spot_img
Homeນານາສາລະ11ຄວາມແຕກຕ່າງລະຫວ່າງໝູ່ແທ້ກັບໝູ່ປອມ

11ຄວາມແຕກຕ່າງລະຫວ່າງໝູ່ແທ້ກັບໝູ່ປອມ

Published on

206643-attachment

ມິດຕະ​ພາບ​ຄື​ໜຶ່ງ​ໃນ​ປັດ​ໄຈ​ສຳຄັນ​ຂອງ​ຊີວິດແຕ່​ໝູ່​ແທ້​ກັບ​ໝູ່​ທຽມ​ກໍ​ແຍ​ກຍາກ​ລໍາບາກ​ຄືກັນ ໝູ່​ແທ້​ຄື​ຄົົນທີ່​ສາມາດ​ໄປ​ໃສ​ມາ​ໃສ​ກັບ​ເຮົາ​ໄດ້​ທຸກ​ບ່ອນ​ພວກເຂົາ​ຈະ​ເຂົ້າ​ຂ້າງ​ເຮົາ​ສະເໝີ​ບໍ່​ວ່າ​ສະຖານນະການ​ໃດ​ໆຂະນະ​ທີ່​ໝູ່ປອມ​ກໍ​ຈະ​ເຮັດ​ທຸກ​ວິທີ​ເພື່ອ​ສະໜັບສະໜູນ​ເຮົາ​ເຊັ່ນ​ກັນ​ແຕ່​ເປັນ​ໃນ​ແງ່​ຮ້າຍແລະ​ນີ້​ຄື​ສິ່ງ​ທີ່​ຈະ​ຊ່ວຍ​ເບິ່ງ​ວ່າ​ໝູ່​ຄົນ​ໃດ​ຄື​ໝູ່​ແທ້​ຂອງ​ເຮົາ​ກັນ​ແທ້

1.ເປັນ​ແຮງ​ສະໜັບສະໜູນ​ໃນ​ທຸກໆ​ເລື່ອງ

ໝູ່​ແທ້​ຈະໃຫ້​ກຳ​ລັງ​ໃຈ​ເຮົາສະເໝີບໍ່​ວ່າ​ເຮົາຈະ​ເຕັ້ນແປກປະຫລາດ​ຫລື​ປ່ຽນ​ວຽກ​ພວກເຂົາ​ຈະ​ຢູ່​ຄຽງ​ຂ້າງ​ເຮົາບໍ່​ຫ່າງ

2.ມັກ​ບຸກຄະລິກ​ກວນໆ​ຂອງ​ເຮົາ

ເຮົາ​ທຸກ​ຄົນ​ລ້ວນ​ມີ​ບາງເທື່ອ​ທີ່​ຕ້ອງ​ມີບຸກຄະລິກທີ່ກວນໆ​ແຕ່​ໝູ່​ແທ້​ກໍ​ມັກ​ຈະ​ຮັບ​ໄດ້​ສະເໝີ! ອັນ​ທີ່​ແທ້ແລ້ວ​​ພວກເຂົາ​ຈະ​ເຂົ້າ​ມາ​ເປັນ​ສ່ວນຫນຶ່ງ​ກັບ​ເຈົ້າ​ເລີຍ

3.ໃຫ້​ອະໄພເຮົາ

ບາງເທື່ອ​ເຮົາ​ອາດ​ສະແດງ​ອາ​ກັບ​ກິ​ລິ​ຍາ​ບໍ່ດີອອກໄປຖ້າ​ເປັນ​ໝູ່​ປອມ​​ພວກເຂົາ​ຈະຫ​ລຸດ​ລະ​ດັບ​ມິດຕະພາບ​ແຕ່​ເພື່ອນ​ແທ້​ຈະ​ຮູ້​ວ່າ​ບາງເທື່ອ​ເຈົ້າ​ກໍ​ບ້າ​ໆແບບ​ນີ້​ແຫລະ​ພວກເຂົາ​ຈະໃຫ້​ອະ​ໄພ​ເຮົາ​ເນື່ອງ​ຈາກ​ມິດຕະ​ພາບ​ມີ​ຄ່າ​ຫລາຍກວ່າ​ຄວາມ​ຜິດ​ພາດ​ພຽງ​ຊົ່ວ​ຄັ້ງ​ຊົ່ວ​ຄາວ​ຂອງ​ເຮົາ

