ຄວາມສວຍງາມໃນຮ່າງກາຍຂອງຄົນເຮົາສ່ວນໃຫຍ່ຄົນບໍ່ຄ່ອຍເວົ້າເຖິງເລື່ອງການເບິ່ງແຍງຕີນເພາະຄິດວ່າຕີນບໍ່ແມ່ນສ່ວນທີ່ຕ້ອງນຳມາສະແດງເປັນສິ່ງທີ່ບໍ່ສຸພາບບໍ່ຄວນຕ້ອງເວົ້າເຖິງແຕ່ໃນຄວາມເປັນຈິງຕີນເປັນສ່ວນສຳຄັນຂອງຮ່າງກາຍ
ລອງຄິດເບິ່ງວ່າຖ້າບໍ່ມີຕີນເຮົາຈະກ້າວຍ່າງແບບໃດແລະຕີນຂອງເຮົາເຮັດວຽກໜັກຫລາຍໃນແຕ່ລະມື້ຄວນຈະຕ້ອງດູແລຮັກສາຕີນເປັນພິເສດກວ່າສ່ວນອື່ນແຕ່ຄົນມັກເບິ່ງແຍງຕີນໜ້ອຍຫລາຍຈົນເຖິງຫລາຍທີ່ສຸດບາງຄົນເກືອບຈະບໍ່ເຄີຍບຳລຸງເບິ່ງແຍງເລີຍກໍມີເຮົາກັບມາເບິ່ງແຍງຕີນຂອງເຮົາກັນດີກວ່າ
1.ປ່ຽນຄວາມຄິດ
ເພາະເຫດໃດຈຶ່ງຕ້ອງປ່ຽນຄວາມຄິດກໍເພາະວ່າຖ້າເຮົາບໍ່ປ່ຽນຄວາມຄິດເຮົາກໍບໍ່ໃຫ້ຄວາມສົນໃຈທີ່ຈະດູແລຮັກສາຕີນຄືອະໄວຍະວະທີ່ສຳຄັນເຊັ່ນໜ້າ
2.ແຊ່ດ້ວຍນ້ຳອຸ່ນແຊ່ໄດ້ທຸກມື້
ໂດຍແຊ່ມື້ລະ5- 10ນາທີຖ້າປະສົມເກືອເມັດ 1 ກຳມືຄວນແຊ່ມື້ລະ1-2ເທື່ອເພາະເກືອຊ່ວຍດູດຊັບປະຈຸເສຍຈາກຮ່າງກາຍໄດ້ເມື່ອທຽບກັບການຍ່າງດິນດ້ວຍຕີນແລະບີບນວດເພື່ອໃຫ້ເລືອດໄຫລວຽນໄດ້ດີຖ້າມີສ່ວນໃດທີ່ ໜາກໍໃຫ້ຂັດອອກນຳແຕ່ໃນສ່ວນທີ່ມີຄວາມໜານັ້ນເອງທີ່ເປັນສ່ວນທີ່ຕ້ອງເບິ່ງແຍງເປັນພິເສດການແຊ່ນ້ຳອຸ່ນຊ່ວຍຫລຸດອາການປວດຊາຕາມປາຍຕີນແລະຄົົນທີ່ປວດເຄົ່າຊ່ວຍໃຫ້ຜ່ອນຄາຍແລະຫລັບສະບາຍ
3.ການບໍລິຫານຕີນ
–ຈັບນິ້ວຕີນແກ່ວງເທື່ອລະນິ້ວແລະໝຸນໄປມາທຽບເທົ່າກັບການໝຸນຄໍຊ່ວຍໃຫ້ເລືອດໄປລ້ຽງສະຫມອງດີຂຶ້ນ
-ກົ້ມເງີຍບໍລິເວນນິ້ວຕີນທຽບເທົ່າກັບການນວດຄໍແລະກ້ານຄໍເພື່ອໃຫ້ເລືອດລົມບໍລິເວນນັ້ນໄຫລວຽນໄປລ້ຽງສ່ວນຂອງຫູຕາດັງໄດ້ເປັນຢ່າງດີ
-ກົ້ມເງີຍບໍລິເວນຂໍ້ຕີນເພື່ອໃຫ້ຂໍ້ຕີນໄດ້ຖືກກະຕຸ້ນໃຫ້ເລືອດໄຫລວຽນຂັບລົມອອກຈາກຂໍ້ແຕ່ລະຂໍ້
4.ການນວດຕີນງ່າຍໆພຽງນວດຕາມຝ່າຕີນແລະຫລັງຕີນກ່ອນນອນເພື່ອກະຕຸ້ນປະສາດສ່ວນຕ່າງໆເພາະສ່ວນຕີນຈະມີຈຸດທີ່ຕ້ອງກົດນວດເຖິງ62ຈຸດຕໍ່ຂ້າງແລະສະທ້ອນໄປເຖິງອະໄວຍະວະຕ່າງໆໃນຮ່າງກາຍ
5.ທາດ້ວຍໂລຊັນເພື່ອຖະໜອມຕີນຂອງເຮົານຸ້ມແລະຢູ່ກັບເຮົາດົນໆກໍຄວນເບິ່ງແຍງຕີນໃຫ້ເຊັ່ນກັນ
6.ໃສ່ຖົງຕີນກ່ອນນອນຖ້າອາກາດເຢັນຄວນໃສ່ຖົງຕີນເພື່ອໃຫ້ອົບອຸ່ນແລະນອນຫລັບສະບາຍຂຶ້ນ
7.ຕັດເລັບແລະໜັງທີ່ດ້າງແຂງເພື່ອຄວາມສະອາດຂອງຕີນແລະຍັງຊ່ວຍປ້ອງກັນບັນຫາເລັບສັກນໍາມາໄດ້
ເມື່ອມີການເບິ່ງແຍງຕີນທີ່ດີກໍ່ຈະຮູ້ສຶກພູູມໃຈໃນສິ່ງທີ່ໄດ້ເບິ່ງແຍງເພາະຕີນເຮັດຫນ້າທີ່ຢ່າງໜັກແລະກໍ່ຈະໄດ້ນອນຫລັບສະບາຍໃນຄ່ຳຄືນນອກຈາກນີ້ສຸຂະພາບກໍຈະດີຕາມມານໍາອີກຕ່າງຫາກຖ້າຍັງບໍ່ເຄີຍເຮັດລອງເລີ່ມເຮັດເບິ່ງຈະຮູ້ວ່າເບົາສະບາຍພຽງໃດກັບການໄດ້ແຊ່ຕີນດ້ວຍນ້ຳອຸ່ນກ່ອນນອນທຸກຄືນ