ສັງຄົມອອນລາຍຂອງໄທ ແຊຣ໌ກະຈາຍຮູບພະພຸດທະຮູບມີເຄົາ ເຊິ່ງເກີດຈາກເຜິ້ງມາເຮັດຮັງໃສ່ບໍວິເວນກ້ອງຄາງພະພຸດທະຮູບ ທີ່ປະດິດສະຖານຢູ່ແຂວງບຶງການ ປະເທດໄທ.
ສຳນັກຂ່າວອອນລາຍຂອງໄທ ໄດ້ເຜຍແຜ່ຮູບພາບພະພຸດທະຮູບມີເຄົາ ເຊິ່ງໄດ້ມາຈາກການນຳເຜີຍແຜ່ຜ່ານທາງເຟສບຸກ ໂດຍພະພຸດທະຮູບອົງດັ່ງກ່າວ ປະດິດສະຖານຢູ່ວັດປ່ານາດົງ ເມືອງປາກຄາດ ແຂວງບຶງການ ປະເທດໄທ ເຊິ່ງມີຝູງເຜິ້ງມາເຮັດຮັງໃສ່ບໍລິເວນກ້ອງຄາງເປັນຈຳນວນຫລວງຫລາຍ ອີກທັງຍັງມີລັກສະນະໂຄ້ງເປັນຮູບໂຕອັກສອນ U ເຮັດໃຫ້ເມື່ອເບິ່ງແລ້ວ ຄ້າຍຄືກັບພະພຸດທະຮູບມີເຄົາ ເຊິ່ງຊາວອອນລາຍຂອງໄທໄດ້ພາກັນແຊຣ໌ຕໍ່ຢ່າງຫລວງຫລາຍ ພ້ອມທັງຂໍພອນຜ່ານພາບດັ່ງກ່າວນີ້ຢ່າງລົ້ນຫລາມ ກາຍເປັນຮູບພາບທີ່ໂດ່ງດັງທົ່ວໂລກອອນລາຍຂອງໄທໃນເວລານີ້.
