັນເດິ່ນບິນສາກົນໄດ້ຮັບມາດຕະຖານ ພາຍໃຕ້ການຍອມຮັບຈາກອາຊຽນແລະມາດຕະຖານການໃຫ້ບໍລິການຕາມສາກົນ ສ່ວນອີກ 8 ແຫ່ງແມ່ນເດິ່ນບິນພາຍໃນປະເທດ ແລະມີທາງແລ່ນທີ່ສັ້ນ ແລະສາມາດຮັບຮອງຍົນແບບຫມາກປິ່ນ ທີ່ບັນຈຸບຜູ້ໂດຍສານໄດ້ບໍ່ເກີນ 70 ບ່ອນນັ່ງ ເທົ່ານັ້ນ.

ບົດຄວາມຫຼ້າສຸດ

ພົບກັບຂໍ້ສະເໜີພິເສດທີ່ສຸດແຫ່ງປີ! ກັບ TOYOTA BIG DEAL

ພົບກັບຂໍ້ສະເໜີພິເສດທີ່ສຸດແຫ່ງປີ! ພຽງແຕ່ທ່ານຈອງລົດພາຍໃນເດືອນມີນາ 2025 ຮັບທັນທີ ຄັນຮົ່ມສຸດພຣີມຽມຈາກ ໂຕໂຢຕ້າ ລາວ. ພ້ອມດຽວກັນນັ້ນ, ຖ້າທ່ານອອກລົດຕັ້ງແຕ່ວັນທີ 1 ມີນາ ຫາ 30 ມິຖຸນາ 2025...

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...