ລັດຖະບານແຫ່ງ ສປປ ລາວ, ໄດ້ມອບເງິນຈຳນວນແສນໂດລາສະຫະລັດ, ໃຫ້ແກ່ລັດຖະບານເນປານເພື່ອປະກອບສ່ວນບັນເທົາທຸກໃຫ້ແກ່ປະຊາຊົນເນປານທີ່ໄດ້ຮັບເຄາະຮ້າຍຈາກເຫດການແຜນດິນໄຫວທີ່ຮ້າຍແຮງໃນວັນທີ 25 ເມສາຜ່ານມາ, ເຊິ່ງໄດ້ສ້າງຜົນກະທົບອັນໃຫຍ່ຫລວງ ແລະ ໄດ້ສ້າງຄວາມເສຍຫາຍຢ່າງໜັກໃຫ້ແກ່ປະຊາຊົນເນປານ, ໂດຍລັດຖະບານລາວໄດ້ຕົກລົງໃຫ້ທ່ານຫລີບຸນຄ້ຳເອກອັດຄະລັດຖະທູດລາວປະຈຳຣາຊະອານາຈັດໄທເປັນຜູ້ມອບຜ່ານທູດນາປານປະຈຳຣາຊະອານາຈັກໄທທີ່ມີສຳນັກງານຕັ້ງຢູ່ບາງກອກ, ນຳເອົາເງິນຈຳນວນດັ່ງກ່າວໄປມອບໃຫ້ລັດຖະບານເພື່ອຊ່ວຍເຫລືອປະຊາຊົນຜູ້ທີ່ໄດ້ຮັບເຄາະຮ້າຍຈາກແຜນດິນໄຫວຄັ້ງນີ້ ແລະ ຖ້າຫາກທ່ານໃດ, ບຸກຄົນ ຫລືນິຕິບຸກຄົນໃດ, ລວມທັງຫ້າງຮ້ານ ແລະ ບໍລິສັດຕ່າງໆທີ່ມີຄວາມປະສົງຢາກຈະປະ ກອບສ່ວນກໍສາມາດປະກອບສ່ວນໄດ້ໂດຍໃຫ້ຕິດຕໍ່ກັບກົມຄຸ້ມຄອງໄພພິບັດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເບີໂທລະສັບ:021-262120,265017 ຫລືພົວພັນກັບກົມມະຫາຊົນ, ຄະນະພົວພັນຕ່າງປະເທດສູນກາງພັກ, ກະຊວງການຕ່າງປະເທດ ເບີໂທ:021-261691,911276,263574.
ແຫລ່ງຂ່າວ: ລາວພັດທະນາ