4.ເຂົ້າ​ຂ້າງ​ເຮົາ​ສະເໝີ

ບໍ່​ສຳຄັນ​ວ່າ​ອີກ​ຝ່າຍ​ຈະ​ເປັນ​ໃຜຜິດ​ກັນ​ເລື່ອງ​ຫຍັງຫລື​ເຈົ້າ​ຈະ​ເປັນ​ຝ່າຍ​ຜິດ​ຫລື​ບໍ່ໝູ່​ແທ້​ຈະ​ຍືນ​ຢູ່​ຂ້າງ​ດຽວ​ກັບ​ເຈົ້າ​ແລະ​ມັກ​ຕໍ່ສູ້​ແທນ​ເຈົ້າ​ໂດຍ​ທີ່​ບໍ່​ຕ້ອງ​ຮ້ອງ​ຂໍ​ເລີຍເຫັນ​ຫລື​ບໍ່ນີ້​ຄື​ການ​ກະທຳ​ຂອງ​ໝູ່​ແທ້!

5.ປ່ອຍ​ໃຫ້​ເຮົາມີ​ຄວາມ​ຄິດ​ເປັນ​ຂອງ​ໂຕ​ເອງ

ເມື່ອ​ເຮົາ​ໃຫຍ່​ຂຶ້ນ​ການ​ເວລາ​ຈະ​ເຮັດໃຫ້​ເຮົາ​ສົນ​ໃຈ​ຫຍັງ​ໃໝ່​ໆ​ຢູ່​ສະເໝີແລະ​ບາງເທື່ອ​ກໍ​ເບິ່ງຄືວ່າ​ເຮົາ​ຈະ​ມັກ​ບາງ​ສິ່ງ​ບາງຢ່າງ​ທີ່​ແຕກ​ຕ່າງ​ຈາກ​ຄົນ​ອື່ນໝູ່ປອມ​ຈະ​ຮຽນ​ແບບເຈົ້າ​ແລະ​ບອກ​ໃຫ້​ເຈົ້າ​ເບິ່ງ​​ໜ້າ​ຂອງ​ຕົວ​ເອງ​ນຳ​ບອກ​ໃຫ້​ຫັດ​ຈຽມ​ໂຕສ່ວນ​ໝູ່ແທ້​ຈະ​ປ່ອຍ​ໃຫ້​ເຈົ້າ​ເຮັດ​ຕາມ​ໃຈ​ຝັນ​ແລະ​ໃຫ້​ກຳ​ລັງ​ໃຈ​ອີກ​

6.ຮູ້​ຈັກ​ພຶດຕິກຳ​ແປກໆ​ຂອງ​ເຮົາ

ເຮົາ​ທຸກ​ຄົນ​ລ້ວນ​ມີ​ພຶດຕິກຳ​ທີ່​ແປກປະຫລາດເຊັ່ນ:ອາລົມ​ຮ້າຍ​ໃນ​ຕອນ​ເຊົ້າ,ເວົ້າ​ຈາ​ອໍ້ແອ້​ເວລາ​ເມົາຫລື​ມັກ​ກິນ​ແປັບ​ຊີ​ໃສ່​ເກືອເປັນ​ຕົ້ນຊຶ່ງ​ມີ​ພຽງ​ໝູ່​ສະນິດ​ເທົ່າ​ນັ້ນ​ທີ່​ຈະ​ຮູ້ບໍ່​ມີ​ໃຜ​ຮູ້​ຈັກ​ເຮົາ​ດີ​ເທົ່າ​ກັບ​ບັນດາ​ໝູ່​ແທ້​ຂອງ​ເຮົາ​ອີກ​ແລ້ວ

