ການ​ສອບເສັງ​ແຂ່ງຂັນ​ນັກຮຽນ​ເກັ່ງ​ລະດັບ​ຊາດ ຊັ້ນ​ມັດ​ທະຍົມ​ຕົ້ນ ແລະ ຊັ້ນ​ມັດທະຍົມ​ປາຍທົ່ວ​ປະເທດ ປະຈຳ​ສົກຮຽນ 2014-2015 ໄດ້​ດຳເນີນ​ໃນ​ລະຫວ່າງວັນ​ທີ 21-24 ເມສາ 2015 ເຊິ່ງຈັດ​ຂຶ້ນ​ທີ່​ມະຫາວິທະຍາໄລ​ແຫ່ງຊາດ ມາ​ເຖິງ​ວັນ​ທີ 24 ເມສາ 2015 ໄດ້​ປິດ​ລົງ​ດ້ວຍ​ຜົນສຳເລັດອັນ​ຈົບງາມ ເຊິ່ງ​ມີ​ນັກ​ສອບເສັງເຂົ້າ​ຮ່ວມ​ທັງ​ໝົດ 156 ຄົນ ຍິງ 52 ຄົນ ໃນ​ນັ້ນ ຂັ້ນ​​ ມ4 ມີ 72 ຄົນ ຍິງ 29 ຄົນ ຂັ້ນ​​ ມ7 ມີ 84 ຄົນ ຍິງ 24 ຄົນ.

ຜົນ​ການ​ສອບເສັງຂັ້ນ​​ ມ4 ໄດ້​ອັນ​ດັບ​ທີ 1 ວິຊາ​ຄະນິດສາດ ທ້າວ ປະ​ກາຍສິດ ລາດ​ຊະ​ວົງ ຈາກ​ໂຮງຮຽນ ​ມສ ວຽງ​ສະຫວັນ ນະຄອນຫຼວງ​ວຽງ​ຈັນ ພາສາລາວ-ວັນນະຄະດີ ນາງ ເພັງ​ນະພາ ລະຖະ​ຈັກ ໂຮງຮຽນ ​ມ​ ຕົ້ນ ນາ​ໂບ ແຂວງ​ຄຳ​ມ່ວນ ຟີ​ຊິກສາດ ນາງ ທິບ​ພາ​ພອນ ອຸດົມ​ວິໄລ ໂຮງຮຽນ ​ມສ ວຽງ​ຈັນ ນະຄອນ​ຫຼວງ​ວຽງ​ຈັນ ແລະ ວິຊາ​ເຄມີ​ສາດ ທ້າວ ວັນນະ​ສິດ ລັດ​ຕະນະ​ຄົມ ໂຮງຮຽນ ​ມສ ປ່ອງ​ຄຳ ແຂວງ​ຫຼວງ​ພະ​ບາງ.

ອັນ​ດັບ​ທີ 2 ວິຊາ​ຄະນິດສາດ ທ້າວ ເປີ​ວ່າງ ຈາກ​ໂຮງຮຽນ ​ມສ ໂພນ​ສະອາດ ແຂວງ​ໄຊ​ສົມບູນ ພາສາ​ລາວ-ວັນນະຄະດີ ນາງ ຂັນ​ທະ​ລີ ເດດ​ວົງ​ພັນ ໂຮງຮຽນ ​ມສ ໂພນ​ໝີ ແຂວງ​ວຽງ​ຈັນ ຟີ​ຊິກ​ສາດ ທ້າວ ຮື​ຊົງ ໂຮງຮຽນ ​ມສ ເມືອງ​ຮຸນ ແຂວງ​ອຸດົມ​ໄຊ ແລະ ວິຊາ​ເຄ​ມີ​ສາດ ທ້າວ ຄິງ ເລືອງ​ວິຫານ ໂຮງຮຽນ ​ມ ​ຕົ້ນ ປາດ​ຖະ​ໜາ ນະຄອນຫຼວງ​ວຽງຈັນ.

ອັນ​ດັບ​ທີ 3 ວິຊາ​ພາສາ​ລາວ-ວັນນະຄະດີ ນາງ ມີນາ ລັດ​ຕະນະ ໂຮງຮຽນ ​ມສ ປ່ອງ​ຄຳ ແຂວງ​ຫຼວງ​ພະ​ບາງ ຟີ​ຊິກ​ສາດ ນາງ ອາ​ເດືອນ ເຮີ ໂຮງຮຽນ ​ມສ ກິ່ວ​ກະ​ຈຳ ແຂວງ​ຫຼວງ​ພະ​ບາງ ແລະ ທ້າວ ເຢັ້ງ​ຢ່າງ ໄຟ​ເນັ່ງ ໂຮງຮຽນ ​ມສ ໄຊ​ສົມບູນ ແຂວງໄຊ​ສົມບູນ.

