spot_img
Homeຂ່າວທ້ອງຖິ່ນນ.ວ ເລັ່ງອະນາໄມຮ່ອງນ້ຳເປື້ອນ ທຳລາຍແຫລ່ງເພາະພັນຍຸງລາຍ

ນ.ວ ເລັ່ງອະນາໄມຮ່ອງນ້ຳເປື້ອນ ທຳລາຍແຫລ່ງເພາະພັນຍຸງລາຍ

Published on

Big Cleaning

ໃນລະດູແລ້ງປີນີ້ ສະພາບອາກາດຮ້ອນອົບເອົ້າ​ໄດ້ແກ່ຍາວ ແລະ ຄາດວ່າໃນບໍ່ ເທົ່າໃດອາທິດຕໍ່ໜ້າ ກໍຈະເລີ່ມເຂົ້າສູ່ລະດູຝົນ ເປັນໂອກາດໃຫ້ພະ ຍາດໄຂ້ເລືອດອອກລະບາດຂຶ້ນຢູ່ໃນໝູ່ປະຊາຊົນເຮົາ ໃນລະຫວ່າງລະດູແລ້ງ ເລີ່ມເຂົ້າສູ່ຕົ້ນລະດູຝົນ ຄືກັບທຸກໆປີຜ່ານມາ. ດັ່ງນັ້ນ ເພື່ອສະກັດກັ້ນຜົນຮ້າຍດັ່ງກ່າວ ຢູ່ຕາມບັນດາເຂດແຂວງຕ່າງໆ, ໂດຍສະເພາະຢູ່ນະຄອນຫລວງວຽງຈັນເຫັນວ່າຮອດເວລາແລ້ວຂະ ແໜງການທີ່ກ່ຽວ ຂ້ອງສົມທົບກັບຄຸ້ມບ້ານຕ່າງໆຄວນເອົາໃຈ ໃສ່ເລັ່ງກຳຈັດຄອງ ລະບາຍນ້ຳເປື້ອນຢູ່ຕາມຈຸດຕ່າງໆໃຫ້ໝົດສິ້ນໄປກ່ອນລະດູຝົນທີ່ຈະມາເຖິງ.

ສຳລັບຄອງລະບາຍນ້ຳເປື້ອນທີ່ຄວນເອົາໃຈໃສ່ໃນໄລຍະນີ້ ສ່ວນໃຫຍ່ແມ່ນຄອງລະບາຍນ້ຳ ສາຍຫລັກນັບແຕ່ໜອງດ້ວງ- ໜອງບົວທອງ, ດົງປາແລບ-ໂພນຕ້ອງສະຫວ່າງ, ຮ່ອງໄກ່ແກ້ວ-ຮ່ອງແຊງ ລົງສູ່ບຶງທາດຫລວງ. ໃນຂະນະດຽວກັນກໍຍັງມີ ຄອງລະບາຍນ້ຳເປື້ອນຢູ່ໃນຫລາຍຈຸດໃນເຂດເມືອງຈັນທະບູລີ ໄຊເສດຖາ ສີສັດຕະນາກ ທີ່ຈະຄວນເອົາໃຈ ໃສ່ແກ້ໄຂແຕ່ ຫົວທີເພາະຢູ່ໃນເຂດນີ້ ມັກມີນ້ຳຄ້າງອັ່ງ ແລະ ເສດຂີ້ເຫຍື້ອ ທີ່ພວກສວຍໂອກາດນຳເອົາມາຖິ້ມຢ່າງຊະ ຊາຍ, ສ້າງຄວາມ

ເປິະເປື້ອນ ແລະ ສົ່ງກິ່ນເໝັນໃຫ້ກັບຜູ້ຄົນທີ່ທ່ຽວໄປມາ ແລະ ອີກດ້ານໜຶ່ງຢູ່ໃນຈຸດດັ່ງກ່າວ ແມ່ນຈະເປັນແຫລ່ງເພາະ ພັນຂອງຍຸງລາຍອາ​ໄສຢູ່ຕາມນ້ຳເປື້ອນ ເພາະສະນັ້ນ ຈຶ່ງຕ້ອງຊອກວິທີດັບສູນແຕ່ຫົວທີ ໃນນີ້ສິ່ງທີ່ໜ້າຊົມຊື່ນທີ່ສຸດ ແມ່ນ ອົງການພັດທະນາບໍລິຫານຕົວເມືອງ ຫລື ອພບ ໄດ້ສົມທົບກັບພວກສ່ວນກ່ຽວຂ້ອງຂອງເມືອງສີສັດຕະນາກ ເລີ່ມລົງ ມືລ້ວງຄອງລະບາຍນ້ຳເປື້ອນຈາກເຂດຂົວຂາວຫລັກ 3 ບ້ານບຶງຂະຫຍອງ ລຽບຕາມເສັ້ນທາງຄູວຽງ ມາສູ່ຕະຫລາດຂົວດິນ, ສູນການຄ້າວຽງຈັນເຊັນເຕີ ຜ່ານບ້ານຝາຍ ໄປສູ່ໂພນທັນ ອອກສູ່ບຶງທາດຫລວງ, ຊຶ່ງຈຸດດັ່ງກ່າວນີ້ເມື່ອທຽບໃສ່ປີຜ່ານມາ ນັບວ່າມີສະພາບນ້ຳເປື້ອນອັ່ງ ຍື່ງຂຶ້ນຜິດປົກກະຕິ ດັ່ງນັ້ນຈຶ່ງເຫັນວ່າມີ ຄວາມຈຳເປັນທີ່ຈະຕ້ອງແກ້ໄຂ ສະພາບຄອງລະບາຍ ນ້ຳດັ່ງກ່າວໃຫ້ມີຄວາມສະອາດ ແລະ ກຳຈັດສິ່ງເປີະເປື້ອນຕ່າງໆ ອອກຈາກຕົວເມືອງໃຫ້ສຳເລັດຜົນ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...