7.ໝູ່​ກັນ​ຕິດ​ຕໍ່​ກັນ​ສະເໝີ

ໝູ່ປອມ​​ຈະ​ຕິດ​ຕໍ່​ມາ​ສະເພາະ​ຕອນ​ທີ່​​ພວກເຂົາ​ຢາກ​ຮູ້ຄວາມ​ລັບ​ຈາກ​ເຮົາສ່ວນ​ໝູ່​ແທ້​ຈະ​ຕິດ​ຕໍ່​ເຮົາ​ທຸກ​ບ່ອນ​ແລະ​ທຸກ​ເວລາ​ເພາະ​​ພວກເຂົາ​ສົນ​ໃຈ​ທຸກ​ສິ່ງ​ທີ່ເກິດຂື້ນ​ໃນ​ຊີວິດ​ເຮົາ​ພວກເຂົາ​ບໍ່​ໄດ້​ຢາກ​ຮູ້​ວ່າ​ຄວາມ​ສຳພັນ​ກັບ​ແຟນ​ຄົນ​ໃໝ່​ລ່າ​ສຸດ​ຂອງ​ເຮົາ​ເປັນ​ແບບໃດ​ພວກເຂົາ​ອາດ​ພຽງແຕ່​ຢາກ​ຮູ້​ວ່າ​ຕອນສວາຍ​​ນີ້​ເຈົ້າ​ກິນ​ຫຍັງ​ເຂົ້າໄປ​ແນ່

8.​ພວກເຂົາ​ເກັບ​ຄວາມ​ລັບ​ຂອງ​ເຮົາ​ໄດ້

​ຖ້າເຮົາ​ເຊື່ອ​ໃຈ​ຄົນໆ​ໜຶ່ງ​ວ່າ​ພວກເຂົາ​ຈະ​ບໍ່​​ເອົາ​ຄວາມ​ລັບ​ຂອງ​ເຮົາ​ອອກ​ໄປ​ຈົນ​ທົ່ວ​ບ້ານ​ທົ່ວ​ເມືອງ​ຄົນໆ​ນັ້ນ​ຄື​ໜີ​ບໍ່​ພົ້ນ​ໝູ່ແທ້​ຂອງ​ເຮົາສ່ວນ​ໝູ່ປອມ​ແນ່ນອນ​ວ່າ​ຈະ​ໂຄສະ​ນາ​ຄວາມ​ລັບ​ຂອງ​ເຮົາ​ຄື​ກັບ​ວ່າ​ບໍ່​ມີ​ຫຍັງ​ສຳຄັນຕ່າງ​ຈາກ​ໝູ່​ແທ້​ທີ່​ຈະ​ເກັບ​ຄວາມ​ລັບ​ໄວ້​ກັບ​ໂຕ​ບໍ່​ບອກ​ໃຜ

9.ບໍ່​ຕ້ອງ​ແຕ່ງ​ຕົວ​ໃຫ້​ງາມ​ຕະຫລອດ

ຖ້າ​ເຮົາ​ຕ້ອງ​ແຕ່​ງໂຕ​ໃຫ້​ອະ​ລັງ​ການ​ທັງ​ເສື້ອ​ຜ້າ,ໜ້າ,ຜົມ,ພຽງ​ເພື່ອ​ອອກ​ໄປ​ທ່ຽວ​ຂ້າງ​ນອກ ບອກ​ໄດ້​ເລີຍ​ວ່າ​ໝູ່ໆ​ກຸ່ມ​ທີ່​ເຈົ້າ​ຈະ​ໄປ​ນໍາ​ຄື​ໝູ່​ປອມຂະນະ​ທີ່​ໝູ່​ແທ້​ສາມາດ​ຮັບ​ເຈົ້າ​ໄດ້​ບໍ່​ວ່າ​ຈະ​ອອກ​ມາ​ໃນ​ຊຸດ​ຢູ່​ເຮືອນ​ແລະ​ບໍ່​ໄດ້​ສະ​ຜົມເພາະ​​ພວກເຂົາ​ພຽງແຕ່ຕ້ອງ​ການ​ໃຊ້​ເວລາ​ຢູ່​ກັບ​ເຮົາ ມິດຕະ​ພາບ​ທີ່​ແທ້​ຈິງ​ວັດ​ໄດ້​ຈາກ​ສະພາບ​ທີ່​ເບິ່ງ​ບໍ່​ໄດ້​ຂອງ​ເຮົາ​ເມື່ອ​ຍາມ​ອອກ​ໄປ​ທ່ຽວ!