ສຳລັບ​ຜົນ​ການ​ສອບເສັງ​ຂັ້ນ ມ7 ໄດ້​ອັນ​ດັບ​ທີ 1 ວິຊາ​ຄະນິດສາດ ທ້າວ ສົມບັດ ວິຊາ​ພາສາລາວ-ວັນນະຄະດີ ນາງ ນ້ຳເຜີ້ງ ຈັນ​ທຸມ​ມີ ວິຊາ​ຟີ​ຊິກ​ສາດ ທ້າວ ມົວ​ທໍ່ ດ່າ​ເຊັ່ງ ແລະ ວິຊາ​ເຄ​ມີສາດ ທ້າວ ດົວ ຢ່າງ ທັງ 4 ຄົນ ແມ່ນ​ນັກຮຽນ​ຈາກ​ໂຮງຮຽນ ​ມສ ພອນ​ສະຫວັນ​ຊົນເຜົ່າ ນະຄອນຫຼວງ​ວຽງ​ຈັນ.

ອັນ​ດັບ​ທີ 2 ວິຊາ​ຄະນິດສາດ ທ້າວ ອຸດົມ​ພອນ ເນັ່ງ​ຈື່ ຈາກໂຮງຮຽນ ​ມສ ສັນຕິພາບ ແຂວງຫຼວງ​ພະ​ບາງ ພາສາ​ລາວ-ວັນນະ​ຄະດີ ທ້າວ ຄຳ​ປະສົງ ໂຮງຮຽນ ​ມສ ສັນຕິພາບ ຫຼວງ​ພະບາງ ຟີ​ຊິກ​ສາດ ທ້າວ ໂມງ​ເຮີ ຈື​ລໍ່ ໂຮງຮຽນ ​ມສ ວຽງ​ຈັນ ນະຄອນ​ຫຼວງ​ວຽງ​ຈັນ ແລະ ວິຊາ​ເຄມີ​ສາດ ທ້າວ ສົມ​ປະ​ນິກ ຈະເລີນຜົນ ໂຮງຮຽນ ​ມສ ວຽງ​ຈັນ ນະຄອນ​ຫຼວງ​ວຽງ​ຈັນ.

ອັນ​ດັບ​ທີ 3 ວິຊາ​ຄະນິດສາດ ທ້າວ ມົ່ງ ທໍ່ ຈາກ​ໂຮງຮຽນ ​ມສ ສັນຕິພາບ ແຂວງ​ຫຼວງ​ພະ​ບາງ ພາສາ​ລາວ-ວັນນະຄະດີ ທ້າວ ອ່ອນ​ຕາ ຄືນ​ສະໝອນ ໂຮງຮຽນ ​ມ​ ປາຍ ທ່າ​ແຂກ ແຂວງ​ຄຳ​ມ່ວນ ແລະ ວິຊາ​ເຄ​ມີ​ສາດ ທ້າວ ວິຈິດ ໄຊ​ຕູ້​ເພ ໂຮງຮຽນ ​ມສ ເມືອງ​ຮຸນ ແຂວງ​ອຸດົມ​ໄຊ.

ສ່ວນ​ການ​ແຂ່ງຂັນ​ຖາມ-ຕອບ​ວິທະຍາສາດ ອັນ​ດັບ​ທີ 1 ແມ່ນ​ຈາກ​ແຂວງ​ໄຊ​ຍະ​ບູ​ລີ ອັນດັບ​ທີ 2 ຈາກ​ແຂວງຈຳປາ​ສັກ ອັນ​ດັບ​ທີ 3 ມີ 2 ແຂວງຄື: ແຂວງ​ຫຼວງ​ພະ​ບາງ ແລະ ແຂວງບໍ​ລິ​ຄຳ​ໄຊ ແລະ ໄດ້​ຮັບ​ລາງວັນຊົມເຊີຍ​ແມ່ນ​ແຂວງ​ສະຫວັນ​ນະເຂດ.

ພິທີ​ມອບ​ໃບ​ຍ້ອງຍໍ ແລະ ຂອງຂວັນ​ລາງວັນ ໃຫ້​ແກ່​ນັກສອບເສັງ​ໃນ​ຄັ້ງ​ນີ້ ໄດ້​ຈັດ​ຂຶ້ນ​ທີ່ຫ້ອງ​ປະຊຸມ​ໃຫຍ່​ມະຫາ​ວິທະຍາໄລ​ແຫ່ງ​ຊາດ ໂດຍ​ມີ​ທ່ານ ລີ​ຕູ້ ບົວ​ປາວ ລັດຖະມົນຕີ​ຊ່ວຍ​ວ່າການ ກະຊວງ​ສຶກ​ສາ​ທິ​ການ ແລະ ກີລາ ບັນດາ​ທ່ານ​ຄະນະບໍດີ ຫົວໜ້າ​ກົມ ບັນດາ​ທ່ານ​ຈາກຫ້າງ​ຮ້ານ​ບໍລິສັດ ທັງ​ພາກ​ລັດ-ເອກະ​ຊົນ ທີ່​ໃຫ້ການ​ສະໜັບ​ສະໜູນ ພະນັກງານ​ຄູ-ອາຈານ ພໍ່ແມ່​ຜູ້​ປົກຄອງ​ຍາດ​ມິດ​ເຂົ້າ​ຮ່ວມສະແດງ​ຄວາມ​ຍິນ​ດີ.

ແຫລ່ງ​ຂ່າວ: ວຽງ​ຈັນ​ໃໝ່