ບໍ່ວ່າລະດູໃດບ້ານເຮົາກໍຍັງສາມາດສຳຜັດກັບແສງແດດໄດ້ສະເໝີແວ່ນກັນແດດຈຶ່ງເປັນອີກໜຶ່ງຕົວເລືອກທີ່ຫລາຍຄົນນິຍົມຊື້ມາສວມໃສ່ນອກຈາກຈະປ້ອງກັນການຖືກທຳຮ້າຍຈາກລັງສີຢູວີໃນແສງແດດແລ້ວໜຸ່ມສາວຫລາຍຄົນເລືອກທີ່ຈະໃສ່ແວ່ນກັນແດດເພື່ອເສີມສ້າງບຸກຄະລິກໃຫ້ເບິ່ງດີແລະທັນສະໄໝມື້ນີ້ມີວິທີການເລືອກຊື້ແວ່ນກັນແດດທີ່ຖືກຕ້ອງເພື່ອປົກປ້ອງແລະຖະໜອມດວງຕາຂອງເຮົາ
ສິ່ງທີ່ຄວນໃຫ້ຄວາມສຳຄັນຄືເລນຊຶ່ງມີທັງເລນທີ່ເຮັດຈາກແກ້ວແລະເລນທີ່ເຮັດຈາກຢາງຂໍ້ແຕກຕ່າງລະຫວ່າງເລນສອງຊະນິດນີ້ຄືເລນແກ້ວຈະແຂງກວ່າແລະເກີດຮອຍຂີດໄດ້ຍາກກວ່າແຕ່ໜັກສ່ວນເລນຢາງຈະເບົາກວ່າແລະທົນຕໍ່ແຮງກະທົບໄດ້ຫລາຍກວ່າແຕ່ເກີດຮອຍຂີດໄດ້ງ່າຍຈຶ່ງມີການເຄືອບສານບາງຊະນິດເພື່ອປ້ອງກັນຮອຍຂີດເຮັດໃຫ້ມີ ລາຄາແພງເລນແວ່ນຕາທີ່ດີນັ້ນເມື່ອເຮົາເບິ່ງເສັ້ນຊື່ຜ່ານເລນຂ້າງໃດຂ້າງໜຶ່ງແລ້ວຍັບແວ່ນເລື່ອນເຂົ້າເລື່ອນອອກຊ້າໆເສັ້ນຊື່ນັ້ນຈະຕ້ອງບໍ່ຄົດບ້ຽວ
ສີຂອງເລນທີ່ເໝາະສົມທີ່ສຸດຄືແດງ,ເທົາ,ຂຽວ,ນ້ຳຕານເພາະຈະບໍ່ເຮັດໃຫ້ການເບິ່ງສີຢ່າງເຊັ່ນສີໄຟສັນຍານຈະລາຈອນຜິດໄປສ່ວນເລນສີເຂັ້ມທີ່ບໍ່ໄດ້ເຄືອບສານກອງຫລືປ້ອງກັນລັງສີຍູວີບໍ່ສາມາດປົກປ້ອງດວງຕາຈາກອັນຕະລາຍຂອງລັງສີຢູວີໄດ້ແຕ່ຈະຍິ່ງເຮັດໃຫ້ດວງຕາໄດ້ຮັບແສງຢູວີຫລາຍຂຶ້ນກວ່າເກົ່າເພາະເວລາຢູ່ໃນທີ່ມືດຮູມານຕາຂອງເຮົາຈະຂະຫຍາຍຕົວຫລາຍຂຶ້ນເຮັດໃຫ້ດວງຕາໄດ້ຮັບລັງສີຢູວີຫລາຍຂຶ້ນ
ວິທີສັງເກດວ່າແວ່ນກັນແດດທີ່ຊື້ປ້ອງກັນລັງສີຢູວີໄດ້ຫລືບໍ່ເບິ່ງໄດ້ຈາກຖ້າມີຂໍ້ຄວາມ ‘400 UV Protection’ລະບຸຢູ່ສະແດງວ່າມີການເຄືອບສານປ້ອງກັນລັງສີຢູວີໃນລະດັບທີ່ປອດໄພເພາະລັງສີຢູວີມີຄວາມຍາວຄື້ນ200-400ນາໂນແມັດແລະໂຕເລກ400ມາຈາກ400ນາໂນແມັດຊຶ່ງເປັນໄລຍະທີ່ລັງສີຢູວີສ່ອງຜ່ານບໍ່ເຖິງຫລືເປັນໄລຍະທີ່ປ້ອງກັນລັງສີຢູວີໄດ້100%ຕາມເກນມາດຕະຖານທີ່ໃຊ້ໃນຢູໂຣບ,ອາເມລິກາແລະອີກຫລາຍໆ ປະເທດຫລືຖ້າມີສັນຍະລັກCEກາຮັບຮອງມາດຕະຖານຜະລິດຕະພັນຈາກຢູໂຣບກຳກັບຢູ່ກໍຖືເປັນການກາລັນຕີຄຸນນະພາບເຊັ່ນກັນ
ໃນການເລືອກຮູບຊົງຂອງແວ່ນນອກຈາກເລື່ອງຂອງຄວາມໂກ້ຫລືຄວາມມັກສ່ວນໂຕແລ້ວຄວນເລືອກໃຫ້ເໝາະສົມກັບຮູບໜ້າໂດຍບໍ່ຄວນເລືອກແວ່ນກັນແດດທີ່ຄັບເກີນໄປຈົນອຶດອັດຫລືເຈັບທີ່ຫົວແຕ່ກໍຕ້ອງບໍ່ຫລົມຈົນຕົກມາຢູ່ບ່ອນດັງເຮັດໃຫ້ເວລາເບິ່ງຕ້ອງ ຫລຸດສາຍຕາລົງຕ່ຳເພາະອາດເຮັດໃຫ້ປວດຕາຫລືເຈັບຫົວໄດ້ເວລາທີ່ໃສ່ແວ່ນກັນແດດແລ້ວຕ້ອງມີແສງລອດຜ່ານເຂົ້າດວງຕານ້ອຍທີ່ສຸດທັງຈາກທາງເທິງແລະທາງລຸມແຕ່ບໍ່ຕ້ອງໃກ້ເຖິງຂະໜາດເວລາໃສ່ແລ້ວເລນເຂົ້າມາຕິດຂົນຕາ
ການຊື້ແວ່ນກັນແດດຈາກຮ້ານທີ່ມີທີ່ຢູ່ແນ່ນອນມີລາຍລະອຽດຂໍ້ມູນຜູ້ຜະລິດແລະມີໃບຮັບປະກັນຄຸນນະພາບຍິ່ງສ້າງຄວາມຫມັ້ນໃຈໃຫ້ກັບຜູ້ໃຊ້ໄດ້ຫລາຍກວ່າຊຶ່ງແວ່ນກັນແດດນັ້ນມີກຳນົດອາຍຸການໃຊ້ງານພຽງ2-3 ປີເພາະສະນັ້ນເວລາຊື້ຕ້ອງສຶກສາຂໍ້ມູນວັນທີ່ຜະລິດຈາກຄູ່ມືຫລືໃບຮັບຮອງໃຜທີ່ກຳລັງຊອກຫາແວ່ນກັນແດດຢ່າລືມວ່າແວ່ນກັນແດດທີ່ດີຕ້ອງເຮັດຫນ້າທີ່ປົກປ້ອງແລະຖະໜອມສາຍຕາຂອງເຮົານໍາ