10.​ພວກເຂົາ​ໃຫ້​ເວລາ​ເຈົ້າ​ໄດ້​ສະເໝີ

ບໍ່​ສຳຄັນ​ວ່າ​ຕອນ​ນັ້ນ​​ພວກເຂົາ​ຈະ​ຕ້ອງ​ຟ້າວ​ໄປ​ເຂົ້າ​ວຽກ​ຫລື​ຮີບ​ໄປ​ຮຽນ​ເພາະ​ໝູ່ແທ້​ຈະ​ມີ​ເວລາ​ດື່ມ​ຊາ​ຫລື​ກາ​ເຟ​ແລະ​ໂອ້ລົມ​ກັບ​ເຮົາ​ໄດ້​ທຸກ​ເມື່ອ​ພວກເຂົາ​ຢາກ​ຢູ່​ກັບ​ເຈົ້າ​ຫລາຍກວ່າ​ຢູ່​ກັບ​ໂຕ​ເອງ​ອີກ

11.ມີ​ໄຫລ່​ໃຫ້​ພັກ​ຜ່ອນ

ຄວາມ​ແຕກ​ຕ່າງ​ທີ່​ສຳຄັນ​ລະຫວ່າງ​ໝູ່ແທ້​​ກັບ​ໝູ່​ທຽມ​ຄື​ວິທີ​ທີ່​ພວກເຂົາ​ຈັດການ​ກັບ​ອາລົມ​ຂຶ້ນໆ​ລົງໆ​ຂອງ​ເຮົາຫາກ​ເຮົາຮູ້ສຶກ​ບໍ່ດີໝູ່ປອມ​​ຈະ​ຕົບ​ບ່າ​ເພື່ອ​ໃຫ້​ກຳ​ລັງ​ໃຈ​ແບບ​ຜ່ານໆ​ແລະ​ປ່ຽນ​ເລື່ອງ​ໂອ້ລົມຂະນະ​ທີ່​ໝູ່​ແທ້​ຈະ​ໂອບ​ກອດ​ເຈົ້າ​ແລະ​ຟັງ​ເຈົ້າ​ຈົ່ມ​ຕະຫລອດ​ໝົດ​ຄືນຖ້າ​ເຮົາ​ຕ້ອງ​ການ​​ພວກເຂົາ​ໝູ່​ແທ້​ຈະ​ເຕັມ​ໃຈ​ຢູ່​ຄຽງ​ຂ້າງ​ເຮົາ​ບໍ່​ວ່າ​ຈະ​ທຸກ​ຫລື​ສຸກ​ກໍ​ຕາມ

ຫວັງ​ວ່າ​ຂໍ້​ສັງເກດ​ເຫລົ່າ​ນີ້​ຈະ​ຊ່ວຍ​ເຮັດໃຫ້​ທຸກຄົນແຍກ​ໄດ້​ລະຫວ່າງ​ໝູ່ແທ້​ກັບ​ໝູ່​ປອມເຈົ້າ​ຮູ້​ດີ​ວ່າ​ຢາກ​ໃຫ້​ໝູ່​ປະ​ເພດ​ໃດ​ຄອຍຖ້າ​ຢູ່​ຄຽງ​ຂ້າງ​ເຈົ້າ

ບົດຄວາມຫຼ້າສຸດ

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...

ເຈົ້າໜ້າທີ່ ກວດພົບ ອຸປະກອນທວນສັນຍານ ຈາກຕ່າງປະເທດ ມາໃຊ້ຢູ່ ນະຄອນຫລວງວຽງຈັນ

ຕັກເຕືອນ-ອົບຮົມ ພ້ອມຍຶດອຸປະກອນທວນສັນຍານ ຈາກຕ່າງປະເທດ ທີ່ລັກລອບມານຳໃຊ້ຢູ່ໃນນະຄອນຫຼວງວຽງຈັນ. ວັນທີ 19 ສິງຫາ 2025 ເພຈຂ່າວກະຊວງເຕັກໂນໂລຊີ ແລະ ການສື່ສານ ລາຍງານວ່າ: ໃນລະຫວ່າງເດືອນ ມິຖຸນາ ຫາ...