ບາງຄົນອອກກຳລັງກາຍເກືອບຕາຍແຕ່ມາຕາຍກັບເລື່ອງອາຫານການກິນນອກຈາກການອອກກຳລັງກາຍທີ່ພໍດີແລ້ວອາຫານຍັງເປັນເລື່ອງສຳຄັນລຳດັບຕົ້ນໆບໍ່ແມ່ນອອກກຳລັງກາຍແລ້ວກິນຫຍັງກໍໄດ້ຕາມໃຈປາກຄວນກິນອາຫານທີ່ມີປະໂຫຍດແລະຄົບທັງ 5 ໝູ່
ສຳລັບມື້ນີ້ມີອາຫານ5ຢ່າງທີ່ຄວນກິນຫລັງອອກກຳລັງກາຍມາຝາກເພາະຫລັງຈາກອອກກຳລັງກາຍຮ່າງກາຍຕ້ອງການບຳລຸງແລະຊ້ອມແຊມສ່ວນທີ່ສູນເສຍພ້ອມທັງເສີມສ້າງກ້າມຊີ້ນອາຫານທີ່ນໍາມາແນະນຳໃນມື້ນີ້ຈະມີຫຍັງແນ່
ກ້ວຍ
ຫມາກໄມ້ຫລາກຫລາຍຄຸນປະໂຫຍດມີຄຸນຄ່າທາງໂພສະນາການສູງອຸດົມໄປດ້ວຍໂປຕີນ,ທາດເຫລັກແລະວິຕາມິນເອທີ່ສຳຄັນຄາລໂບໄຮເດດໃນກ້ວຍສາມາດດູດຊຶມໄດ້ວ່ອງໄວດັ່ງນັ້ນຖ້າກິນກ້ວຍຫລັງອອກກຳລັງກາຍຈະສາມາດຊ່ວຍສ້າງກ້າມຊີ້ນແລະຟື້ນຟູຮ່າງກາຍໄດ້ດີ
ໄຂ່
ຮູ້ຫລືບໍ່ໄຂ່1ໜ່ວຍມີໂປຕີນຄຸນນະພາບດີ6ກຣາມແລະກົດອະມິໂນສຳຄັນອີກ9ຊະນິດໃຜທີ່ມັກອອກກຳລັງກາຍບໍ່ຄວນພາດໄຂ່ອາຫານຫລາຍປະໂຫຍດທີ່ຫາຊື້ງ່າຍບໍ່ຕ້ອງແປກໃຈວ່າເປັນຫຍັງນັກເພາະກາຍຫລືຄົົນທີ່ມັກອອກກຳລັງກາຍຈະເລືອກກິນໄຂ່ໄກ່
ນົມ
ເຄື່ອງດື່ມທີ່ເໝາະສົມທີ່ສຸດໃນການຊ່ວຍໃຫ້ຮ່າງກາຍຟື້ນໂຕຫລັງການອອກກຳລັງກາຍ ເນື່ອງຈາກນົມອຸດົມໄປດ້ວຍໂປແຕດຊຽມຊຶ່ງຊ່ວຍເລື່ອງການເຕັ້ນຂອງຫົວໃຈແລະການສົ່ງອອກຊິເຈນໄປລ້ຽງສະຫມອງເຮັດໃຫ້ກ້າມຊີ້ນຟື້ນໂຕໄດ້ໄວຂຶ້ນ
ປາແຊວມ້ອນ
ອີກໜຶ່ງອາຫານທີ່ແຊບແລະຫລາຍຄຸນປະໂຫຍດແຊວມອນມີປະໂຫຍດຕໍ່ສຸຂະພາບຫົວໃຈແລະຫລອດເລືອດນັກວິໄຈໃນອົດສະຕາລີພົບວ່ານັກຂີ່ລົດຖີບທີ່ໄດ້ຮັບໄຂມັນປາແຊວມອນຕິດຕໍ່ກັນເຖິງ8ອາທິດຈະມີອັດຕາການເຕັ້ນຂອງຫົວໃຈຊ້າລົງແລະເກີດອາການຫອບເມື່ອຍໜ້ອຍລົງຂະນະຂີ່ລົດຖີບ
ນ້ຳ
ສາມາດດື່ມໄດ້ທັງກ່ອນແລະຂະນະອອກກຳລັງກາຍເພາະຈະຊ່ວຍໃຫ້ອອກກຳລັງກາຍໄດ້ດົນຂຶ້ນສຳລັບປະລິມານນ້ຳທີ່ແນະນຳໃຫ້ດື່ມຫລັງອອກກຳລັງກາຍກໍຄື2-3ຈອກນັ້ນເອງ
ລອງຫາອາຫານທີ່ນຳມາແນະນຳເຫລົ່ານີ້ມາກິນເບິ່ງຮ່າງກາຍຈະໄດ້ແຂງແຮງກ້າມຊີ້ນຟື້ນໂຕໄດ້ໄວຂຶ້ນເສີມສ້າງປະໂຫຍດໃຫ້ແກ່ຮ່າງກາຍໄດ້ເຕັມທີ່