ໃນໂອກາດທີ່ທະນາຄານລາວກໍ່ສ້າງ ສະເຫຼີມສະຫຼອງການດຳເນີນທຸລະກິດຢູ່ ສປປ ລາວ ຄົບຮອບ 1 ປີ ທະນາຄານດັ່ງກ່າວ
ໄດ້ມອບເງິນຊຸກຍູ້ກະຊວງສຶກສາທິການ ແລະ ກີລາ 30 ລ້ານກວ່າກີບ ແລະ ສະພາແຫ່ງຊາດ 30 ລ້ານກວ່າກີບ ໃນວັນທີ 1
ມີນານີ້ ຢູ່ໂຮງແຮມດອກຈຳປາ ນະຄອນຫຼວງວຽງຈັນ ໂດຍການເປັນປະທານຂອງທ່ານ ຫວານຢາງ ຜູ້ອຳນວຍການໃຫຍ່ທະນາ
ຄານດັ່ງກ່າວ ແລະ ເຂົ້າຮ່ວມມີທ່ານ ດຣ. ພັນຄຳ ວິພາວັນ ລັດຖະມົນຕີວ່າການ ກະຊວງສຶກສາທິການ ແລະ ກີລາ ທ່ານ ສົມ
ພັນ ແພງຄຳ ມີຮອງປະທານສະພາແຫ່ງຊາດ ທ່ານ ຢູຫາວ ໄອສິນເຈຍຫຼໍ ປະທານຄະນະຄຸ້ມຄອງກວດກາທະນາຄານລາວກໍ່
ສ້າງ ຈຳກັດ.
ທ່ານ ຫວານຢາງ ໄດ້ກ່າວສະແດງຄວາມຂອບໃຈ ແລະ ຮູ້ບຸນຄຸນພັກລັດຖະບານລາວ ທີ່ໄດ້ໃຫ້ຄວາມສະດວກຕໍ່ການດຳເນີນທຸ
ລະກິດຂອງຕົນໂດຍດີຕະຫຼອດມາ ແລະ ຂອບໃຈລູກຄ້າທີ່ໃຊ້ບໍລິການ ແລະ ເຊື່ອໝັ້ນ ຈາກນັ້ນ ທ່ານ ຢູຫາວ ໄອສິນເຈຍຫຼໍ
ໄດ້ມອບເງິນສົດ 30 ລ້ານໃຫ້ທ່ານ ດຣ. ພັນຄຳ ວິພາວັນ ແລະ ທ່ານ ສົມພັນ ແພງຄຳມີ ນອກຈາກນີ້ຍັງໄດ້ປະມູນພາບຂຽນ
ຂອງທ່ານ ຢູຫາວ ໄອສິນເຈຍຫຼໍ 2 ພາບ ໂດຍຜົນການປະມູນໄດ້ເງິນທັງໝົດ 35 ລ້ານກີບ ເຊິ່ງຈະນຳໄປມອບໃຫ້ກະຊວງສຶກ
ສາທິການ ແລະ ກີລາ ແລະ ສະພາແຫ່ງຊາດ ພາກສ່ວນລະ 17 ລ້ານກວ່າກີບ.
ທີ່ມາhttp://www.vientianemai.net