ປະຈຳເດືອນສຳລັບຜູ້ຍິງຊື່ກໍບອກຢູ່ແລ້ວວ່າຈະຕ້ອງມາທຸກເດືອນແຕ່ຈະມາຕອນໃດ ເວລາໃດນັ້ນກໍຂຶ້ນຢູ່ກັບສະພາບຮ່າງກາຍຂອງແຕ່ລະຄົນແຕ່ປະຈຳເດືອນຈະມາໄວຫລືຊ້າກໍຄົງຈະບໍ່ມີໃຜກັງວົນຖ້າຫາກວ່າໄລຍະນັ້ນຂອງເດືອນບໍ່ໄດ້ມີຄາວຽກຫລືຕ້ອງເຮັດຫຍັງທີ່ສຳຄັນໆດັ່ງນັ້ນສາວໆຫລາຍຄົນຈຶ່ງຕ້ອງຊອກຫາວິທີການເລື່ອນປະຈຳເດືອນເຮັດໃຫ້ມາໄວຂຶ້ນຫລືຊ້າລົງກວ່າປົກກະຕິແຕ່ທັງນີ້ສ່ວນໃຫຍ່ແລ້ວໃນທາງການແພດການເລື່ອນປະຈຳເດືອນໃຫ້ມາຊ້າລົງເບິ່ງຄືຈະເປັນໄປໄດ້ຫລາຍກວ່າການເຮັດໃຫ້ປະຈຳເດືອນມາໄວກວ່າເກົ່າແຕ່ທັງນີ້ກໍບໍ່ແມ່ນວ່າການເລື່ອນປະຈຳເດືອນໃຫ້ມາໄວຂຶ້ນຈະບໍ່ມີໂອກາດເຮັດໄດ້ເລີຍຊຶ່ງຖ້າໃຜທີ່ກຳລັງຫາວິທີຢູ່ມື້ນີ້ກໍມີວິທີການກະຕຸ້ນໃຫ້ປະຈຳເດືອນມາໄວຂຶ້ນແບບປອດໄພແລະໄດ້ຜົນມາຝາກ
ວິທີເຮັດໃຫ້ປະຈຳເດືອນມາໄວຂຶ້ນສາມາດເຮັດໄດ້ດັ່ງນີ້
ເລືອກກິນຫມາກໄມ້ທີ່ໃຫ້ຄວາມຮ້ອນກັບຮ່າງກາຍສາມາດຊ່ວຍເຮັດໃຫ້ຮອບເດືອນມາກ່ອນເວລາປົກກະຕິໄດ້ໂດຍຫມາກໄມ້ທີ່ຄວນກິນເມື່ອຢາກໃຫ້ປະຈຳເດືອນມາໄວຂຶ້ນກໍຄື ໝາກນັດ,ກາຣົດ,ນ້ຳພິລາ,ໝາກອຶ,ໝາກຮຸ່ງເປັນຕົ້ນໂດຍຈາກທີ່ເຄີຍກິນປົກກະຕິໃຫ້ເພີ່ມປະລິມານການກິນໃຫ້ຫລາຍຂຶ້ນກວ່າເທົ່າໂຕຊຶ່ງຫມາກໄມ້ເຫລົ່ານີ້ຈະຊ່ວຍເພີ່ມອຸນຫະພູມໃນຮ່າງກາຍແລະຊ່ວຍກະຕຸ້ນການຜະລິດຮໍໂມນເອດໂຕເຈນຊຶ່ງຈະສາມາດເລື່ອນປະຈຳເດືອນໃຫ້ມາໄວກວ່າປົກກະຕິໄດ້
ດື່ມນ້ຳຕານໂຕນົດກ່ອນກິນອາຫານທຸກເຊົ້າຈະຊ່ວຍກະຕຸ້ນໃຫ້ຮອບເດືອນມາກ່ອນເວລາປົກກະຕິໄດ້
ສຳລັບສາວໆທີ່ປະຈຳເດືອນມາຊ້າກວ່າປົກກະຕິຫລາຍໆແນະນຳໃຫ້ກິນຢາສະຕີກ່ອນນອນທຸກຄືນເພາະສ່ວນປະກອບໃນຢາສະຕີຈະມີສະໝຸນໄພທີ່ຊ່ວຍປັບຮໍໂມນແລະບຳລຸງເລືອດໃນຮ່າງກາຍຈະຊ່ວຍເຮັດໃຫ້ປະຈຳເດືອນມາໄວຂຶ້ນໄດ້
ສຳລັບໃນທາງການແພດແທ້ໆແລ້ວການເລື່ອນປະຈຳເດືອນໃຫ້ມາໄວຂຶ້ນອາດຈະເປັນໄປບໍ່ໄດ້ແຕ່ທັງນີ້ສາວໆກໍສາມາດເພີ່ມໂອກາດກະຕຸ້ນປະຈຳເດືອນໃຫ້ມາໄວຂຶ້ນໄດ້ຊຶ່ງວິທີການເຮັດກໍສາມາດປະຕິບັດໄດ້ຕາມທີ່ແນະນຳໄປຂ້າງຕົ້ນຊຶ່ງຖືເປັນວິທີທີ່ປອດໄພແລະສາມາດເພີ່ມໂອກາດເຮັດໃຫ້ປະຈຳເດືອນມາໄວຂຶ້ນໄດ້ຫລາຍ