spot_img
Homeຂ່າວການສຶກສາສຳເລັດການສອບເສັງແຂ່ງຂັນນັກຮຽນເກັ່ງ ຂັ້ນ ປ 5 ທົ່ວປະເທດ

ສຳເລັດການສອບເສັງແຂ່ງຂັນນັກຮຽນເກັ່ງ ຂັ້ນ ປ 5 ທົ່ວປະເທດ

Published on

20150423141009

ຜົນ​ການ​ສອບເສັງ​ແຂ່ງຂັນນັກຮຽນ​ເກັ່ງ​ຂັ້ນ ປ 5 ທົ່ວ​ປະເທດ ປະຈຳ​ສົກຮຽນ 2014-2015 ດຳເນີນ​ມາ​ເປັນ​ເວລາ 4 ວັນ ຢູ່​ນະຄອນ​ຫຼວງ​ວຽງ​ຈັນ ຮອດ​ວັນ​ທີ 23 ເມສາ 2015 ໄດ້​ປິດ​ລົງ​ດ້ວຍຜົນສຳເລັດ ເຊິ່ງ​ມີ​ນັກ​ສອບເສັງເຂົ້າ​ຮ່ວມ​ທັງ​ໝົດ 54 ຄົນ ຍິງ 37 ຄົນ.

ຜົນ​ການ​ສອບເສັງ​ອັນ​ດັບ​ທີ 1 ວິຊາ​ຄະນິດສາດ ແມ່ນ​ທ້າວ ພູເງິນ ພັນທະ​ວົງ ຈາກ​ໂຮງຮຽນເຈນ​ນິ​ດາ ເມືອງ​ແປກ ແຂວງຊຽງ​ຂວາງ ວິຊາ​ພາສາ​ລາວ ນາງ ໄພ​ນາ​ລິນ ບຸນ​ນະ​ວົງ ໂຮງຮຽນ​ສັນທະລັກ ເມືອງ​ໄຊ​ເຊດ​ຖາ ນະຄອນຫຼວງ​ວຽງ​ຈັນ ແລະ ວິຊາ​ໂລກ​ອ້ອມ​ຕົວ ນາງ ອາ​ລິ​ຢາ ສຸ​ລິ​ວົງ ໂຮງຮຽນ​ສະຫວ່າງ ຫຼັກ 3 ເມືອງ​ໄກສອນ​ພົມວິຫານ ແຂວງ​ສະຫວັນ​ນະ​ເຂດ.

ອັນ​ດັບ​ທີ 2 ວິຊາ​ພາສາ​ລາວ ນາງ ໄພລິນ ໄຊ​ຍະ​ຮອງ ຈາກແຂວງ​ອຸດົມ​ໄຊ ວິຊາ​ຄະນິດສາດ ນາງ ຫວັງ​ຄຸ້ຍ ແຂວງ​ບໍ່​ແກ້ວ ແລະ ວິຊາ​ໂລກ​ອ້ອມ​ຕົວ ນາງ ໄໝ ພະ​ກອນ​ຄຳ ແຂວງ​ວຽງ​ຈັນ ສ່ວນ​ອັນ​ດັບ​ທີ 3 ວິຊາ​ພາສາລາວ ນາງ ສີ​ລິ​ໂສພາ ສຸ​ຂະ​ພົນ ແຂວງ​ຄຳ​ມ່ວນ ວິຊາ​ຄະນິດສາດ ທ້າວ ບຸນ​ເຮືອງ ທຳ​ມະ​ວົງ ນະຄອນ​ຫຼວງ​ວຽງ​ຈັນ ວິຊາ​ໂລກອ້ອມ​ຕົວ ທ້າວ ສອນ​ກຸມພາ ແສນ​ທະວີ ຈາກ​ແຂວງ​ຫຼວງ​ນ້ຳທາ ພິເສດ​ສຳລັບ​ສົກຮຽນ​ນີ້​ມີນັກ​ສອບເສັງ​ໄດ້​ຄະແນນ​ດີເດັ່ນ ແຕ່​ລະວິ​ຊາ​ບໍ່​ຫຼຸດ 7 ຂຶ້ນ​ໄປ ມີ 5 ຄົນ ຍິງ 4 ຄົນ.

ເຂົ້າ​ຮ່ວມ​ເປັນ​ກຽດ​ມອບ-ຮັບໃບ​ຍ້ອງຍໍ ແລະ ຂອງຂວັນ​ລາງວັນ​ໃນ​ຄັ້ງ​ນີ້​ມີ​ທ່ານ ລີ​ຕູ້ ບົວ​ປາວ ລັດຖະມົນຕີ​ຊ່ວຍ​ວ່າການ​ກະຊວງ​ສຶກ​ສາ​ທິ​ການ ແລະ ກີລາ ທ່ານຫົວໜ້າ​ກົມ ບັນດາ​ທ່ານ​ຈາກຫ້າງ​ຮ້ານ ບໍລິສັດ ທັງ​ພາກ​ລັດ-ເອກະ​ຊົນ ທີ່​ໃຫ້ການ​ສະໜັບ​ສະໜູນ ພະນັກງານ​ຄູ-ອາຈານ ແລະ ພໍ່​ແມ່​ຜູ້​ປົກຄອງ​ເຂົ້າ​ຮ່ວມສະແດງ​ຄວາມ​ຍິນ​ດີ.

 

ແຫລ່ງ​ຂ່າວ: ວຽງ​ຈັນ​ໃໝ່

 

ບົດຄວາມຫຼ້າສຸດ

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...