ສຳລັບ “ເຕີຍຫອມ” ນັ້ນທຸກຄົນໜ້າຈະຮູ້ຈັກກັນດີແມ່ນບໍ່ໂດຍສະເພາະ “ໃບເຕີຍ” ທີ່ມັກຖືກນຳມາປະສົມໃນອາຫານເພື່ອໃຫ້ອາຫານມີກິ່ນຫອມເປັນຕາແຊບແຖມຍັງຊ່ວຍແຕ່ງສີຂຽວໃຫ້ກັບຂະໜົມນຳອີກຊຶ່ງຄົນທົ່ວໄປອາດຈະຮູ້ວ່າປະໂຫຍດຂອງ “ເຕີຍຫອມ” ມີພຽງເທົ່ານີ້ແຕ່ແທ້ໆ ແລ້ວ ນອກຈາກ “ເຕີຍຫອມ”ຈະມີດີທີ່ຄວາມຫອມແລ້ວຍັງມີສັບພະຄຸນທາງຢາທີ່ດີຕໍ່ສຸຂະພາບແຝງຢູ່ໂດຍ”ໃບເຕີຍຫອມ100ກຣາມຈະໃຫ້ພະລັງງານເຖິງ35ກິໂລແຄລໍລີແລະຍັງມີຄຸນຄ່າທາງໂພສະນາການອີກຫລວງຫລາຍບໍ່ວ່າຈະເປັນ
ນ້ຳ 85.3 ກຣາມ
ຄາລໂບໄຮເດດ 4.6 ກຣາມ
ໂປຕີນ 1.9 ກຣາມ
ໄຂມັນ 0.8 ກຣາມ
ກາກ 5.2 ກຣາມ
ແຄຊຽມ 124 ມິລິກຣາມ
ຟອດຟໍລັດ 27 ມິລິກຣາມ
ເຫລັກ 0.1 ມິລິກຣາມ
ເບຕ້າ-ແຄໂລທີນ 2.987 ໄມໂຄກຣາມ
ວິຕາມິນບີ 2 0.20 ມິລິກຣາມ
ໄນອະຊີນ 1.2 ມິລິກຣາມ
ວິຕາມິນຊີ 8 ມິລິກຣາມ
ສັບພະຄຸນສຸດແສນຈະໜ້າອັດສະຈັນຂອງເຕີຍຫອມກັນນຳນອກຈາກຈະນຳ”ໃບ”ມາໃຊ້ປະສົມອາຫານແຕ່ງກິ່ນໃຫ້ສີຂຽວແລ້ວຜົນການສຶກສາລິດທາງເພສັດວິທະຍາຍັງພົບວ່າ “ເຕີຍຫອມ” ມີລິດທາງຢານຳອີກດັ່ງນີ້
ໃບ
ໃຊ້ເປັນຢາບຳລຸງຫົວໃຈເພາະໃບເຕີຍມີລິດລຸດອັດຕາການເຕັ້ນຂອງຫົວໃຈຈຶ່ງຊ່ວຍບຳລຸງຫົວໃຈໄດ້ຢ່າງດີວິທີກິນຄືໃຊ້ໃບສົດປະສົມໃນອາຫານແລ້ວກິນຫລືນຳໃບສົດມາຄັ້ນນ້ຳກິນເທື່ອລະ 2-4 ບ່ວງ
ຊ່ວຍແກ້ຢາກນໍ້າເນື່ອງຈາກໃບເຕີຍມີກິ່ນຫອມເຢັນຖ້ານຳມາປະສົມນ້ຳກິນຈະຊ່ວຍດັບຜ່ອນຄາຍຄວາມຮ້ອນກິນແລ້ວຮູ້ສຶກຊື່ນໃຈແລະຊຸ່ມຄໍໄດ້ເປັນຢ່າງດີວິທີກິນຄືນຳໃບເຕີຍສົດມາລ້າງໃຫ້ສະອາດນຳມາຕຳຫລືປັ່ນໃຫ້ລະອຽດແລ້ວຕື່ມນ້ຳໜ້ອຍໜຶ່ງຄັ້ນເອົາແຕ່ນ້ຳດື່ມ
ປິ່ນປົວພະຍາດຫັດຫລືພະຍາດຜິວໜັງໂດຍນຳໃບເຕີຍມາຕຳແລ້ວມາທາເທິງຜິວ
ຮາກແລະລຳຕົ້ນ
ໃຊ້ປິ່ນປົວພະຍາດເບົາຫວານເພາະຮາກແລະລຳຕົ້ນຂອງເຕີຍຫອມນັ້ນມີລິດຫລຸດລະດັບນ້ຳຕານໃນເລືອດວິທີກິນກໍຄືໃຊ້ຮາກ1ກຳມືນຳໄປຕົ້ມເປັນນ້ຳດື່ມທຸກເຊົ້າ-ແລງ
ໃຊ້ເປັນຢາຂັບຍ່ຽວໂດຍການນຳຕົ້ນເຕີຍຫອມ1ຕົ້ນຫລືຮາກເຄິ່ງກຳມືໄປຕົ້ມກັບນ້ຳດື່ມ
ນອກຈາກນີ້ເຕີຍຫອມຍັງຊ່ວຍແກ້ອ່ອນເພຍດັບພິດໄຂ້ແລະຊູກຳລັງໄດ້ນຳອີກເຫັນສັບພະຄຸນຫລວງຫລາຍຂະໜາດນີ້ແລ້ວຕ້ອງບອກວ່າບໍ່ທຳມະດາແທ້ໆສຳລັບພືດສີຂຽວໃບຍາວຊະນິດນີ້