ຂາຍເກື່ອນບ້ານເກື່ອນເມືອງ ໃສ່ກັນເກືອບທຸກຄົນ ສຳລັບຄອນແທກເລນສ໌ບິກອາຍ ໄອເທັມອັນ ນ້ອຍໆ ທີ່ຊ່ວຍປ່ຽນສາວໜ້າລາວໆ ໃຫ້ຫວານໄດ້ໃຈ ແບບເກົາຫລີ ແນ່ນອນວ່າຈະອອກມາເຕືອນໃຫ້ລະແວດລະວັງໄພກ່ຽວກັບເຄື່ອງໃຊ້ປະເພດນີ້ ທັງຍັງມີຫລາຍຕໍ່ຫລາຍເຄດເປັນບົດຮຽນໃຫ້ເຫັນແລ້ວວ່າ ຄອນແທກເລນສ໌ບິກອາຍນັ້ນອັນຕະລາຍກວ່າທີ່ຄິດ ແຕ່ສິນຄ້າປະເພດນີ້ກໍຍັງຂາຍດີ ມີຕັ້ງແຕ່ຕະຫລາດນັດໄປຈົນເຖິງຫ້າງສັບພະສິນຄ້າ ຍິ່ງໃນໂລກອອນໄລນ໌ຍິ່ງຊື້ຂາຍກັນເມົາມັນ ມັນບໍ່ຜິດດອກ ຖ້າເຈົ້າຢາກຈະງາມດ້ວຍບິກອາຍ ແຕ່ເຈົ້າຄວນຮູ້ເທົ່າທັນມັນນຳ ລວມໄປເຖິງໃຊ້ຜະລິດຕະພັນເຫລົ່ານີ້ຢ່າງລະວັງ ກ່ອນທີ່ດວງຕາຄູ່ງາມໆຂອງເຈົ້າຈະບອດໄປເສຍກ່ອນ
ກ່ອນອື່ນເຈົ້າຕ້ອງຮູ້ກ່ອນວ່າ ຄອນແທກເລນສ໌ບິກອາຍນັ້ນ ຖືເປັນພະລິດຕະພັນບໍ່ແມ່ນເຄື່ອງສຳອາງຫລືເຄື່ອງປະດັບ ດັ່ງນັ້ນ ຈຶ່ງນັບວ່າເປັນເຄື່ອງມືແພດຢ່າງໜຶ່ງ ຊຶ່ງຕ້ອງໄດ້ຮັບອະນຸຍາດຈາກສຳນັກງານຄະນະກຳມະການອາຫານແລະຢາ (ອຍ) ກ່ອນເຖິງຈະນຳເຂົ້າຫລືຈຳໜ່າຍໄດ້ ເຊັ່ນນັ້ນແລ້ວກ່ອນທີ່ເຈົ້າຈະຕັດສິນໃຈຊື້ບິກອາຍມາໃສ່ ຕ້ອງກວດສອບໃຫ້ຖີ່ຖ້ວນກ່ອນວ່າ ບິກອາຍແບລນນັ້ນໆ ໄດ້ຮັບການຮັບຮອງຢ່າງຖືກຕ້ອງຫລືບໍ່ ຖ້າບໍ່ແນ່ໃຈຢ່າຊື້ຢ່າງເດັດຂາດ
ການໃສ່ບິກອາຍໃຫ້ປອດໄພນັ້ນ ເຈົ້າຈະຕ້ອງໃຫ້ຄວາມສຳຄັນກັບການປິ່ນປົວຄວາມສະອາດຫລາຍໆ ເພາະຢ່າລືມວ່າຄອນແທກເລນສ໌ຕ້ອງສຳຜັດກັບຕາດຳເຮົາຕະຫລອດເວລາ ຫາກເບິ່ງແຍງແບບບໍ່ດີອາດນຳໄປສູ່ການຕິດເຊື້ອຂອງຕາດຳ ຫາກເປັນນ້ອຍໆ ອາດຈະມີອາການພຽງຕາແຫ້ງ ຕາອັກເສບ ຫລືເກີດຕຸ່ມທີ່ເປືອກຕາ ຊຶ່ງມີຄວາມຫຍຸ້ງຍາກໃນການປິ່ນປົວ ແລະຖ້າໂຊກຮ້າຍເຖິງຂັ້ນເກີດພາວະຕິດເຊື້ອທີ່ແກ້ວຕາ ກໍນັບເປັນອັນຕະລາຍທີ່ເຮັດໃຫ້ເກີດການສູນເສຍດວງຕາໄດ້ ຈຶ່ງຢາກເຕືອນກັນອີກເທື່ອວ່າ ຖ້າຢາກງາມແບບຂາດການສ່ຽງໄພ ສາວົກບິກອາຍກໍຄວນປະຕິບັດຕົວດັ່ງນີ້
1 ຄວນລ້າງມືໃຫ້ສະອາດດ້ວຍສະບູກ່ອນສຳຜັດຄອນແທກເລນສ໌
2 ໝັ່ນເບິ່ງເຄັດລັບໃສ່ບິກອາຍຢ່າງສະໝ່ຳສະເໝີ ແລະ ຄວນປ່ຽນກັບໃສ່ບິກອາຍທຸກ 1-3 ເດືອນ
3 ແຊ່ບິ໊ກະອາຍໃນນ້ຳຢາຖິ້ມໄວ້ 1 ຄືນ ກ່ອນໃສ່ ເພື່ອລ້າງສານກັນບູດອອກໄປ
4 ໃຊ້ນ້ຳລ້າງຄອນແທກເລນສ໌ຂັດຖູເລນສ໌ທັງ 2 ດ້ານ ໃຫ້ສະອາດເປັນເວລາພໍສົມຄວນ ໂດຍໃຊ້ນິ້ວຖູຄ່ອຍ ໆ ເພື່ອລ້າງຄາບໂປຕີນ ແລະ ລະວັງບໍ່ໃຫ້ເກີດຮອຍຂູດຈາກເລັບ
5 ຫ້າມໃຊ້ນ້ຳປະປາຫລືນ້ຳເກືອລ້າງບິກອາຍ ເພາະຄໍລີນໃນນ້ຳປະປາອາດຈະເຮັດໃຫ້ ຄອນແທກເລນສ໌ເສື່ອມສະພາບ ຈີກຂາດງ່າຍສົ່ງຜົນຮ້າຍຕໍ່ແກ້ວຕາຢ່າງຮຸນແຮງ
6 ຫ້າມໃສ່ບິກອາຍເກີນມື້ລະ 8 ຊົ່ວໂມງ ເພາະການໃສ່ບິກອາຍຈະເຮັດໃຫ້ດວງຕາຂາດອອກຊິເຈນ ດັ່ງນັ້ນ ຖ້າໃສ່ຕິດຕໍ່ກັນຍາວເກີນມື້ລະ 8 ຊົ່ວໂມງ ກໍຈະເຮັດໃຫ້ດວງຕາຂາດອອກຊິເຈນໜັກເຂົ້າໄປອີກ
7 ຄົົນທີ່ເປັນພະຍາດພູມແພ້ບໍ່ຄວນໃຊ້ບິກອາຍ ຫລື ໃນບາງກໍລະນີກໍຄວນຫລີກລ້ຽງ ເຊັ່ນ ບຸກຄົນທີ່ພະຍາດເປືອກຕາຫລືເຍື່ອຕາອັກເສບຊຳເຮື້ອ ຄົົນທີ່ຕາແຫ້ງຫລາຍ ແກ້ວຕາສູງໂນນ ຄົົນທີ່ຕາໂປຫລາຍ ຫລື ຄົົນທີ່ແກ້ວຕາໂຄ້ງຫລາຍເກີນໄປຈົນຄອນແທກເລນສ໌ບໍ່ຕິດຕາ ເປັນຕົ້ນ