spot_img
Homeຂ່າວການສຶກສາຫຼາຍແຫ່ງສະຫຼອງວັນແມ່ຍິງສາກົນ ຄົບຮອບ 103 ປີ

ຫຼາຍແຫ່ງສະຫຼອງວັນແມ່ຍິງສາກົນ ຄົບຮອບ 103 ປີ

Published on

 

ເພື່ອສ້າງຂະບວນການຕ້ອນຮັບວັນແມ່ຍິງສາກົນ 8 ມີນາ ຄົບຮອບ 103 ປີ ໃຫ້ມີບັນຍາກາດເບີກບານມ່ວນຊື່ນ ຄະນະບໍລິຫານ
ງານສະຫະພັນແມ່ຍິງ ກະຊວງສຶກສາທິການ ແລະ ກີລາ ໄດ້ຈັດຕັ້ງພິທີສະເຫຼີມສະຫຼອງວັນແມ່ຍິງສາກົນ ແລະ ສະຫຼຸບບັ້ນແຂ່ງ
ຂັນ 3 ດີຂອງອົງການຈັດຕັ້ງມະຫາຊົນກະຊວງສຶກສາທິການ ແລະ ກີລາ ເຄິ່ງສະໄໝທີ 4 ໃນຕອນເຊົ້າວັນທີ 6 ມີນາ 2013
ຢູ່ທີ່ຫ້ອງປະຊຸມໃຫຍ່ມະຫາວິທະຍາໄລແຫ່ງຊາດລາວ (ມຊ) ໃຫ້ກຽດເຂົ້າຮ່ວມມີທ່ານ ດຣ. ພັນຄຳ ວິພາວັນ ລັດຖະມົນຕີວ່າ
ການ ກະຊວງສຶກສາທິການŒກີລາ ທ່ານນາງ ສີໃສ ລືເດດມູນສອນ ປະທານຄະນະບໍລິຫານງານສູນກາງສະຫະພັນແມ່ຍິງລາວ
ພ້ອມດ້ວຍພະນັກງານŒລັດຖະກອນອ້ອມຂ້າງກະຊວງ.
ໂອກາດດັ່ງກ່າວ ຜູ້ເຂົ້າຮ່ວມໄດ້ຮັບຮູ້ ແລະ ເຂົ້າໃຈເລິກເຊິ່ງເຖິງມູນເຊື້ອປະຫວັດຄວາມເປັນມາຂອງວັນແມ່ຍິງສາກົນ 8 ມີນາ
ພ້ອມນັ້ນພິທີຍັງໄດ້ມອບໃບຍ້ອງຍໍປະເພດບຸກຄົນ ແລະ ອົງການຈັດຕັ້ງ 3 ດີຕື່ມອີກ.
ຂ່າວແຈ້ງຕື່ມວ່າ: ຕອນເຊົ້າວັນດຽວກັນ ຢູ່ທີ່ສະຖາບັນຄົ້ນຄວ້າເສດຖະກິດ ແລະ ການຄ້າ (ໂພນທັນ) ກະຊວງອຸດສາຫະກຳ
ແລະ ການຄ້າ ໄດ້ຈັດຕັ້ງພິທີສະເຫຼີມສະຫຼອງວັນແມ່ຍິງສາກົນ 8 ມີນາ ຄົບຮອບ 103 ປີ ແລະ ສຳມະນາກ່ຽວກັບ “ວຽກງານ
ສົ່ງເສີມ ແລະ ພັດທະນາແມ່ຍິງ ໃນການເຊື່ອມໂຍງກັບປະຊາຄົມເສດຖະກິດອາຊຽນ 2015 ແລະ ສາກົນ” ເຊິ່ງພິທີຍັງໄດ້ມີການ
ສະຫຼຸບລາຍງານການຈັດຕັ້ງປະຕິບັດຂໍ້ແຂ່ງຂັນ 3 ດີຂອງສະຫະພັນແມ່ຍິງກະຊວງອຸດສາຫະກຳ ແລະ ການຄ້າ ປະຈຳປີ
2012 ແລະ ທິດທາງແຜນການຕໍ່ໜ້າ ໃຫ້ກຽດເຂົ້າຮ່ວມມີທ່ານ ສຽວສະຫວາດ ສະແຫວງສຶກສາ ລັດຖະມົນຕີຊ່ວຍວ່າການກະ
ຊວງອຸດສາຫະກຳ ແລະ ການຄ້າ ທ່ານ ດຣ. ນາງ ບົວຄຳ ທິບພະວົງ ຮອງກຳມາທິການເສດຖະກິດŒແຜນການ ແລະ ການເງິນ
ສະພາແຫ່ງຊາດ ຜູ້ຊີ້ນຳສະຫະພັນແມ່ຍິງຂະແໜງອຸດສາຫະກຳ ແລະ ການຄ້າ ພ້ອມດ້ວຍພະນັກງານŒວິຊາການກ່ຽວຂ້ອງ.
ຂ່າວແຈ້ງຕື່ມວ່າ: ຕອນເຊົ້າວັນດຽວກັນ ຢູ່ທີ່ສະໂມສອນປົກຄອງເມືອງສີໂຄດຕະບອງ ນະຄອນຫຼວງວຽງຈັນ ຫ້ອງການສະຫະ
ພັນແມ່ຍິງເມືອງ ກໍໄດ້ຈັດສະເຫຼີມສະຫຼອງວັນແມ່ຍິງສາກົນ 8 ມີນາຂຶ້ນ ພ້ອມທັງສະຫຼຸບວຽກງານການເຄື່ອນໄຫວຂອງສະຫະພັນ
ແມ່ຍິງເມືອງ ປະຈຳປີ 2012 ແລະ ທິດທາງແຜນການຕໍ່ໜ້າເຂົ້າຮ່ວມພິທີມີທ່ານ ບຸນນຳ ພັນສີທຸມ ຮອງເຈົ້າເມືອງສີໂຄດຕະ
ບອງ ທ່ານນາງ ທຸມມາລີ ພົມມະຈັນ ຄະນະບໍລິຫານງານສູນກາງສະຫະພັນແມ່ຍິງລາວ ທັງເປັນຫົວໜ້າສູນໃຫ້ຄຳປຶກສາສຳລັບ
ແມ່ຍິງ ແລະ ເດັກນ້ອຍ ນະຄອນຫຼວງວຽງຈັນ ພ້ອມດ້ວຍພະນັກງານŒວິຊາການກ່ຽວຂ້ອງອ້ອມຂ້າງເມືອງ.
ທີ່ມາhttp://www.vientianemai.net

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...